完整藏文原文 · 德格版页 当前仅加载第 43 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
གྲགས་པ་མཐའ་ཡས་ཇི་ལྟར་འོད་ཟེར་གཏོང་། །བྱང་ཆུབ་སྤྱོད་ཚུལ་ལེགས་པར་བཤད་དུ་གསོལ། །སངས་རྒྱས་ནོར་གྱི་གཟུངས་ནི་ཇི་ལྟར་འཐོབ། །ཏིང་འཛིན་ཞི་བ་དམ་པ་ཇི་ལྟར་བསྒོམ། །མི་ཡིས་རྫུ་འཕྲུལ་སྟོབས་ནི་ཇི་ལྟར་འཐོབ། །སེམས་ཅན་རིན་ཆེན་རྣམས་ཀྱི་
D77.043.0252b01.01སྤྱོད་པ་གསུངས། །གང་གིས་དྲན་དང་རྟོགས་དང་བློ་གྲོས་འགྱུར། །སྤོབས་པ་མཛེས་དང་ལྡན་པར་གང་གིས་འགྱུར། །གང་དང་རབ་ཏུ་ལྡན་ན་འཁོར་ནང་དུ། །སྙན་ཅིང་ཤིན་ཏུ་མཛེས་པ་སྨྲ་བར་བགྱིད། །གང་གིས་མི་ནི་ཚེ་རབས་དྲན་པར་འགྱུར། །དྲི་མ་མ་
D77.043.0252b02.01མཆིས་ལྷ་ཡི་མིག་ཀྱང་འཐོབ། །ལྷ་རྣ་འཐོབ་ཅིང་ཕ་རོལ་སེམས་ཚུལ་རིག །རྫུ་འཕྲུལ་གྱིས་ནི་ཞིང་རྣམས་བརྒྱར་ཡང་མཆི། །ཇི་ལྟར་སྦྱིན་པ་གཏོང་ལ་བརྩོན་པར་འགྱུར། །རྟག་ཏུ་ཚུལ་ཁྲིམས་དག་ཅིང་བཟོད་ལ་དགའ། །ཇི་ལྟར་བརྩོན་འགྲུས་བསམ་གཏན་
D77.043.0252b03.01མཁས་པར་འགྱུར། །ཤེས་རབ་ལ་ཡང་ཇི་ལྟར་ཤིན་ཏུ་བརྩོན། །མངལ་གྱི་གནས་ནི་ཇི་ལྟར་རྣམ་སྤངས་ནས། །པད་མ་ལས་ནི་རྟག་ཏུ་རྫུས་ཏེ་སྐྱེ། །སངས་རྒྱས་རྣམས་ཀྱི་སྤྱན་སྔར་མཆིས་པར་བགྱིད། །བདག་མེད་སྟོང་པ་ཉིད་ཀྱི་སྒྲ་ཡང་བརྗོད། །ཇི་ལྟར་
D77.043.0252b04.01དེ་ཡིད་དགའ་དང་མི་དགའ་མཚུངས། །སྲེད་པ་སྤངས་ཤིང་ཐ་བ་ཞེ་སྡང་སྤོང་། །མཐོ་བར་མི་སེམས་དམའ་བར་སེམས་མ་མཆིས། །སེམས་བརྟན་གཡོ་བ་མ་མཆིས་རི་རབ་མཚུངས། །རྙེད་དང་མ་རྙེད་གྲགས་དང་མ་གྲགས་དང་། །བསྟོད་དང་སྨད་དང་བདེ་
D77.043.0252b05.01དང་སྡུག་བསྔལ་དང་། །ཇི་ལྟར་འཇིག་རྟེན་ཆོས་རྣམས་ཟིལ་མནན་གནས། །འཇིག་རྟེན་ཀུན་ན་ཟླ་བ་ལྟ་བུར་སྤྱོད། །ང་ཡི་མ་མཆིས་ཚུལ་འཆོས་གཡོ་མ་མཆིས། །ཇི་ལྟར་རྡུལ་བྲལ་ང་རྒྱལ་རྒྱགས་པ་སྤོང་། །ཞི་དང་རབ་ཏུ་ཞི་དང་ཞི་གནས་བརྩོན། །བློ་
D77.043.0252b06.01ལྡན་ཇི་ལྟར་ཡེ་ཤེས་མཆོག་ཏུ་འགྱུར། །ཆུང་མ་བུ་ནོར་མཛའ་ལ་དགའ་མ་མཆིས། །ཇི་ལྟར་བས་མཐའི་མལ་ལ་མངོན་པར་དགའ། །རྟག་ཏུ་བྱ་དང་མཚུངས་ཤིང་ཟླ་བ་འདྲ། །ཇི་ལྟར་ཆོས་ཀྱི་ནོར་ལ་དགའ་ཞིང་མོས། །ཆུ་དང་མཚུངས་ཤིང་ས་འདྲ་རླུང་དང་
D77.043.0252b07.01