完整藏文原文 · 德格版页 当前仅加载第 101 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། རྡོ་རྗེ་ཐལ་མོ་རང་གི་སྙིང་གར་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟའ་རྣམས་ནི་གཏུམ་ཞིང་གཏུམ་པའི་གཟུགས་ཅན་དྲག་ཅིང་དྲག་པའི་གཟུགས་ཅན་ཁྲོ་ཞིང་ཁྲོ་བའི་སེམས་ཀྱིས་སེམས་ཅན་རྣམས་
D997.101.0151a01.01ལ་རྣམ་པར་འཚེ་ཞིང་གནོད་པར་བགྱིད་ལ་མདངས་འཕྲོག་པར་བགྱིད་དེ། ཁ་ཅིག་ནི་ནོར་རྫས་འཕྲོག་པར་བགྱིད། ཁ་ཅིག་ནི་སྲོག་འཕྲོག་པར་བགྱིད། སེམས་ཅན་ཚེ་རིང་པོ་ཁ་ཅིག་ནི་ཚེ་ཐུང་བར་བགྱིད། དེ་ལྟར་སེམས་ཅན་རྣམས་ལ་གནོད་པས་འཚེ་
D997.101.0151a02.01བར་བགྱིད་པས་ན། དེའི་ཕྱིར་བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་གང་གིས་སེམས་ཅན་རྣམས་ལ་སྲུང་བར་འགྱུར་བ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་གང་ཁྱོད་ཀྱིས་སེམས་ཅན་རྣམས་ལ་ཕན་པར་བྱ་བའི་དོན་དུ་
D997.101.0151a03.01སྙིང་རྗེ་བསྐྱེད་ནས་གསང་བ་ཆེན་པོ་ཤིན་ཏུ་གསང་བ་དེ་བཞིན་གཤེགས་པ་ལ་ཞུ་བར་བྱེད་པ་ལེགས་སོ་ལེགས་སོ། །དེ་དག་ངས་བཤད་ཀྱིས་ཉོན་ལ་ལེགས་པར་རབ་ཏུ་ཟུང་ལ་ཡིད་ལ་གྱིས་ཤིག །གཟའ་རྣམས་གཏུམ་པའི་གཟུགས་ལ་ཤིན་ཏུ་ཁྲོ་ཞིང་འཇིགས་
D997.101.0151a04.01པ་རྣམས་ལ་མཆོད་པ་བཟང་པོ་མཆོད་ཡོན་དང་བཟླས་བརྗོད་བཟང་པོ་གསང་བ་ལས་ཆེས་གསང་བ་ངས་བཤད་པར་བྱའོ། །དེ་དག་མཆོད་པས་མཆོད་འགྱུར་ཞིང་། །གནོད་པ་བྱས་ན་གནོད་བྱེད་པ། །གཟའ་དེ་ཀུན་གྱི་ཁ་དོག་དང་། །ཇི་ལྟར་དགའ་བར་འགྱུར་
D997.101.0151a05.01བ་དང་། །ལྷ་རྣམས་དང་ནི་ལྷ་མིན་དང་། །མི་འམ་ཅི་དང་ཀླུ་དག་དང་། །གནོད་སྦྱིན་རྣམས་དང་སྲིན་པོ་དང་། །སྲུལ་པོ་དང་ནི་མི་རྣམས་དང་། །དྲག་པོ་གཟི་བརྗིད་ཆེན་པོ་དག །ཁྲོས་པ་ཞི་བར་བྱེད་པ་ཡི། །གསང་སྔགས་དང་ནི་མཆོད་པ་དག །རིམ་
D997.101.0151a06.01པ་བཞིན་དུ་བཤད་པར་བྱ། །དེ་ནས་བཅོམ་ལྡན་འདས་ཤཱཀྱ་ཐུབ་པ་ཉིད་ཀྱི་ཐུགས་ཀ་ནས་སྙིང་རྗེ་རྣམ་པར་རོལ་བ་ཞེས་བྱ་བའི་འོད་ཟེར་འབར་བ་ཕྱུང་ནས་གཟའ་རྣམས་ཀྱི་སྤྱི་བོར་ཞུགས་པར་གྱུར་ཏོ། །དེ་ནས་དེ་ཉིད་ཀྱི་སྐད་ཅིག་ཉིད་ལ་ཉི་མ་ལ་སོགས་པའི་
D997.101.0151a07.01