完整藏文原文 · 德格版页 当前仅加载第 43 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་ན་ཏིང་ངེ་འཛིན་འཐོབ་སྟེ། བཞི་གང་ཞེ་ན། འཁོར་བ་ལ་ཡིད་འབྱུང་བ་མང་བ་དང་། གཅིག་པུར་ཀུན་ཏུ་དགའ་ཞིང་མགུ་ལ་མོས་པ་དང་། བརྩོན་འགྲུས་བརྩམས་པ་དང་། ལས་ཀྱི་མཐའ་ཤིན་ཏུ་ཡོངས་སུ་མཐར་ཕྱིན་པ་ཡིན་ཏེ། བུ་མོ་བྱང་ཆུབ་སེམས་དཔའ་ཆོས་
D77.043.0254b01.01བཞི་པོ་དེ་དག་དང་ལྡན་ན་ཏིང་ངེ་འཛིན་འཐོབ་བོ། །དེ་ལ་འདི་སྐད་ཅེས་བྱ་སྟེ། སྲིད་པའི་འགྲོ་བ་ཀུན་ལ་ཡིད་ཀྱང་འབྱུང་། །བསེ་རུ་ལྟ་བུར་གཅིག་པུར་སྤྱོད་ལ་དགའ། །རྟག་ཏུ་ཤིན་ཏུ་བརྩོན་འགྲུས་བརྩམས་པ་ཡིན། །དེ་ཡི་ལས་རྟག་ཤིན་ཏུ་མཐར་ཡང་ཕྱིན། །རྟག་ཏུ་
D77.043.0254b02.01ཆོས་བཞི་དག་ལ་ཞུགས་ནས་སུ། །བྱང་ཆུབ་སྤྱོད་པ་ཞི་བ་མྱུར་ཚོལ་བྱེད། །བྱང་ཆུབ་སེམས་དཔའ་ཏིང་འཛིན་ལ་གོར་འཐོབ། །རྒྱལ་བ་རྣམས་ཀྱི་སྤྱོད་ཡུལ་བྱང་ཆུབ་རྟོགས། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་རྫུ་འཕྲུལ་འཐོབ་སྟེ། བཞི་གང་ཞེ་ན། ལུས་
D77.043.0254b03.01ཡང་བ་དང་། སེམས་ཡང་བ་དང་། ཆོས་ཐམས་ཅད་ལ་མངོན་པར་ཞེན་པ་མེད་པ་དང་། ཁམས་བཞི་ནམ་མཁའི་ཁམས་དང་མཉམ་པ་ཉིད་དུ་བྱིན་གྱིས་རློབ་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་རྫུ་འཕྲུལ་འཐོབ་བོ། །དེ་ལ་འདི་སྐད་ཅེས་བྱ་སྟེ།
D77.043.0254b04.01ལུས་ཡང་བ་དང་དེ་བཞིན་སེམས་ཀྱང་ཡང་། །ཆོས་རྣམས་ཀུན་ལ་གནས་པ་མེད་པ་ཉིད། །ནམ་མཁའི་ཁམས་དང་མཚུངས་ཤིང་འདྲ་ཉིད་དུ། །ཁམས་བཞི་པོ་དག་བྱིན་གྱིས་རློབ་པར་བྱེད། །ཆོས་བཞི་འདི་དག་ངེས་པར་བསྟེན་བྱས་ན། །བློ་ལྡན་དེ་ཡིས་རྫུ་འཕྲུལ་མཐའ་
D77.043.0254b05.01ཡས་འཐོབ། །སྐད་ཅིག་གཅིག་ལ་ཞིང་རྣམས་སྟོང་དུ་འགྲོ །སངས་རྒྱས་སྟོང་ཕྲག་མང་པོ་རྣམས་ཀྱང་མཐོང་། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་མཛེས་པར་འགྱུར་ཏེ། བཞི་གང་ཞེ་ན། ཁྲོ་བ་མེད་དེ་རྩོད་པ་དང་། ཐ་བ་དང་། ཞེ་སྡང་དང་བྲལ་བ་དང་།
D77.043.0254b06.01དེ་བཞིན་གཤེགས་པའི་མཆོད་རྟེན་འཕྱག་པར་མངོན་པར་བརྩོན་པར་འགྱུར་བ་དང་། ཚུལ་ཁྲིམས་ཀྱི་སྡོམ་པས་བསྡམས་ཤིང་ཚུར་ཤོག །ལེགས་པར་འོངས་སོ་ཞེས་རྟག་ཏུ་སྨྲ་བ་དང་། ཆོས་སྨྲ་བ་རྣམས་ལ་ཁྲོ་གཉེར་དང་བྲལ་ཞིང་ཞེ་འགྲས་པའི་སེམས་མེད་པ་ཡིན་ཏེ། བུ་མོ་
D77.043.0254b07.01