Vimānavatthu
当前为 VV84 · 10. Serīsakavimānavatthu · 2/2 阅读页。保留原文、原生次序与 Bilara 稳定段落标识，不加入未经审核的机器译文。
- 本页内容
- 巴利原典 · 稳定分页
- 当前阅读页
- VV84 · 10. Serīsakavimānavatthu · 2/2
- 可引用原文
- 109 段
- 全文规模
- 全经 4554 稳定段落
- 责任者
- Mahāsaṅgīti Tipiṭaka Buddhavasse 2500
- 正文语种
- 巴利文
- 权利
- 巴利原文属公有领域；请求保留 SuttaCentral 来源署名
阅读页目录 · 92 阅读页第 91 阅读页 · VV84 · 10. Serīsakavimānavatthu · 2/2
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文Yahiṁ yahiṁ gacchati puññakammo,Tahiṁ tahiṁ modati kāmakāmī.Yahiṁ yahiṁ sokapariddavo ca,
Vadho ca bandho ca parikkileso;Tahiṁ tahiṁ gacchati pāpakammo,Na muccati duggatiyā kadācīti.
Sammūḷharūpova jano ahosi,Asmiṁ muhutte kalalīkatova;Janassimassa tuyhañca kumāra,
Appaccayo kena nu kho ahosī”ti.“Ime ca sirīsavanā tātā,Dibbā gandhā surabhī sampavanti;
Te sampavāyanti imaṁ vimānaṁ,Divā ca ratto ca tamaṁ nihantvā.Imesañca kho vassasataccayena,
Sipāṭikā phalati ekamekā;Mānussakaṁ vassasataṁ atītaṁ,Yadagge kāyamhi idhūpapanno.
Disvānahaṁ vassasatāni pañca,Asmiṁ vimāne ṭhatvāna tātā;Āyukkhayā puññakkhayā cavissaṁ,
Teneva sokena pamucchitosmī”ti.“Kathaṁ nu soceyya tathāvidho so,Laddhā vimānaṁ atulaṁ cirāya;
Ye cāpi kho ittaramupapannā,Te nūna soceyyuṁ parittapuññā”ti.“Anucchaviṁ ovadiyañca me taṁ,
Yaṁ maṁ tumhe peyyavācaṁ vadetha;Tumhe ca kho tātā mayānuguttā,Yenicchakaṁ tena paletha sotthin”ti.
“Gantvā mayaṁ sindhusovīrabhūmiṁ,Dhanatthikā uddayaṁ patthayānā;Yathāpayogā paripuṇṇacāgā,
Kāhāma serīsamahaṁ uḷāran”ti.“Mā ceva serīsamahaṁ akattha,Sabbañca vo bhavissati yaṁ vadetha;
Pāpāni kammāni vivajjayātha,Dhammānuyogañca adhiṭṭhahātha.Upāsako atthi imamhi saṅghe,
Bahussuto sīlavatūpapanno;Saddho ca cāgī ca supesalo ca,Vicakkhaṇo santusito mutīmā.
Sañjānamāno na musā bhaṇeyya,Parūpaghātāya na cetayeyya;Vebhūtikaṁ pesuṇaṁ no kareyya,
Saṇhañca vācaṁ sakhilaṁ bhaṇeyya.Sagāravo sappatisso vinīto,Apāpako adhisīle visuddho;
So mātaraṁ pitarañcāpi jantu,Dhammena poseti ariyavutti.Maññe so mātāpitūnaṁ kāraṇā,
Bhogāni pariyesati na attahetu;Mātāpitūnañca yo accayena,Nekkhammapoṇo carissati brahmacariyaṁ.
Ujū avaṅko asaṭho amāyo,Na lesakappena ca vohareyya;So tādiso sukatakammakārī,
Dhamme ṭhito kinti labhetha dukkhaṁ.Taṁ kāraṇā pātukatomhi attanā,Tasmā dhammaṁ passatha vāṇijāse;
Aññatra teniha bhasmī bhavetha,Andhākulā vippanaṭṭhā araññe;Taṁ khippamānena lahuṁ parena,
Sukho have sappurisena saṅgamo”ti.“Kiṁ nāma so kiñca karoti kammaṁ,Kiṁ nāmadheyyaṁ kiṁ pana tassa gottaṁ;
Mayampi naṁ daṭṭhukāmamha yakkha,Yassānukampāya idhāgatosi;Lābhā hi tassa yassa tuvaṁ pihesī”ti.
“Yo kappako sambhavanāmadheyyo,Upāsako kocchaphalūpajīvī;Jānātha naṁ tumhākaṁ pesiyo so,
Mā kho naṁ hīḷittha supesalo so”ti.“Jānāmase yaṁ tvaṁ pavadesi yakkha,Na kho naṁ jānāma sa edisoti;
Mayampi naṁ pūjayissāma yakkha,Sutvāna tuyhaṁ vacanaṁ uḷāran”ti.“Ye keci imasmiṁ satthe manussā,
Daharā mahantā athavāpi majjhimā;Sabbeva te ālambantu vimānaṁ,Passantu puññānaṁ phalaṁ kadariyā”ti.
Te tattha sabbeva “ahaṁ pure”ti,Taṁ kappakaṁ tattha purakkhatvā;Sabbeva te ālambiṁsu vimānaṁ,
Masakkasāraṁ viya vāsavassa.Te tattha sabbeva “ahaṁ pure”ti,Upāsakattaṁ paṭivedayiṁsu;
Pāṇātipātā viratā ahesuṁ,Loke adinnaṁ parivajjayiṁsu;Amajjapā no ca musā bhaṇiṁsu,
Sakena dārena ca ahesuṁ tuṭṭhā.Te tattha sabbeva “ahaṁ pure”ti,Upāsakattaṁ paṭivedayitvā;
Pakkāmi sattho anumodamāno,Yakkhiddhiyā anumato punappunaṁ.Gantvāna te sindhusovīrabhūmiṁ,
Dhanatthikā uddayaṁ patthayānā;Yathāpayogā paripuṇṇalābhā,Paccāgamuṁ pāṭaliputtamakkhataṁ.
Gantvāna te saṅgharaṁ sotthivanto,Puttehi dārehi samaṅgibhūtā;Ānandī vittā sumanā patītā,
Akaṁsu serīsamahaṁ uḷāraṁ;Serīsakaṁ te pariveṇaṁ māpayiṁsu.Etādisā sappurisāna sevanā,
Mahatthikā dhammaguṇāna sevanā;Ekassa atthāya upāsakassa,Sabbeva sattā sukhitā ahesunti.
Serīsakavimānaṁ dasamaṁ.
版本与引用信息
母版来自 SuttaCentral。本页仅重组显示层；原文、原生次序与 Bilara 段落标识均未改动。权利说明：巴利原文属公有领域；请求保留 SuttaCentral 来源署名。
- 目录
- SuttaCentral KN/VV
- 当前阅读页
- VV84 · 10. Serīsakavimānavatthu · 2/2
- 显示
- 忠实保留巴利原典·未添加机器译文
跨传统证据
6 条可审计关系
涉及 3 个对应文本。关系来自固定 SuttaCentral 证据表； 不自动合并作品，也不声称当前版页已经逐段或逐句对齐。