Theragāthā
当前为 THAG16.4 · Raṭṭhapālattheragāthā 阅读页。保留原文、原生次序与 Bilara 稳定段落标识，不加入未经审核的机器译文。
- 本页内容
- 巴利原典 · 稳定分页
- 当前阅读页
- THAG16.4 · Raṭṭhapālattheragāthā
- 可引用原文
- 105 段
- 全文规模
- 全经 6919 稳定段落
- 责任者
- Mahāsaṅgīti Tipiṭaka Buddhavasse 2500
- 正文语种
- 巴利文
- 权利
- 巴利原文属公有领域；请求保留 SuttaCentral 来源署名
阅读页目录 · 275 阅读页第 251 阅读页 · THAG16.4 · Raṭṭhapālattheragāthā
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文Theragāthā 16.4Vīsatinipāta
PaṭhamavaggaRaṭṭhapālattheragāthā“Passa cittakataṁ bimbaṁ,
arukāyaṁ samussitaṁ;Āturaṁ bahusaṅkappaṁ,yassa natthi dhuvaṁ ṭhiti.
Passa cittakataṁ rūpaṁ,maṇinā kuṇḍalena ca;Aṭṭhiṁ tacena onaddhaṁ,
saha vatthehi sobhati.Alattakakatā pādā,mukhaṁ cuṇṇakamakkhitaṁ;
Alaṁ bālassa mohāya,no ca pāragavesino.Aṭṭhapadakatā kesā,
nettā añjanamakkhitā;Alaṁ bālassa mohāya,no ca pāragavesino.
Añjanīva navā cittā,pūtikāyo alaṅkato;Alaṁ bālassa mohāya,
no ca pāragavesino.Odahi migavo pāsaṁ,nāsadā vāguraṁ migo;
Bhutvā nivāpaṁ gacchāma,kandante migabandhake.Chinno pāso migavassa,
nāsadā vāguraṁ migo;Bhutvā nivāpaṁ gacchāma,socante migaluddake.
Passāmi loke sadhane manusse,Laddhāna vittaṁ na dadanti mohā;Luddhā dhanaṁ sannicayaṁ karonti,
Bhiyyova kāme abhipatthayanti.Rājā pasayhappathaviṁ vijetvā,Sasāgarantaṁ mahimāvasanto;
Oraṁ samuddassa atittarūpo,Pāraṁ samuddassapi patthayetha.Rājā ca aññe ca bahū manussā,
Avītataṇhā maraṇaṁ upenti;Ūnāva hutvāna jahanti dehaṁ,Kāmehi lokamhi na hatthi titti.
Kandanti naṁ ñātī pakiriya kese,Aho vatā no amarāti cāhu;Vatthena naṁ pārutaṁ nīharitvā,
Citaṁ samodhāya tato ḍahanti.So ḍayhati sūlehi tujjamāno,Ekena vatthena pahāya bhoge;
Na mīyamānassa bhavanti tāṇā,Ñātī ca mittā atha vā sahāyā.Dāyādakā tassa dhanaṁ haranti,
Satto pana gacchati yena kammaṁ;Na mīyamānaṁ dhanamanveti kiñci,Puttā ca dārā ca dhanañca raṭṭhaṁ.
Na dīghamāyuṁ labhate dhanena,Na cāpi vittena jaraṁ vihanti;Appaṁ hidaṁ jīvitamāhu dhīrā,
Asassataṁ vippariṇāmadhammaṁ.Aḍḍhā daliddā ca phusanti phassaṁ,Bālo ca dhīro ca tatheva phuṭṭho;
Bālo hi bālyā vadhitova seti,Dhīro ca no vedhati phassaphuṭṭho.Tasmā hi paññāva dhanena seyyā,
Yāya vosānamidhādhigacchati;Abyositattā hi bhavābhavesu,Pāpāni kammāni karoti mohā.
Upeti gabbhañca parañca lokaṁ,Saṁsāramāpajja paramparāya;Tassappapañño abhisaddahanto,
Upeti gabbhañca parañca lokaṁ.Coro yathā sandhimukhe gahīto,Sakammunā haññati pāpadhammo;
Evaṁ pajā pecca paramhi loke,Sakammunā haññati pāpadhammo.Kāmā hi citrā madhurā manoramā,
Virūparūpena mathenti cittaṁ;Ādīnavaṁ kāmaguṇesu disvā,Tasmā ahaṁ pabbajitomhi rāja.
Dumapphalānīva patanti māṇavā,Daharā ca vuḍḍhā ca sarīrabhedā;Etampi disvā pabbajitomhi rāja,
Apaṇṇakaṁ sāmaññameva seyyo.Saddhāyāhaṁ pabbajito,upeto jinasāsane;
Avañjhā mayhaṁ pabbajjā,anaṇo bhuñjāmi bhojanaṁ.Kāme ādittato disvā,
Jātarūpāni satthato;Gabbhavokkantito dukkhaṁ,Nirayesu mahabbhayaṁ.
Etamādīnavaṁ ñatvā,saṁvegaṁ alabhiṁ tadā;Sohaṁ viddho tadā santo,
sampatto āsavakkhayaṁ.Pariciṇṇo mayā satthā,kataṁ buddhassa sāsanaṁ;
Ohito garuko bhāro,bhavanetti samūhatā.Yassatthāya pabbajito,
agārasmānagāriyaṁ;So me attho anuppatto,sabbasaṁyojanakkhayo”ti.
… Raṭṭhapālo thero ….
版本与引用信息
母版来自 SuttaCentral。本页仅重组显示层；原文、原生次序与 Bilara 段落标识均未改动。权利说明：巴利原文属公有领域；请求保留 SuttaCentral 来源署名。
- 目录
- SuttaCentral KN/THAG
- 当前阅读页
- THAG16.4 · Raṭṭhapālattheragāthā
- 显示
- 忠实保留巴利原典·未添加机器译文
跨传统证据
232 条可审计关系
涉及 6 个对应文本。关系来自固定 SuttaCentral 证据表； 不自动合并作品，也不声称当前版页已经逐段或逐句对齐。