完整藏文原文 · 德格版页 当前仅加载第 101 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་ལྔ་བྱས་པའི་སྡིག་པ་ཡང་མ་ལུས་པར་འབྱང་བར་འགྱུར་རོ། །སེར་སྣ་དང་། བརྣབ་སེམས་དང་། ཕྲག་དོག་ལ་སོགས་པ་མི་དགེ་བའི་རྩ་བ་ཐམས་ཅད་ཀྱང་འབྱང་བར་འགྱུར་ཏེ། ཚེ་ཟད་པ་ལས་ཀྱང་ཚེ་རིང་དུ་ནུར་བ་དང་། བཀྲ་
D982.101.0102a01.01ཤིས་དང་ལེགས་པ་ཕུན་སུམ་ཚོགས་པ་ཐམས་ཅད་འགྲུབ་པར་འགྱུར་རོ། །དེ་སྐད་ཅེས་བཀའ་སྩལ་པ་དང་། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བས་བཅོམ་ལྡན་འདས་ལ་གསོལ་བ། བཅོམ་ལྡན་འདས་བཅོམ་
D982.101.0102a02.01ལྡན་འདས་ཀྱིས་སེམས་ཅན་ཐམས་ཅད་ཀྱི་སྲོག་གི་སྐྱབས་མཛད་པ་དང་། ལས་ཀྱི་སྒྲིབ་པ་ཐམས་ཅད་བསལ་བའི་སླད་དུ་བཅོམ་ལྡན་འདས་ཀྱིས་གསང་སྔགས་ཀྱི་ཆོ་ག་འདི་ཐམས་ཅད་དང་ལྡན་པའི་འཁོར་ལ་བཀའ་སྩལ་དུ་གསོལ། དེ་སྐད་ཅེས་གསོལ་བ་དང་།
D982.101.0102a03.01བཅོམ་ལྡན་འདས་ཀྱིས་གནང་སྟེ་བཅོམ་ལྡན་འདས་ཀྱི་དབུའི་གཙུག་ཏོར་གྱི་སྟེང་ནས་འོད་ཟེར་གྱི་སྣང་བ་ཆེན་པོ་བྱུང་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་འོད་ཀྱིས་ཁྱབ་པར་མཛད་དེ། དེ་བཞིན་གཤེགས་པ་ཐམས་ཅད་ལ་ཡང་མཁྱེན་
D982.101.0102a04.01པར་མཛད་ནས། འོད་ཟེར་དེ་དག་སླར་འདུས་ཏེ་བཅོམ་ལྡན་འདས་ཀྱི་དབུའི་གཙུག་ཏོར་དུ་ནུབ་བོ། །དེ་ནས་བཅོམ་ལྡན་འདས་དགྱེས་ཤིང་བྱ་ཀ་ལ་པིང་ཀའི་གསུང་དབྱངས་ཀྱིས་གསང་སྔགས་བཀའ་སྩལ་པ། ན་མཿསབྟཱ་ནཱ་ན། སཾམྱཀྶཾ་བུདྡྷ་ཀོ་ཊཱི་ནཱ་ན། པ་རི་
D982.101.0102a05.01ཤུདྡྷེ་མ་ན་སི། ཨ་བྷྱཱརྩི་ཏ་བྲ་ཏིཥྛི་ཏཱ་ནཱ་ན། ན་མོ་བྷ་ག་བ་ཏེ། ཨ་མྲྀ་ཏ་ཨཱ་ཡུ་ཥ་སྱ། ཏ་ཐཱ་ག་ཏ་སྱ། ཨོཾ་སརྦ་ཏ་ཐཱ་ག་ཏ་ཤུདྡྷེ། ཨཱ་ཡུ་ར་བི་ཤོདྷ་ནི། སཾ་ཧ་ར་སཾ་ཧ་ར། སརྦ་ཏ་ཐཱ་ག་ཏ་བཱིརྱ་བ་ལེན་པྲ་ཏི་སྃ་ཧ་ར། ཨཱ་ཡུཿསཱ་ར་སཱ་ར། སརྦ་ཏ་ཐཱ་ག་ཏ་ས་མ་ཡ། བོ་དྷི་
D982.101.0102a06.01བོདྷི། བུདྡྷྱ་བུདྡྷྱ། བོ་དྷ་ཡ་བོ་དྷ་ཡ། མ་མ་སརྦ་པཱ་བ་ཨཱ་བ་ར་ཎ་བི་ཤུདྡྷེ། བི་ག་ཏ་མ་ལཾ། ཚར་སུ་བུདྡྷེ་བུདྡྷེ། ཧུ་རུ་ཧུ་རུ་སྭཱ་ཧཱ། འདི་ནི་རྩ་བའི་སྔགས་ཏེ་གང་ལ་ལ་འདིའི་ཆོ་ག་བྱེད་པར་འདོད་ན་ཚེས་བརྒྱད་དང་། བཅུ་གསུམ་དང་། བཅུ་བཞི་དང་། བཅོ་ལྔ་རྣམས་གང་ཡང་
D982.101.0102a07.01