完整藏文原文 · 德格版页 当前仅加载第 43 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་ཡི་རང་བར་མི་བྱེད་དོ། །སྲོག་གི་ཕྱིར་ཡང་{བརྫུན་,རྫུན་}མི་སྨྲ་ལ། {བརྫུན་,རྫུན་}ཟེར་དུ་མི་འཇུག་ཅིང་{བརྫུན་,རྫུན་}སྨྲ་བ་ལ་རྗེས་སུ་ཡི་རང་བར་མི་བྱེད་དོ། །སྲོག་གི་ཕྱིར་ཡང་ཆང་མི་འཐུང་ལ། ཆང་འཐུང་དུ་མི་འཇུག་ཅིང་། ཆང་འཐུང་བ་ལ་རྗེས་སུ་ཡི་རང་བར་མི་
D70.043.0158a01.01བྱེད་དོ། །དེ་བསླབ་པའི་གཞི་ལྔ་པོ་དེ་དག་ལ་རིང་དུ་གནས་ཤིང་བརྟན་པོར་གནས་ལ་དམ་པོར་གནས་ཏེ་མི་ལྷོད་པར་གནས་ཤིང་སྒྲུབ་པོ། །དེ་བཞིན་དུ་ཞིང་རྨེད་པ་དང་། ཞིང་རྨེད་དུ་འཇུག་པ་དང་། འཆིང་བ་དང་། འཆིང་དུ་འཇུག་པ་དང་། གོ་རར་འཇུག་པ་དང་། གོ་
D70.043.0158a02.01རར་འཇུག་དུ་འཇུག་པ་དང་། རྡེག་པ་དང་། རྡེག་ཏུ་འཇུག་པ་དང་། གཅོད་པ་དང་། གཅོད་དུ་འཇུག་པ་དག་སྤང་བ་དང་། དོར་བ་དང་། བསལ་བར་འབད་པར་བྱེད་དོ། །དེ་ལྟར་བསླབ་པའི་གཞི་ལྔ་པོ་དག་ལ་རིང་དུ་གནས་ཤིང་བརྟན་པོར་གནས་ལ་དམ་པོར་གནས་ཏེ་མི་
D70.043.0158a03.01ལྷོད་པར་གནས་ཤིང་སྒྲུབ་བོ། །དེ་བཞིན་དུ་ཕྲ་མའི་ཚིག་དང་། ངག་རྩུབ་པོ་དང་། ཚིག་ཀྱལ་པ་སྤང་བ་དང་། དོར་བ་དང་། བསལ་བར་འབད་པར་བྱེད་དོ། །དེ་སྲོག་ཆགས་ཐམས་ཅད་དང་། སེམས་ཅན་ཐམས་ཅད་ནི་བདག་གི་ཕ་མ་ཇི་ལྟ་བ་བཞིན་ནོ། །བུ་གཅིག་
D70.043.0158a04.01པ་ཕངས་པ་ཇི་ལྟ་བ་བཞིན་ཏེ། ཇི་ལྟར་ཕ་མ་དང་། བུ་གཅིག་པ་ཕངས་པ་བདག་ལ་འཁུ་ཡང་སླར་འཁུ་བར་མི་བྱ་ལ། ལག་པའམ། བོང་བའམ། དབྱུག་པའམ། རལ་གྲིའམ། མདས་བརྡེགས་ཀྱང་སླར་བརྡེག་པར་མི་བྱ། གསོད་ཀྱང་སླར་གསད་
D70.043.0158a05.01པར་མི་བྱ་ཞིང་ཇི་ལྟར་ཕ་མ་དང་། བུ་གཅིག་པ་ཕངས་པ་འཁུ་ཡང་སླར་འཁུ་བར་མི་བྱ་བ་དེ་བཞིན་དུ་བདག་སྲོག་ཆགས་ཐམས་ཅད་དང་། སེམས་ཅན་ཐམས་ཅད་ཀྱིས་ལག་པ་འམ། བོང་བ་འམ། དབྱུག་པ་འམ། རལ་གྲི་འམ། མདས་བརྡེགས་ཀྱང་སླར་
D70.043.0158a06.01བརྡེག་པར་མི་བྱ། གསོད་ཀྱང་སླར་གསད་པར་མི་བྱའོ་ཞེས་དེ་ལྟར་སློབ་བོ། །དཔེར་ན་ཕ་འམ། མ་འམ། བུ་གཅིག་པ་ཕངས་པ་ཡུན་རིང་པོར་ཡུལ་རྒྱུས་ཏེ་འོངས་པ་མཐོང་ན་དགའ་ཞིང་ཡིད་བདེ་བར་འགྱུར་བ་དེ་བཞིན་དུ་ལག་{བཟངས་,བཟང་}བྱང་ཆུབ་སེམས་དཔའ་
D70.043.0158a07.01