完整藏文原文 · 德格版页 当前仅加载第 43 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
འཇོག་ལ་དགའ་བ་རྣམས་ཀྱིས་སྨད་པར་འགྱུར་བ་དང་། འཁོར་བ་ཐོག་མ་དང་ཐ་མ་མེད་པ་ཡོངས་སུ་འཛིན་པའི་ལས་རྩོམ་པར་འགྱུར་བ་དང་། བྲམ་ཟེ་དང་ཁྱིམ་བདག་དད་པ་རྣམས་ཀྱི་ཡོན་སྦྱོང་བར་མི་བྱེད་པ་དང་། དེའི་སེམས་དངོས་པོར་འཛིན་པ་ལ་འཇུག་པར་
D69.043.0148b01.01འགྱུར་བ་དང་། ཆགས་པ་མང་བར་འགྱུར་བ་དང་། ཁྱིམ་སོ་རྣམས་ལ་རྒྱུན་དུ་སྦྱོར་བར་འགྱུར་བ་དང་། དབང་བྱེད་པར་མི་འགྱུར་བ་དང་། ཟློག་བྱེད་ཀྱི་ངང་ཚུལ་ཅན་ཡིད་སྨོན་མང་པོ་ལ་རྒྱུན་དུ་གནས་པ་དང་། ཁྱིམ་གྱི་བྱ་བ་དག་ལ་བརྩོན་པ་དང་། དེ་རོ་
D69.043.0148b02.01དག་ལ་ཤས་ཆེར་འདུན་ཅིང་ཆགས་པ་སྐྱེད་པ་དང་། ལེན་པ་མེད་པར་མི་དགའ་བ་དང་། ཀུན་ནས་མནར་སེམས་མང་བའི་ལས་ཀྱི་སྒྲིབ་པ་རྒྱུན་དུ་མངོན་པར་འདུ་བྱེད་པ་དང་། དགེ་བསྙེན་དང་། དགེ་བསྙེན་མ་ལ་རྟོན་པར་འགྱུར་བ་དང་། དེ་ཟས་ཀྱི་རྣམ་པར་རྟོག་པས་
D69.043.0148b03.01ཉིན་མཚན་འདའ་བར་བྱེད་པ་དང་། འཇིག་རྟེན་པའི་བྱ་བ་དག་རྒྱུན་དུ་འདྲི་བར་བྱེད་པ་དང་། མི་རིགས་པའི་སྨྲ་བ་དག་ལ་མངོན་པར་དགའ་བར་འགྱུར་བ་དང་། ཞལ་ཏ་བྱེད་པའི་རྒྱགས་པས་ཚངས་པ་མཚུངས་པར་སྤྱོད་པ་རྣམས་དབང་ཕྱུག་གིས་ཚར་གཅོད་པར་བྱེད་པ་
D69.043.0148b04.01དང་། ཕ་རོལ་གྱི་འཁྲུལ་པ་ལ་རྟོག་ཅིང་བདག་གི་འཁྲུལ་པ་ལ་མི་རྟོག་པར་འགྱུར་བ་དང་། དོན་དང་ལྡན་ཞིང་རྣམ་པར་ངེས་པའི་གཏམ་དག་ལ་སྐྱེན་པར་བརྙས་པར་འགྱུར་བ་སྟེ། བྱམས་པ་ཉི་ཤུ་པོ་དེ་དག་ནི་བྱང་ཆུབ་སེམས་དཔའ་ལས་ལ་དགའ་ཞིང་ཞལ་ཏ་བྱེད་པའི་སྦག་པས་
D69.043.0148b05.01སྦགས་པའི་ཉེས་དམིགས་ཡིན་ཏེ། བྱང་ཆུབ་སེམས་དཔའ་དེ་དག་ལ་རྟོག་ན་འདོད་པ་ཆུང་ཞིང་བྱ་བ་ཉུང་བར་འགྱུར་ལ་འཇིག་རྟེན་པའི་བྱ་བ་སྤངས་ནས་འཇིག་རྟེན་ལས་འདས་པའི་བྱ་བ་ལ་བརྩོན་པར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་
D69.043.0148b06.01བཀའ་སྩལ་ཏོ། །དེ་ནི་ལས་ངན་དག་ལ་གནས་འགྱུར་ཞིང་། །ལས་མཆོག་དག་ལས་དེ་ནི་རྒྱང་ཡང་རིང་། །འདིར་ནི་རྙེད་པ་ཆེ་ལས་རིང་བར་འགྱུར། །རྣམ་པར་ཆགས་སེམས་ཉེས་པ་འདི་དག་ཡིན། །དགེ་སློང་ལུང་ནོད་ཁ་ཏོན་དགའ་རྣམས་ཀྱིས། །དེ་ལ་བརྙས་ཤིང་འདོད་པར་
D69.043.0148b07.01