完整藏文原文 · 德格版页 当前仅加载第 101 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཚོགས་བདག་ལ་བསྐྱབ་ཏུ་གསོལ། །དེ་ནས་ལྷའི་དབང་པོ་བརྒྱ་བྱིན་གྱིས་ཚིག་དེ་ཐོས་ནས་སྙིང་རབ་ཏུ་སྡུག་བསྔལ་བས་ལྷའི་བུ་ནོར་བུའི་སྙིང་པོ་དྲི་མ་མེད་པ་ལ་འདི་སྐད་ཅེས་སྨྲས་སོ། །ལྷའི་བུ་མ་འཇིགས་ཤིག །གང་གིས་འཆི་བདག་ཕམ་པར་འགྱུར་ཞིང་། སེམས་
D983.101.0112b01.01ཅན་དམྱལ་བའི་སྡུག་བསྔལ་ལས་ཐར་བར་འགྱུར་བ་སངས་རྒྱས་བཅོམ་ལྡན་འདས་འཇིག་རྟེན་ན་ལྷ་དང་མི་རྣམས་ཀྱི་སྟོན་པ་སྐྱེ་བ་དང་། རྒ་བ་དང་། ན་བ་དང་། འཆི་བ་དང་མྱ་ངན་ལས་རྒལ་བ་བླ་ན་མེད་པའི་སྨན་པ་ཡོད་དེ། དེ་ནི་ཁྱོད་ཀྱི་སྐྱབས་དང་རྩ་ལག་བཟང་པོ་དང་།
D983.101.0112b02.01དཔུང་གཉེན་དང་། ཕ་མ་ལྟ་བུར་གྱུར་བ་ཡིན་ནོ། །དེ་ནི་ངན་འགྲོ་ཐམས་ཅད་འཇིག་པར་མཛད་པ་ཡིན་གྱིས་འདྲེན་པ་དེ་གང་ན་བཞུགས་པ་དེར་བདག་ཅག་མྱུར་དུ་འདོང་ངོ་། །དེ་ནས་དེའི་ཐོ་རངས་ལྷའི་དབང་པོ་བརྒྱ་བྱིན་དང་། ལྷའི་བུ་ནོར་བུའི་སྙིང་པོ་དྲི་མ་མེད་པ་དང་། ལྷ་དང་
D983.101.0112b03.01ལྷའི་བུ་མོ་སྟོང་ཕྲག་དུ་མ་དང་ལྷན་ཅིག་དགའ་ལྡན་ག་ལ་བ་དེར་དོང་ནས་བཅོམ་ལྡན་འདས་ག་ལ་བ་དེར་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་སྤྱན་སྔར་འཁོད་དོ། །དེ་ནས་ལྷའི་དབང་པོ་
D983.101.0112b04.01བརྒྱ་བྱིན་གྱིས་དམན་པའི་ཚིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷའི་བུ་ནོར་བུའི་སྙིང་པོ་དྲི་མ་མེད་པ་འདི་ལ་ལྷའི་གནོད་སྦྱིན་གྱི་གཙོ་བོ་སྐར་མདའི་གདོང་གིས་བསྐུལ་ཏེ། དེ་དགུང་བདུན་གྱི་གདུགས་ལ་ནོར་བུའི་སྙིང་པོ་དྲི་མ་མེད་པ་འདི་
D983.101.0112b05.01འཆི་བདག་གི་སྒོའི་དབང་དུ་འགྱུར་རོ་ཞེས་མཆི་ན། བཅོམ་ལྡན་འདས་དེ་ལ་ཇི་ལྟར་བསྒྲུབ་པར་བགྱི། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ལྷའི་དབང་པོ་བརྒྱ་བྱིན་གྱི་ཚིག་གསན་ནས་འཛུམ་པ་མཛད་དེ། འཛུམ་པ་བསྟན་པ་དེས་ཞལ་ནས་ཁ་དོག་དུ་
D983.101.0112b06.01མ་དང་ལྡན་པའི་འོད་ཟེར་བྱུང་སྟེ། འོད་ཟེར་བྱུང་བ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བར་བྱས་ཏེ། འོད་ཟེར་གྱི་སྣང་བ་དེས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་།
D983.101.0112b07.01