Aṅguttara Nikāya 2
当前为 AN2.180-229 · 16. Kodhapeyyāla 阅读页。保留原文、原生次序与 Bilara 稳定段落标识，不加入未经审核的机器译文。
- 本页内容
- 巴利原典 · 稳定分页
- 当前阅读页
- AN2.180-229 · 16. Kodhapeyyāla
- 可引用原文
- 53 段
- 全文规模
- 全经 1501 稳定段落
- 责任者
- Mahāsaṅgīti Tipiṭaka Buddhavasse 2500
- 正文语种
- 巴利文
- 权利
- 巴利原文属公有领域；请求保留 SuttaCentral 来源署名
同一作品 · TEXTUAL EXPRESSIONS
同一作品，保留不同表达。
2 种可读文本表达 · 2 种语文。异译、节本、版本与数字见证各自保留； 共享作品标识不等于逐句相同，也不表示已经逐段对齐。查看全部
同一作品 · TEXTUAL EXPRESSIONS
同一作品，保留不同表达。
2 种可读文本表达 · 2 种语文。异译、节本、版本与数字见证各自保留； 共享作品标识不等于逐句相同，也不表示已经逐段对齐。- 巴利语（罗马字母）当前阅读Aṅguttara Nikāya 2SuttaCentral AN2Mahāsaṅgīti Tipiṭaka Buddhavasse 2500
- 英文完整原文 · 英文译本Aṅguttara Nikāya 2SuttaCentral AN2 · Sujato ENBhikkhu Sujato
阅读页目录 · 23 阅读页第 20 阅读页 · AN2.180-229 · 16. Kodhapeyyāla
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文Aṅguttara Nikāya 216. Kodhapeyyāla180–184
“Dveme, bhikkhave, dhammā.Katame dve?Kodho ca upanāho ca … makkho ca paḷāso ca … issā ca macchariyañca … māyā ca sāṭheyyañca … ahirikañca anottappañca.
Ime kho, bhikkhave, dve dhammā”.
185–189
“Dveme, bhikkhave, dhammā.Katame dve?Akkodho ca anupanāho ca … amakkho ca apaḷāso ca … anissā ca amacchariyañca … amāyā ca asāṭheyyañca … hirī ca ottappañca.
Ime kho, bhikkhave, dve dhammā”.
190–194
“Dvīhi, bhikkhave, dhammehi samannāgato dukkhaṁ viharati.Katamehi dvīhi?Kodhena ca upanāhena ca … makkhena ca paḷāsena ca … issāya ca macchariyena ca … māyāya ca sāṭheyyena ca … ahirikena ca anottappena ca.
Imehi kho, bhikkhave, dvīhi dhammehi samannāgato dukkhaṁ viharati”.
195–199
“Dvīhi, bhikkhave, dhammehi samannāgato sukhaṁ viharati.Katamehi dvīhi?Akkodhena ca anupanāhena ca … amakkhena ca apaḷāsena ca … anissāya ca amacchariyena ca … amāyāya ca asāṭheyyena ca … hiriyā ca ottappena ca.
Imehi kho, bhikkhave, dvīhi dhammehi samannāgato sukhaṁ viharati”.
200–204
“Dveme, bhikkhave, dhammā sekhassa bhikkhuno parihānāya saṁvattanti.Katame dve?Kodho ca upanāho ca … makkho ca paḷāso ca … issā ca macchariyañca … māyā ca sāṭheyyañca … ahirikañca anottappañca.
Ime kho, bhikkhave, dve dhammā sekhassa bhikkhuno parihānāya saṁvattanti”.
205–209
“Dveme, bhikkhave, dhammā sekhassa bhikkhuno aparihānāya saṁvattanti.Katame dve?Akkodho ca anupanāho ca … amakkho ca apaḷāso ca … anissā ca amacchariyañca … amāyā ca asāṭheyyañca … hirī ca ottappañca.
Ime kho, bhikkhave, dve dhammā sekhassa bhikkhuno aparihānāya saṁvattanti”.
210–214
“Dvīhi, bhikkhave, dhammehi samannāgato yathābhataṁ nikkhitto evaṁ niraye.Katamehi dvīhi?Kodhena ca upanāhena ca … makkhena ca paḷāsena ca … issāya ca macchariyena ca … māyāya ca sāṭheyyena ca … ahirikena ca anottappena ca.
Imehi kho, bhikkhave, dvīhi dhammehi samannāgato yathābhataṁ nikkhitto evaṁ niraye”.
215–219
“Dvīhi, bhikkhave, dhammehi samannāgato yathābhataṁ nikkhitto evaṁ sagge.Katamehi dvīhi?Akkodhena ca anupanāhena ca … amakkhena ca apaḷāsena ca … anissāya ca amacchariyena ca … amāyāya ca asāṭheyyena ca … hiriyā ca ottappena ca.
Imehi kho, bhikkhave, dvīhi dhammehi samannāgato yathābhataṁ nikkhitto evaṁ sagge”.
220–224
“Dvīhi, bhikkhave, dhammehi samannāgato idhekacco kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.Katamehi dvīhi?Kodhena ca upanāhena ca … makkhena ca paḷāsena ca … issāya ca macchariyena ca … māyāya ca sāṭheyyena ca … ahirikena ca anottappena ca.
Imehi kho, bhikkhave, dvīhi dhammehi samannāgato idhekacco kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati”.
225–229
“Dvīhi, bhikkhave, dhammehi samannāgato idhekacco kāyassa bhedā paraṁ maraṇā sugatiṁ saggaṁ lokaṁ upapajjati.Katamehi dvīhi?Akkodhena ca anupanāhena ca … amakkhena ca apaḷāsena ca … anissāya ca amacchariyena ca … amāyāya ca asāṭheyyena ca … hiriyā ca ottappena ca.
Imehi kho, bhikkhave, dvīhi dhammehi samannāgato idhekacco kāyassa bhedā paraṁ maraṇā sugatiṁ saggaṁ lokaṁ upapajjati”.Kodhapeyyālaṁ niṭṭhitaṁ.
版本与引用信息
母版来自 SuttaCentral。本页仅重组显示层；原文、原生次序与 Bilara 段落标识均未改动。权利说明：巴利原文属公有领域；请求保留 SuttaCentral 来源署名。
- 目录
- SuttaCentral AN2
- 当前阅读页
- AN2.180-229 · 16. Kodhapeyyāla
- 显示
- 忠实保留巴利原典·未添加机器译文
跨传统证据
30 条可审计关系
涉及 6 个对应文本。关系来自固定 SuttaCentral 证据表； 不自动合并作品，也不声称当前版页已经逐段或逐句对齐。