完整藏文原文 · 德格版页 当前仅加载第 39 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར། གཟུགས་ཚིམ་པར་འགྱུར་རོ། །དེ་དག་ཡང་ལུས་ལ་འཇུག་པར་མི་བྱེད་དོ། །དེ་དག་ལུས་ཚིམ་ནས་སྤོས་ཀྱི་རྣམ་པ་ཇི་ལྟ་བུ་འདོད་པ་དེ་ལྟ་བུའི་ལྷའི་སྤོས་ཀྱི་རྣམ་པ་དག་གིས་སངས་རྒྱས་ཀྱི་ཞིང་ཐམས་ཅད་བདུགས་པར་འགྱུར་རོ། །དེ་ན་གང་དྲི་དེ་ལ་སྣོམ་པར་མི་འདོད་པ་དེ་ལ་སྤོས་
D49.039.0256b01.01དྲིའི་འདུ་ཤེས་དང་བསྒོས་པ་ཙམ་ཡང་འབྱུང་བར་མི་འགྱུར་རོ། །དེ་ལྟར་གང་དག་སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གདུགས་དང་། རྒྱལ་མཚན་དང་། བ་དན་དང་། སིལ་སྙན་རྣམ་པ་ཇི་ལྟ་བུ་དག་འདོད་པ་དེ་དག་གི་རྣམ་པ་དེ་ལྟ་བུ་དེ་དག་གིས་སངས་རྒྱས་ཀྱི་ཞིང་དེ་ཐམས་ཅད་ཡོངས་
D49.039.0256b02.01སུ་ཁྱབ་པར་འགྱུར་རོ། །དེ་དག་གོས་ཁ་དོག་ཐ་དད་པ་ཁ་དོག་བརྒྱ་སྟོང་དུ་མ་ཅི་འདྲ་བ་འདོད་པ་དེ་ལྟ་བུའི་གོས་རིན་པོ་ཆེ་དག་གིས་སངས་རྒྱས་ཀྱི་ཞིང་དེ་ཐམས་ཅད་ཡོངས་སུ་ཁྱབ་པར་འགྱུར་ཞིང་ལུས་ལ་བགོས་པར་བདག་ཉིད་ཀྱིས་ཤེས་སོ། །དེ་དག་འདི་ལྟ་སྟེ། མགོའི་རྒྱན་ནམ། རྣ་བའི་རྒྱན་ནམ། མགུལ་
D49.039.0256b03.01བ་དང་། ལག་པ་དང་། རྐང་པའི་རྒྱན་འདི་ལྟ་སྟེ། ཅོད་པན་དང་། རྣ་ཆ་དང་། གདུ་བུ་དང་། དཔུང་རྒྱན་དང་། དོ་ཤལ་དང་། སེ་མོ་དོ་དང་། རྣ་རྒྱན་དང་། སོར་གདུབ་དང་། གསེར་གྱི་ཙོང་ཙོང་དང་། སྐ་རགས་དང་། གསེར་གྱི་དྲ་བ་དང་། མུ་ཏིག་གི་དྲ་བ་དང་། རིན་པོ་ཆེ་ཐམས་ཅད་ཀྱི་དྲིལ་བུ་
D49.039.0256b04.01གཡེར་ཀའི་དྲ་བ་དང་། རྒྱན་ཇི་ལྟ་བུ་འདོད་པ་རྣམ་པ་དེ་ལྟ་བུའི་རྒྱན་རིན་པོ་ཆེ་བརྒྱ་སྟོང་དུ་མས་སྤྲས་པ་དག་འདི་ལྟ་སྟེ། རིན་པོ་ཆེའི་ཤིང་ལྗོན་པ་ལ་འཕྱང་བས་སངས་རྒྱས་ཀྱི་ཞིང་དེ་གང་བར་མཐོང་སྟེ། རྒྱན་དེ་དག་གིས་བདག་བརྒྱན་པར་ཡང་ཤེས་སོ། །དེ་དག་གང་ཁ་དོག་དང་། རྟགས་དང་།
D49.039.0256b05.01དབྱིབས་དང་། ཆུ་ཞེང་གི་བར་དང་། རིན་པོ་ཆེ་སྣ་ཚོགས་ཀྱི་བ་གམ་བརྒྱ་སྟོང་གིས་བརྒྱན་པ། རིན་པོ་ཆེའི་ཁྲི་ལྷའི་རས་བཅོས་བུ་སྣ་ཚོགས་བཏིང་བ། སྔས་ཁྲ་བོ་བཞག་པ་དང་ལྡན་པའི་གཞལ་མེད་ཁང་ཇི་ལྟ་བུ་འདོད་པ་དེ་ལྟ་བུའི་གཞལ་མེད་ཁང་དེ་དག་དེ་དག་གི་མདུན་དུ་འབྱུང་སྟེ། དེ་དག་རིན་པོ་
D49.039.0256b06.01ཆེའི་གཞལ་མེད་ཁང་གྲུབ་པ་དེ་དག་གི་ནང་ན་ལྷའི་བུ་མོ་བདུན་སྟོང་བདུན་སྟོང་གིས་ཡོངས་སུ་བསྐོར་ཅིང་མདུན་གྱིས་བལྟས་ནས་འཁོད་དེ། རྩེ་ཞིང་དགའ་ལ་དགའ་མགུར་སྤྱོད་དོ། །འཇིག་རྟེན་གྱི་ཁམས་དེ་ན་ལྷ་དང་མི་རྣམས་ཐ་དད་པ་མེད་དེ། གཞན་དུ་ན་ཀུན་རྫོབ་ཀྱི་ཐ་སྙད་ཀྱིས་ལྷ་དང་མི་ཞེས་བྱ་
D49.039.0256b07.01