完整藏文原文 · 德格版页 当前仅加载第 43 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་བཅོམ་ལྡན་འདས་ཀྱིས་ཆོས་ཉིད་ཅེས་བགྱི་བ་ཡང་མངོན་པར་རྫོགས་པར་སངས་མ་རྒྱས་ཏེ། དེ་ལས་བྱུང་བའི་ཆོས་ལྟ་གང་ཞིག་མཆིས་པར་གྱུར་ན་བཅོམ་ལྡན་འདས་ཀྱིས་བྱང་ཆུབ་ཀྱི་སླད་དུ་ཇི་ལྟར་དགེ་བའི་རྩ་བ་ཡང་དག་པར་བསྒྲུབས་ལགས། བཅོམ་ལྡན་འདས་
D75.043.0223b01.01ཀྱིས་བཀའ་སྩལ་པ། གང་གཱའི་མཆོག་གང་དམིགས་པ་དེ་ནི་དགེ་བའི་རྩ་བ་མ་ཡིན་ཏེ། བྱང་ཆུབ་སེམས་དཔའ་དགེ་བའི་རྩ་བ་དེ་ནི་གང་གི་ཚེ་ཡང་དག་པར་སྒྲུབ་པ་དེའི་ཚེ་ཡང་བསམ་གྱིས་མི་ཁྱབ་པ་ཉིད་མི་འདོར་རོ། །གང་གི་ཚེ་ཡང་དག་པར་མི་སྒྲུབ་པ་དེའི་ཚེ་ཡང་བསམ་གྱིས་མི་ཁྱབ་
D75.043.0223b02.01པ་ཉིད་མི་འདོར་རོ། །གསོལ་པ། བཅོམ་ལྡན་འདས་བསམ་གྱིས་མི་ཁྱབ་པ་ལ་བསམ་གྱིས་མི་ཁྱབ་པ་ཞེས་བགྱི་བ་ཅིའི་སླད་དུ་བསམ་གྱིས་མི་ཁྱབ་པ་ལ་བསམ་གྱིས་མི་ཁྱབ་པ་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། གང་གཱའི་མཆོག་ཆོས་འདི་ནི་སེམས་
D75.043.0223b03.01པས་ཐོབ་པར་བྱ་བ་མ་ཡིན་ཏེ། སེམས་པས་ཐོབ་པར་བྱར་མི་ནུས་སོ། །དེ་ཅིའི་ཕྱིར་ཞེ་ན། འདི་ལྟར་འདི་ལ་ནི་སེམས་ཉིད་ཀྱང་མི་དམིགས་ན་གང་སེམས་ལས་རབ་ཏུ་བྱུང་བའི་ཆོས་ལྟ་ག་ལ་ཡོད། གང་གཱའི་མཆོག་སེམས་མི་དམིགས་པ་ནི་བསམ་གྱིས་མི་ཁྱབ་པའི་རྒྱུད་ཅེས་
D75.043.0223b04.01བྱའོ། །བསམ་གྱིས་མི་ཁྱབ་པའི་རྒྱུད་གང་ཡིན་པ་དེ་ནི་ཐོབ་པ་མ་ཡིན། མངོན་པར་རྟོགས་པ་མ་ཡིན། ཤེས་པ་མ་ཡིན། མངོན་སུམ་དུ་བྱས་པ་མ་ཡིན་ཏེ། དེ་ནི་ཐོབ་པར་བྱ་བ་མ་ཡིན། ཀུན་ནས་ཉོན་མོངས་པ་མ་ཡིན་རྣམ་པར་བྱང་བ་མ་ཡིན་ནོ། །དེ་ཅིའི་ཕྱིར་ཞེ་
D75.043.0223b05.01ན། གང་གཱའི་མཆོག་འདི་ལྟར་དེ་བཞིན་གཤེགས་པས་ནི་ཆོས་ཐམས་ཅད་ནམ་མཁའ་ལྟར་ངེས་པར་ཐུགས་སུ་ཆུད་དེ། གང་གཱའི་མཆོག་ཆོས་ཐམས་ཅད་ནི་ནམ་མཁའ་དང་མཚུངས་པ་གཉེན་པོ་མེད་པའོ། །གསོལ་པ། བཅོམ་ལྡན་འདས་གལ་ཏེ་ཆོས་ཐམས་ཅད་
D75.043.0223b06.01ནམ་མཁའ་དང་མཚུངས་པ་གཉེན་པོ་མ་མཆིས་པ་ལགས་ན་བཅོམ་ལྡན་འདས་ཀྱིས་གཟུགས་ཞེས་བཏགས་པ་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་རྣམ་པར་ཤེས་པ་ཞེས་བཏགས་པ་དང་། ཕུང་པོ་རྣམས་དང་། ཁམས་རྣམས་དང་། སྐྱེ་མཆེད་
D75.043.0223b07.01