完整藏文原文 · 德格版页 当前仅加载第 43 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། ལག་{བཟངས་,བཟང་}བྱང་ཆུབ་སེམས་དཔའ་སེམས་དཔའ་ཆེན་པོས། ཕ་རོལ་ཏུ་ཕྱིན་པ་དྲུག་པོ་འདི་དག་རྟག་པར་རྒྱུན་དུ་ཡོངས་སུ་རྫོགས་པར་བྱའོ། །ལག་{བཟངས་,བཟང་}བྱང་ཆུབ་
D70.043.0154b01.01སེམས་དཔའ་སེམས་དཔའ་ཆེན་པོ་ཇི་ལྟར་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་ཅེ་ན། ལག་{བཟངས་,བཟང་}འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཆོས་ཀྱིས་ལོངས་སྤྱོད་རྣམས་ཡོངས་སུ་ཚོལ་གྱི་ཆོས་མ་ཡིན་པས་ནི་མ་ཡིན་ནོ། །མཉམ་པས་ཡིན་གྱི་
D70.043.0154b02.01མི་མཉམ་པས་ནི་མ་ཡིན་ནོ། །དེ་སྲོག་ཆགས་གཞན་དག་དང་། སེམས་ཅན་གཞན་རྣམས་ལ་གནོད་པ་མི་བྱེད། ཉམ་ང་བ་མི་བྱེད་པར་སྦྱིན་པ་སྦྱིན་ཏེ། བརྗོད་པ་དང་། སྒྲ་དང་ཚིགས་སུ་བཅད་པའི་ཕྱིར་མ་ཡིན། འཛེམ་པའི་ཕྱིར་མ་ཡིན། འཇིགས་པའི་ཕྱིར་མ་
D70.043.0154b03.01ཡིན། ལན་དུ་ཕན་འདོགས་སུ་རེ་བའི་ཕྱིར་མ་ཡིན། མཐོ་རིས་ཀྱི་ཕྱིར་མ་ཡིན། ཚུལ་འཆོས་པ་མ་ཡིན། ཁ་གསག་བྱེད་པ་མ་ཡིན། བརྙས་པ་མ་ཡིན་པའོ། །སྦྱིན་གནས་སམ། སྦྱིན་གནས་མ་ཡིན་པའམ། མངོན་པར་ཤེས་པའམ། མངོན་པར་ཤེས་
D70.043.0154b04.01པ་མ་ཡིན་པའམ། ཚུལ་ཁྲིམས་དང་ལྡན་པའམ། ཚུལ་ཁྲིམས་འཆལ་པའམ། འདྲིས་པའམ། མ་འདྲིས་པའམ། མཛའ་བའམ། མི་མཛའ་བ་ལ་ཡང་རུང་སྟེ། བཀུར་སྟིར་བྱེད། བླ་མར་བྱེད། རིམ་གྲོར་བྱེད། མཆོད་པར་བྱེད་ཅིང་འདུན་པ་དྲག་པོ་དང་།
D70.043.0154b05.01དགའ་བ་དྲག་པོ་དང་། དད་པ་དྲག་པོས་དེ་ཉུང་ངུ་བདོག་ན་ཡང་ཉུང་ངུ་སྦྱིན། མང་དུ་བདོག་ན་ཡང་མང་དུ་སྦྱིན། བཟང་དུ་བདོག་ན་ཡང་བཟང་དུ་སྦྱིན། ངན་པ་བདོག་ན་ཡང་ངན་པ་སྦྱིན། གྱ་ནོམ་པ་བདོག་ན་ཡང་གྱ་ནོམ་པ་སྦྱིན་ནོ། །ལག་{བཟངས་,བཟང་}ཇི་ལྟར་བྱང་ཆུབ་སེམས་
D70.043.0154b06.01དཔའ་བརྒྱ་སྟོང་སྦྱིན་པ་དང་། རླབས་པོ་ཆེའི་སེམས་དང་། རངས་པའི་སེམས་ཀྱིས་སྦྱིན་པ་དེ་བཞིན་དུ་ཀཱ་ཀ་ནི་ཙམ་ཡང་སྦྱིན་ཞིང་རླབས་པོ་ཆེའི་སེམས་དང་། རངས་པའི་སེམས་ཀྱིས་སྦྱིན་ནོ། །དེས་ཟས་འདོད་པ་རྣམས་ལ་སེམས་ཅན་ཐམས་ཅད་ཐམས་ཅད་མཁྱེན་
D70.043.0154b07.01