完整藏文原文 · 德格版页 当前仅加载第 43 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ་ཞེས་མི་སྨྲའོ། །ང་ནི་ལྷག་པའི་བསམ་པ་ཡོངས་སུ་དག་པ་ལ་ལོག་པར་ལྟུང་བར་འགྲོ་བ་ཞེས་མི་སྨྲའོ། །ང་ནི་ཤེས་རབ་སྤྱོད་པ་ལ་འཛིངས་པར་སྤྱོད་པ་ཞེས་མི་སྨྲའོ། །ང་ནི་ཐབས་དང་ལྡན་པར་གྱུར་པ་ལ་གཡོ་སྒྱུ་ཅན་ཞེས་མི་སྨྲའོ། །ང་ནི་
D69.043.0137b01.01རྙེད་པ་དང་བཀུར་སྟི་མི་འདོད་པ་ལ་{བརྫུན་,རྫུན་}དུ་སྨྲ་བ་ཞེས་མི་སྨྲའོ། །ང་ནི་བར་མ་དོར་གནས་པ་ལ་ཆོས་སྤོང་བ་ཞེས་མི་སྨྲའོ། །ང་ནི་དམ་པའི་ཆོས་ཀུན་ཏུ་སྲུང་བར་འདོད་པ་ལ་ལུས་དང་སྲོག་ལ་ཆགས་པ་ཞེས་མི་སྨྲའོ། །ང་ནི་སེམས་ཞུམ་པ་ལ་ང་རྒྱལ་མེད་པ་
D69.043.0137b02.01ཞེས་མི་སྨྲའོ། །བྱམས་པ་གཡོ་སྒྱུའི་ཚིག་གང་དག་ལྔ་བརྒྱ་པ་ཐ་མ་ལ་བྱང་ཆུབ་སེམས་དཔའ་རྣམས་དམུ་རྒོད་དུ་འགྱུར་བ་དང་། གང་དག་བྱང་ཆུབ་སེམས་དཔས་ཁོང་དུ་ཆུད་པར་བྱ་ཞིང་ཁོང་དུ་ཆུད་ནས་ཀྱང་ཡོངས་སུ་སྤང་བར་བྱ་བ་ནི་དེ་དག་ཡིན་ནོ། །དེ་ནས་
D69.043.0137b03.01བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱི་བྱང་ཆུབ་སེམས་དཔའ་དྲུག་ཅུ་པོ་འདི་དག་ཉི་ཚེ་ལས་ཀྱི་སྒྲིབ་པས་བསྒྲིབས་པར་འགྱུར་རམ། འོན་ཏེ་གཞན་དག་ཀྱང་བསྒྲིབས་པར་
D69.043.0137b04.01འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་ལ་འདི་སྐད་ཅེས་བཀའ་སྩལ་ཏོ། །བྱམས་པ་ལྔ་བརྒྱ་པ་ཐ་མ་ལ། བྱང་ཆུབ་སེམས་དཔའ་ཕལ་ཆེར་ལས་ཀྱི་སྒྲིབ་པས་བསྒྲིབས་པར་འགྱུར་ཏེ། །དེ་དག་
D69.043.0137b05.01ལས་བྱང་ཆུབ་སེམས་དཔའ་ཁ་ཅིག་ནི་ལས་ཀྱི་སྒྲིབ་པ་ཟད་པར་བྱེད་དོ། །ཁ་ཅིག་ནི་འཕེལ་བར་བྱེད་དོ། །བྱམས་པ་གཞན་ཡང་བྱང་ཆུབ་སེམས་དཔའ་དྲུག་ཅུ་པོ་འདི་དག་ལས་བྱང་ཆུབ་སེམས་དཔའ་ཉི་ཤུ་ལས་ཀྱི་སྒྲིབ་པ་ཆུང་ཞིང་ལས་ཀྱི་སྒྲིབ་པ་ཕྲ་བ་ལྔ་བརྒྱ་པ་
D69.043.0137b06.01ཐ་མ་ལ་སྐྱེ་བར་འགྱུར་བ་གང་ཡིན་པ་དེ་དག་ནི་གྲོང་ཁྱེར་དང་། གྲོང་རྡལ་དང་། རིགས་ཆེན་པོ་སྣ་ཚོགས་དག་ཏུ་མཁས་པ། ཁོང་བཟོ་བ། ཡིད་གཞུངས་པ། ཤེས་རབ་དང་ཐབས་ལ་མཁས་པ། སེམས་མཉེན་པ། ཕན་པའི་དངོས་པོ་ཕུན་སུམ་
D69.043.0137b07.01