Therīapadāna
当前为 THI-AP21 · 1 Kuṇḍalakesātherīapadāna · 1/2 阅读页。保留原文、原生次序与 Bilara 稳定段落标识，不加入未经审核的机器译文。
- 本页内容
- 巴利原典 · 稳定分页
- 当前阅读页
- THI-AP21 · 1 Kuṇḍalakesātherīapadāna · 1/2
- 可引用原文
- 120 段
- 全文规模
- 全经 5597 稳定段落
- 责任者
- Mahāsaṅgīti Tipiṭaka Buddhavasse 2500
- 正文语种
- 巴利文
- 权利
- 巴利原文属公有领域；请求保留 SuttaCentral 来源署名
阅读页目录 · 67 阅读页第 33 阅读页 · THI-AP21 · 1 Kuṇḍalakesātherīapadāna · 1/2
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文TherīapadānaKuṇḍalakesīvagga
1 Kuṇḍalakesātherīapadāna“Padumuttaro nāma jino,sabbadhammāna pāragū;
Ito satasahassamhi,kappe uppajji nāyako.Tadāhaṁ haṁsavatiyaṁ,
jātā seṭṭhikule ahuṁ;Nānāratanapajjote,mahāsukhasamappitā.
Upetvā taṁ mahāvīraṁ,assosiṁ dhammadesanaṁ;Tato jātappasādāhaṁ,
upesiṁ saraṇaṁ jinaṁ.Tadā mahākāruṇiko,padumuttaranāmako;
Khippābhiññānamagganti,ṭhapesi bhikkhuniṁ subhaṁ.Taṁ sutvā muditā hutvā,
dānaṁ datvā mahesino;Nipacca sirasā pāde,taṁ ṭhānamabhipatthayiṁ.
Anumodi mahāvīro,‘bhadde yaṁ tebhipatthitaṁ;Samijjhissati taṁ sabbaṁ,
sukhinī hohi nibbutā.Satasahassito kappe,okkākakulasambhavo;
Gotamo nāma gottena,satthā loke bhavissati.Tassa dhammesu dāyādā,
orasā dhammanimmitā;Bhaddākuṇḍalakesāti,hessati satthu sāvikā’.
Tena kammena sukatena,cetanāpaṇidhīhi ca;Jahitvā mānusaṁ dehaṁ,
tāvatiṁsamagacchahaṁ.Tato cutā yāmamagaṁ,tatohaṁ tusitaṁ gatā;
Tato ca nimmānaratiṁ,vasavattipuraṁ tato.Yattha yatthūpapajjāmi,
tassa kammassa vāhasā;Tattha tattheva rājūnaṁ,mahesittamakārayiṁ.
Tato cutā manussesu,rājūnaṁ cakkavattinaṁ;Maṇḍalīnañca rājūnaṁ,
mahesittamakārayiṁ.Sampattiṁ anubhotvāna,devesu mānusesu ca;
Sabbattha sukhitā hutvā,nekakappesu saṁsariṁ.Imamhi bhaddake kappe,
brahmabandhu mahāyaso;Kassapo nāma gottena,uppajji vadataṁ varo.
Upaṭṭhāko mahesissa,tadā āsi narissaro;Kāsirājā kikī nāma,
bārāṇasipuruttame.Tassa dhītā catutthāsiṁ,bhikkhudāyīti vissutā;
Dhammaṁ sutvā jinaggassa,pabbajjaṁ samarocayiṁ.Anujāni na no tāto,
agāreva tadā mayaṁ;Vīsavassasahassāni,vicarimha atanditā.
Komāribrahmacariyaṁ,rājakaññā sukhedhitā;Buddhopaṭṭhānaniratā,
muditā satta dhītaro.Samaṇī samaṇaguttā ca,bhikkhunī bhikkhudāyikā;
Dhammā ceva sudhammā ca,sattamī saṅghadāyikā.Khemā uppalavaṇṇā ca,
paṭācārā ahaṁ tadā;Kisāgotamī dhammadinnā,visākhā hoti sattamī.
Tehi kammehi sukatehi,cetanāpaṇidhīhi ca;Jahitvā mānusaṁ dehaṁ,
tāvatiṁsamagacchahaṁ.Pacchime ca bhave dāni,giribbajapuruttame;
Jātā seṭṭhikule phīte,yadāhaṁ yobbane ṭhitā.Coraṁ vadhatthaṁ nīyantaṁ,
disvā rattā tahiṁ ahaṁ;Pitā me taṁ sahassena,mocayitvā vadhā tato.
Adāsi tassa maṁ tāto,viditvāna manaṁ mama;Tassāhamāsiṁ visaṭṭhā,
atīva dayitā hitā.So me bhūsanalobhena,balimajjhāsayo diso;
Corappapātaṁ netvāna,pabbataṁ cetayī vadhaṁ.Tadāhaṁ paṇamitvāna,
sattukaṁ sukatañjalī;Rakkhantī attano pāṇaṁ,idaṁ vacanamabraviṁ.
‘Idaṁ suvaṇṇakeyūraṁ,muttā veḷuriyā bahū;Sabbaṁ harassu bhaddante,
mañca dāsīti sāvaya’.‘Oropayassu kalyāṇī,mā bāḷhaṁ paridevasi;
Na cāhaṁ abhijānāmi,ahantvā dhanamābhataṁ’.‘Yato sarāmi attānaṁ,
yato pattosmi viññutaṁ;Na cāhaṁ abhijānāmi,aññaṁ piyataraṁ tayā.
Ehi taṁ upagūhissaṁ,
版本与引用信息
母版来自 SuttaCentral。本页仅重组显示层；原文、原生次序与 Bilara 段落标识均未改动。权利说明：巴利原文属公有领域；请求保留 SuttaCentral 来源署名。
- 目录
- SuttaCentral KN/THI-AP
- 当前阅读页
- THI-AP21 · 1 Kuṇḍalakesātherīapadāna · 1/2
- 显示
- 忠实保留巴利原典·未添加机器译文
跨传统证据
23 条可审计关系
涉及 4 个对应文本。关系来自固定 SuttaCentral 证据表； 不自动合并作品，也不声称当前版页已经逐段或逐句对齐。