'phags pa rgyal ba can zhes bya ba'i gzungs/
当前为德格木刻版 169a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 169a
- 可引用原文
- 7 行
- 全文规模
- 全经 61 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 101 函 · 德格 169a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文དྷུ་རུ་མེ། དྷུ་རུ་མེ། བུདྡྷ་ཨདྷིཥྛི་ཏེ། མུ་ཁེ། མུ་ཁེ། སུ་མུ་ཁེ། སུ་མུ་ཁེ། པྲ་ལ་པྲ་ལ་ཏེ། ས་མཱ་དྷི་ཏེ། ས་མཱ་དྷི་གརྦྷེ། སམཱ་དྷི་གརྦྷེ། མཱ་ན་སི། ཕུ་རུ་ཕུ་རུ་ཕུ་རུ་དྷུ་རུ། བུདྡྷ་མཱ་ན་སི་ཀེ་སྭཱ་ཧཱ། ལག་ན་རྡོ་རྗེ་འདི་དག་ནི་དེ་བཞིན་གཤེགས་པའི་སྤྱི་བོ་ནས་དབང་བསྐུར་བའོ། །གསང་བའི་གནས་སོ། །དེ་བཞིན་གཤེགས་པ་ཐམས་ཅད་ཀྱི་གསང་བའོ། །དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ། །ལག་ན་རྡོ་རྗེ་མིའི་རྒྱལ་པོ་གང་ལ་ལ་
ཞིག་གིས་རིག་སྔགས་ཀྱི་རྒྱལ་མོ་རྒྱལ་བ་ཅན་འདི་གླེགས་བམ་ལ་ལེགས་པར་བྲིས་ཏེ་འཆང་ངམ། ལུས་ལ་བཏགས་ཏེ་འཆང་ཞིང་དེ་ལ་སྤོས་དང་། ཕྲེང་བ་དང་། བྱུག་པ་དང་། མེ་ཏོག་སྣ་ཚོགས་ཀྱི་ལྷབ་ལྷུབ་ཀྱིས་བསྟི་སྟང་དུ་བྱེད། བླ་མར་བྱེད། རི་མོར་བྱེད། མཆོད་པར་བྱེད་ན། མིའི་རྒྱལ་པོ་དེ་ལ་རྒྱལ་པོ་ཆེན་པོ་རྣམ་ཐོས་ཀྱི་བུ་གནོད་སྦྱིན་ཕྱི་བཞིན་འབྲང་བ་བྱེ་བ་ཁྲག་ཁྲིག་འབུམ་ཕྲག་དུ་མ་དང་ལྷན་ཅིག་ཏུ་བསྲུང་བར་འགྱུར་རོ། །མིའི་རྒྱལ་པོ་དེ་ལ་ཕྱིར་རྒོལ་བ་དང་། དགྲ་དང་། ཕ་རོལ་གྱི་
དམག་ཚོགས་ཐམས་ཅད་ཀྱིས་གླགས་མི་རྙེད་དོ། །མཐུས་ཡུལ་དེར་འཇུག་པ་དང་བགེགས་འཇུག་ན་ཡང་རྒྱལ་པོ་ཆེན་པོ་རྣམ་ཐོས་ཀྱི་བུ་བགེགས་སྣ་ཚོགས་བརྒྱ་དང་། བགེགས་སྣ་ཚོགས་སྟོང་བྱེད་པར་འགྱུར་རོ། །མིའི་རྒྱལ་པོའི་གང་དང་གང་དུ་འགྲོ་བ་དེ་དང་དེར་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་རྒྱལ་མཚན་གྱི་རྩེ་མོ་ལ་བཏགས་ཏེ་མདུན་དུ་བཀུར་བར་བྱའོ། །གང་དུ་གཡུལ་ངོར་འཇུག་གམ། དགྲ་ཆེན་པོ་དང་འཐབ་པ་དེར་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་མགུལ་དུ་བཏགས་ཏེ། གཡུལ་ངོར་
ཞུགས་ན་དེར་རྒྱལ་བོ་ཆེན་པོ་རྣམ་ཐོས་ཀྱི་བུས་ཕ་རོལ་གྱི་དམག་ཚོགས་དེ་ཕམ་པར་བྱེད་པར་འགྱུར་རོ། །དེ་ནི་རྒྱལ་བར་བྱེད་པར་འགྱུར་རོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་སུའི་མགུལ་དུ་བཏགས་པ་དེ་རྒྱལ་བར་འགྱུར་རོ། །ལག་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1004
- 德格版页
- 169a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0563 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。