完整藏文原文 · 德格版页 当前仅加载第 43 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
མྱ་ངན་ལས་འདས་པར་མཆི་བ་མ་ལགས་ཏེ། བཅོམ་ལྡན་འདས་དགེ་བསྙེན་མ་གང་གཱའི་མཆོག་ཀྱང་དེ་ལྟ་བུའི་དབྱིངས་ཅན་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། གང་གཱའི་མཆོག་ཁྱོད་ཅི་ཡོངས་སུ་མྱ་ངན་ལས་འདས་པ་ལ་ཡང་དག་
D75.043.0223a01.01པར་མ་ཞུགས་སམ། གསོལ་པ། བཅོམ་ལྡན་འདས་སུ་ཞིག་གིས་མི་སྐྱེ་བ་ལ་སྨྲས་ཏེ། ཁྱོད་ཡོངས་སུ་མྱ་ངན་ལས་འདས་པ་ལ་ཡང་དག་པར་མ་ཞུགས་སམ་ཞེས་དེ་སྐད་བགྱིས་ན་ཇི་སྐད་ལན་འདེབས་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། གང་
D75.043.0223a02.01གཱའི་མཆོག་མི་སྐྱེ་བ་ཞེས་བྱ་བ་ནི་མྱ་ངན་ལས་འདས་པའི་ཚིག་{བླ་དགས་,བླ་དྭགས་}ཡིན་ན་དེ་ཅི་ཞིག་ལན་འདེབས་པར་འགྱུར། གང་གཱའི་མཆོག་གིས་གསོལ་པ། བཅོམ་ལྡན་འདས་ཅི་ཆོས་ཐམས་ཅད་ནི་མྱ་ངན་ལས་འདས་པ་དང་མཚུངས་པ་ལགས་སམ། བཀའ་སྩལ་པ། གང་གཱའི་
D75.043.0223a03.01མཆོག་དེ་དེ་བཞིན་ཏེ། ཆོས་ཐམས་ཅད་ནི་མྱ་ངན་ལས་འདས་པ་དང་མཚུངས་སོ། །གསོལ་པ། བཅོམ་ལྡན་འདས་གལ་ཏེ་ཆོས་ཐམས་ཅད་མྱ་ངན་ལས་འདས་པ་དང་མཚུངས་པ་ལགས་ན་གང་གཱའི་མཆོག་ཁྱོད་ཡོངས་སུ་མྱ་ངན་ལས་འདས་པ་ལ་ཡང་དག་པར་མ་ཞུགས་སམ་ཞེས་
D75.043.0223a04.01ང་ཅི་ཞིག་སྨྲ་སྟེ། བཅོམ་ལྡན་འདས་སུ་ཞིག་གིས་སྤྲུལ་པ་ལ་སྨྲས་ཏེ། ཁྱོད་ཡོངས་སུ་མྱ་ངན་ལས་འདས་པ་ལ་ཡང་དག་པར་མ་ཞུགས་སམ་ཞེས་དེ་སྐད་བགྱིས་ན་ཇི་སྐད་ལན་འདེབས་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། གང་གཱའི་མཆོག་དྲི་བ་འདི་
D75.043.0223a05.01ནི་དམིགས་པ་མེད་པའོ། །གསོལ་པ། ཅི་བཅོམ་ལྡན་འདས་ཀྱིས་དམིགས་པ་དང་བཅས་པའི་སྨྲ་བས་སྨྲས་ལགས་སམ། བཀའ་སྩལ་པ། གང་གཱའི་མཆོག་དྲི་བ་འདི་ནི་དམིགས་པ་མེད་མོད་ཀྱི། འོན་ཀྱང་འཁོར་འདི་ན་རིགས་ཀྱི་བུ་འམ། རིགས་ཀྱི་བུ་མོ་འདུ་བ་དག་
D75.043.0223a06.01ཡོད་དེ། དེ་དག་གི་དོན་ཆེན་པོར་འགྱུར་བས་དྲིས་སོ། །དེ་ཅིའི་ཕྱིར་ཞེ་ན། གང་གཱའི་མཆོག་དེ་བཞིན་གཤེགས་པས་ནི་ཆོས་ཉིད་ཅེས་བྱ་བ་ཡང་མངོན་པར་རྫོགས་པར་སངས་མ་རྒྱས་ན་གང་དེ་ལས་བྱུང་བའི་ཆོས་ཡོངས་སུ་མྱ་ངན་ལས་འདས་པ་ལ་གནས་པ་ལྟ་ག་ལ་ཡོད། གསོལ་པ།
D75.043.0223a07.01