完整藏文原文 · 德格版页 当前仅加载第 39 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཀའ་སྩལ་པ། ཀུན་དགའ་བོ་ལེགས་སོ་ལེགས་སོ། །དེ་ལྟ་བུ་ནི་ཁྱོད་ཀྱི་བྱ་བ་ཡིན་ནོ། །ཀུན་དགའ་བོ་འཇིག་རྟེན་གྱི་ཁམས་བདེ་བ་ཅན་དེ་ན་ཆུ་ཀླུང་རྣམ་པ་སྣ་ཚོགས་དག་འབབ་སྟེ། དེ་ན་ཆུ་ཀླུང་ཆེན་པོ་ཁ་ཚོན་དཔག་ཚད་ཙམ་དག་ཀྱང་ཡོད། དཔག་ཚད་བཅུ་དང་། ཉི་ཤུ་
D49.039.0255a01.01དང་། སུམ་ཅུ་དང་། བཞི་བཅུ་དང་། ལྔ་བཅུའི་བར་དང་། ཁ་ཚོན་དཔག་ཚད་བརྒྱ་སྟོང་གི་ཚད་ཙམ་དག་ཀྱང་ཡོད་དེ། ཟབས་སུ་ནི་དཔག་ཚད་བཅུ་གཉིས་པ་དག་ཡོད་དོ། །ཆུ་ཀླུང་དེ་དག་ཐམས་ཅད་ཀྱང་སྤོས་དྲི་རབ་ཏུ་ཞིམ་པ་སྣ་ཚོགས་ཀྱི་ཆུར་འབབ་ཅིང་རིན་པོ་ཆེའི་མེ་ཏོག་སིལ་མའི་ཚོགས་དང་
D49.039.0255a02.01འབབ་པ་དག་གོ །སྒྲ་དབྱངས་སྙན་པ་ཐ་དད་པ་སྣ་ཚོགས་དང་ཡང་ལྡན་པ་དག་གོ །ཀུན་དགའ་བོ་ཆུ་ཀླུང་ཆེན་པོ་དེ་དག་ལས་ལྷའི་གླུ་དབྱངས་ཡན་ལག་བྱེ་བ་བརྒྱ་སྟོང་དང་ལྡན་པའི་སིལ་སྙན་དག་མཁས་པ་རྣམས་ཀྱིས་བྱས་པ་བས་ལྷག་པའི་སྒྲ་ཡིད་དུ་འོང་བ་འབྱུང་སྟེ། ཆུ་ཀླུང་ཆེན་པོ་དེ་དག་ལས་རྣམ་
D49.039.0255a03.01པ་འདི་ལྟ་བུའི་སྒྲ་འབྱུང་བ་ནི་ཟབ་པ་དང་། ཀུན་ཤེས་པར་བྱ་བ་དང་། རྣམ་པར་ཤེས་པར་བྱ་བ་དང་། {བརྫུན་,རྫུན་}པ་མ་ཡིན་པ་དང་། རྣ་བར་བདེ་བ་དང་། སྙིང་དུ་འོང་བ་དང་། དགའ་བར་བྱ་བ་དང་། སྙན་པ་དང་། ཡིད་དུ་འོང་བ་དང་། མཉན་པས་ཆོག་མི་ཤེས་པ་དང་། མཉན་པ་དང་། འཐུན་པ་དང་།
D49.039.0255a04.01མི་རྟག་པ་དང་། ཞི་བ་དང་། བདག་མེད་ཅེས་བྱ་བ་དང་། མཉན་ན་བདེ་བ་སྟེ། དེ་དག་སེམས་ཅན་དེ་དག་གི་རྣ་བའི་དབང་པོ་ལ་གྲག་གོ །ཀུན་དགའ་བོ་ཆུ་ཀླུང་ཆེན་པོ་དེ་དག་གི་འགྲམ་གཉིས་ནི་རིན་པོ་ཆེའི་སྤོས་ཀྱི་ཤིང་ལྗོན་པ་དག་གིས་གང་སྟེ། དེ་དག་ལ་ཡལ་ག་དང་། ལོ་མ་དང་། མེ་
D49.039.0255a05.01ཏོག་དང་། དོག་པ་སྣ་ཚོགས་འཕྱང་ངོ་། །དེ་ན་སེམས་ཅན་གང་དག་ཆུ་ཀླུང་གི་འགྲམ་དེ་དག་ཏུ་ཟང་ཟིང་མེད་པའི་ལྷའི་དགའ་བ་དང་། རྩེ་བ་མྱོང་བར་འདོད་པ་དེ་དག་ཆུ་ཀླུང་དེ་དག་ཏུ་འཇུག་པའི་ཚེ་འདོད་ན་ཆུ་ལོང་བུ་ནུབ་ཙམ་དུ་གནས་སོ། །འདོད་ན་པུས་མོ་ནུབ་ཙམ་
D49.039.0255a06.01དང་། འདོད་ན་རྐེད་པ་ནུབ་ཙམ་དང་། འདོད་ན་མིད་པ་ནུབ་ཙམ་དུ་ཆུ་གནས་པར་འགྱུར་ཏེ། ལྷའི་དགའ་བ་དག་ཀྱང་འབྱུང་ངོ་། །དེར་སེམས་ཅན་གང་དག་ཆུ་གྲང་བར་གྱུར་ཅིག་སྙམ་དུ་འདོད་ན་ཡང་དེ་དག་ལ་བསིལ་བར་འགྱུར་རོ། །གང་དག་དྲོ་བར་གྱུར་ཅིག་སྙམ་དུ་འདོད་ན་ཡང་དེ་
D49.039.0255a07.01