Milindapañha
当前为 MIL5.2.2 · 2. Abyākaraṇīyapañha 阅读页。保留原文、原生次序与 Bilara 稳定段落标识，不加入未经审核的机器译文。
- 本页内容
- 巴利原典 · 稳定分页
- 当前阅读页
- MIL5.2.2 · 2. Abyākaraṇīyapañha
- 可引用原文
- 49 段
- 全文规模
- 全经 8021 稳定段落
- 责任者
- Mahāsaṅgīti Tipiṭaka Buddhavasse 2500
- 正文语种
- 巴利文
- 权利
- 巴利原文属公有领域；请求保留 SuttaCentral 来源署名
阅读页目录 · 256 阅读页第 109 阅读页 · MIL5.2.2 · 2. Abyākaraṇīyapañha
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文MilindapañhaMeṇḍakapañha
Abhejjavagga
2. Abyākaraṇīyapañha
“Bhante nāgasena, bhāsitampetaṁ bhagavatā—‘natthānanda, tathāgatassa dhammesu ācariyamuṭṭhī’ti, puna ca therena mālukyaputtena pañhaṁ puṭṭho na byākāsi.Eso kho, bhante nāgasena, pañho dvayanto ekantanissito bhavissati ajānanena vā guyhakaraṇena vā.
Yadi, bhante nāgasena, bhagavatā bhaṇitaṁ—‘natthānanda, tathāgatassa dhammesu ācariyamuṭṭhī’ti, tena hi therassa mālukyaputtassa ajānantena na byākataṁ.Yadi jānantena na byākataṁ, tena hi atthi tathāgatassa dhammesu ācariyamuṭṭhi.
Ayampi ubhato koṭiko pañho tavānuppatto, so tayā nibbāhitabbo”ti.“Bhāsitampetaṁ, mahārāja, bhagavatā ‘natthānanda, tathāgatassa dhammesu ācariyamuṭṭhī’ti, abyākato ca therena mālukyaputtena pucchito pañho, tañca pana na ajānantena na guyhakaraṇena.Cattārimāni, mahārāja, pañhabyākaraṇāni.
Katamāni cattāri?Ekaṁsabyākaraṇīyo pañho vibhajjabyākaraṇīyo pañho paṭipucchābyākaraṇīyo pañho ṭhapanīyo pañhoti.Katamo ca, mahārāja, ekaṁsabyākaraṇīyo pañho?
‘Rūpaṁ aniccan’ti ekaṁsabyākaraṇīyo pañho,‘vedanā aniccā’ti …pe…‘saññā aniccā’ti …pe…
‘saṅkhārā aniccā’ti …pe…‘viññāṇaṁ aniccan’ti ekaṁsabyākaraṇīyo pañho, ayaṁ ekaṁsabyākaraṇīyo pañho.Katamo vibhajjabyākaraṇīyo pañho?
‘Aniccaṁ pana rūpan’ti vibhajjabyākaraṇīyo pañho,‘aniccā pana vedanā’ti …pe…‘aniccā pana saññā’ti …pe…
‘aniccā pana saṅkhārā’ti …pe…‘aniccaṁ pana viññāṇan’ti vibhajjabyākaraṇīyo pañho, ayaṁ vibhajjabyākaraṇīyo pañho.Katamo paṭipucchābyākaraṇīyo pañho?
‘Kiṁ nu kho cakkhunā sabbaṁ vijānātī’ti ayaṁ paṭipucchābyākaraṇīyo pañho.Katamo ṭhapanīyo pañho?‘Sassato loko’ti ṭhapanīyo pañho,
‘asassato loko’ti,‘antavā loko’ti,‘anantavā loko’ti,
‘antavā ca anantavā ca loko’ti,‘nevantavā nānantavā loko’ti,‘taṁ jīvaṁ taṁ sarīran’ti,
‘aññaṁ jīvaṁ aññaṁ sarīran’ti,‘hoti tathāgato paraṁ maraṇā’ti,‘na hoti tathāgato paraṁ maraṇā’ti,
‘hoti ca na ca hoti tathāgato paraṁ maraṇā’ti,‘neva hoti na na hoti tathāgato paraṁ maraṇā’ti ṭhapanīyo pañho,ayaṁ ṭhapanīyo pañho.
Bhagavā, mahārāja, therassa mālukyaputtassa taṁ ṭhapanīyaṁ pañhaṁ na byākāsi.So pana pañho kiṅkāraṇā ṭhapanīyo?Na tassa dīpanāya hetu vā kāraṇaṁ vā atthi, tasmā so pañho ṭhapanīyo.
Natthi buddhānaṁ bhagavantānaṁ akāraṇamahetukaṁ giramudīraṇan”ti.“Sādhu, bhante nāgasena, evametaṁ tathā sampaṭicchāmī”ti.Abyākaraṇīyapañho dutiyo.
版本与引用信息
母版来自 SuttaCentral。本页仅重组显示层；原文、原生次序与 Bilara 段落标识均未改动。权利说明：巴利原文属公有领域；请求保留 SuttaCentral 来源署名。
- 目录
- SuttaCentral KN/MIL
- 当前阅读页
- MIL5.2.2 · 2. Abyākaraṇīyapañha
- 显示
- 忠实保留巴利原典·未添加机器译文
跨传统证据
56 条可审计关系
涉及 9 个对应文本。关系来自固定 SuttaCentral 证据表； 不自动合并作品，也不声称当前版页已经逐段或逐句对齐。