完整藏文原文 · 德格版页 当前仅加载第 101 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་འོས་རྣམས་ལ་མཆོད་བྱེད་པ། །དེ་ནི་བཀྲ་ཤིས་དམ་པ་ཡིན། །ཕ་མ་བསྙེན་བཀུར་བྱེད་པ་དང་། །ཞི་དང་ཚངས་པར་སྤྱོད་པ་དང་། །འབྱུང་པོ་ཀུན་ལ་སྙིང་བརྩེ་བ། །དེ་ནི་བཀྲ་ཤིས་དམ་པ་ཡིན། །སྡིག་པའི་ལས་ལས་ལྡོག་པ་དང་། །དགེ་བའི་
D1100.101.0270b01.01ལས་ལ་བརྟེན་པ་དང་། །བག་ཡོད་པ་དང་རྟག་མཁས་པ། །དེ་ནི་བཀྲ་ཤིས་དམ་པ་ཡིན། །ང་རྒྱལ་མེད་དང་ཁེངས་མེད་དང་། །ཆོག་ཤེས་མཐུན་པས་འཚོ་བ་དང་། །རྟག་ཏུ་བྱས་པ་གཟོ་བྱེད་པ། །དེ་ནི་བཀྲ་ཤིས་དམ་པ་ཡིན། །མི་སྨོད་དེ་བཞིན་བཟོད་
D1100.101.0270b02.01པ་དང་། །འཕགས་པ་རྣམས་དང་མཐུན་སྦྱོར་དང་། །དུས་སྐབས་སུ་ནི་ཆོས་ཉན་པ། །དེ་ནི་བཀྲ་ཤིས་དམ་པ་ཡིན། །ལེ་ལོ་མེད་དང་མང་ཐོས་དང་། །ཆོས་ལ་ལེགས་པར་རྣམ་ངེས་དང་། །དེ་བཞིན་སེམས་ལ་རྙོག་མེད་པ། །དེ་ནི་བཀྲ་ཤིས་དམ་པ་
D1100.101.0270b03.01ཡིན། །གང་ཞིག་སེམས་ཅན་ཐམས་ཅད་ལ། །བྱམས་པའི་སེམས་ནི་རབ་སྒོམ་ཞིང་། །དཔག་ཏུ་མེད་དེ་མི་འཁྲུགས་པ། །དེ་ནི་བཀྲ་ཤིས་དམ་པ་ཡིན། །གང་ཞིག་འཕགས་པའི་བདེན་རྣམས་ལ། །ཤེས་རབ་མིག་ནི་རྣམ་སྦྱངས་དང་། །ཚུལ་
D1100.101.0270b04.01ཁྲིམས་ནོངས་པར་མ་གྱུར་པ། །དེ་ནི་བཀྲ་ཤིས་དམ་པ་ཡིན། །འཕགས་པའི་བདེན་པ་མཐོང་བ་དང་། །ཚངས་པར་སྤྱོད་པ་སྒོམ་པ་དང་། །མྱ་ངན་འདས་པ་འཐོབ་འགྱུར་བ། །དེ་ནི་བཀྲ་ཤིས་དམ་པ་ཡིན། །གང་ཞིག་འདོད་ཆགས་ཞེ་སྡང་དང་། །
D1100.101.0270b05.01མ་རིག་པ་ཡང་རྣམ་སྤངས་དང་། །ཤེས་པ་མི་འཁྲུགས་སྐྱེ་འགྱུར་བ། །དེ་ནི་བཀྲ་ཤིས་དམ་པ་ཡིན། །འཇིག་རྟེན་ཆོས་རྣམས་ཀྱིས་བསྐྱོད་ཀྱང་། །གང་གི་སེམས་ནི་མི་གཡོ་དང་། །དྲི་མེད་ཞི་དང་མྱ་ངན་མེད། །དེ་ནི་བཀྲ་ཤིས་དམ་པ་ཡིན། །
D1100.101.0270b06.01དེ་དང་འདི་ནི་ཅི་རིགས་པར། །འདི་ལ་བཀྲ་ཤིས་དེ་དག་ནི། །མཁས་པ་གང་ཞིག་སྟོད་བྱེད་པ། །དེ་ལ་རྟག་ཏུ་བཀྲ་ཤིས་འགྱུར། །ལྷས་ཞུས་པའི་བཀྲ་ཤིས་ཀྱི་ཚིགས་སུ་བཅད་པ་རྫོགས་{སྷོ,སོ}།། །།
D1100.101.0270b07.01