'phags pa mdangs phyir 'phrog pa zhes bya ba'i mdo/
当前为德格木刻版 83b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 83b
- 可引用原文
- 6 行
- 全文规模
- 全经 10 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 101 函 · 德格 83b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文༄༅། །རྒྱ་གར་སྐད་དུ། ཨཱརྱ་ཨོ་ཛཿཔྲ་ཏྱཾ་གི་ར་ཎ་སཱུ་ཏྲ། བོད་སྐད་དུ། འཕགས་པ་མདངས་ཕྱིར་འཕྲོག་པ་ཞེས་བྱ་བའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་མདངས་ཕྱིར་འཕྲོག་པའི་རིག་སྔགས་ཟུང་ཤིག །ཆོངས་ཤིག་ལྷོགས་ཤིག་ཀུན་ཆུབ་པར་གྱིས་ཤིག །ཀུན་དགའ་བོ་གང་ལ་ལ་ཞིག་མདངས་
ཕྱིར་འཕྲོག་པའི་རིག་སྔགས་འཆང་ངམ། སྟོན་ཏམ། ཀློག་གམ། ཀུན་ཆུབ་པར་བྱེད་ན་དེའི་མདངས་ཕྱིར་མི་འཕྲོགས་ཤིང་འཕྲོག་པར་མི་འགྱུར་རོ། །ཕྲོགས་ན་ཡང་ཕྱིར་ཡང་དག་པར་གནས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་གསང་སྔགས་ཀྱི་གཞི་འདི་དག་བཀའ་སྩལ་ཏོ། །ཏདྱ་ཐཱ། ཕི་ལེ་ཕི་ལ་མེ། ཕི་ལུ་མེཾ་གེ །ཕི་ལུ་མ་ཏི། བ་ལྒུ་མ་ཏི། སཱ་ར་བ་ཏི། ཀྵི་ར་བ་ཏི། ཀུ་རུ་མཱ་ཏི། ཨུ་ཏ་བ་ལ་ནི། གཽ་རི། གནྡྷ་རི། ཙཽ་རི། ཙཎྜ་ལི། སྟུ་རེ། སྟུ་བ་རེ། ཨིནྡྲ་མཱ་ལི་ནི། ཛ་ལ་ནི། སོ་བཱ་ཀེ་ཏྲི་ཀྵོ་ཥ་ནེ། སཱ་ག་རེ། མ་ཧཱ་སཱ་ག་རེ། པུ་རུ་
ཙེ། པུ་རུ་ཙུ་རེ། ས་ནེ་མ་ནེ། ད་བ་ཕེ་ད་དམ་པ་ཕེ། ཧུ་ལུ་ཧུ་ལུ་སྭཱ་ཧཱ། རིག་སྔགས་འདི་བཀའ་སྩལ་པ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གཡོས། རབ་ཏུ་གཡོས། ཀུན་དུ་རབ་ཏུ་གཡོས་པ་ནས། འཁྲུགས། རབ་ཏུ་འཁྲུགས། ཀུན་དུ་རབ་ཏུ་འཁྲུགས་པའི་བར་དུ་གྱུར་ཏོ། །གནོད་སྦྱིན་རྣམས་ཀྱང་ཀྱེ་མའོ་སྡུག་བསྔལ་ལོ། །ཀྱེ་མའོ་ཉམ་ཐག་གོ་ཞེས་ངུ་ཞིང་སྐད་ཆེན་པོ་སྒྲ་ཆེན་པོ་འབྱིན་ཅིང་འཁོད་དོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ངས་བདེན་པ་དང་། བདེན་པའི་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D967
- 德格版页
- 83b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0612 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。