完整藏文原文 · 德格版页 当前仅加载第 101 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
བནྡྷུ་མ་ཏི། ཧི་རི་ཧི་རི། གེ་ལི་རི་ལེ། ཧུ་རུ་ཧུ་རུ། པིང་ག་ལེ་སྭཱ་ཧཱ། སངས་རྒྱས་བཅོམ་ལྡན་འདས་རྣམས་ལ་ཕྱག་འཚལ་ལོ། །སྒྲ་གཅན་ཟིན་བེ་ཅོན་ཆེན་པོའི་གཟུངས་ཀྱི་རིག་སྔགས་བརྒྱ་རྩ་བཅུ་པ་འདི་སྐུད་པ་ལ་མདུད་དེ།
D958.101.0055a01.01ལག་པ་ལ་བཏགས་སམ། མགུལ་དུ་བཏགས་ན། ཀུན་ནས་དཔག་ཚད་བཅུ་ཁོར་ཡུག་ཏུ་བེ་ཅོན་རྣམས་དང་། མེ་ཏག་རྣམས་དང་། ཕྱག་རྒྱ་རྣམས་ཀྱིས་དེ་བསྲུང་བ་བྱས་པར་འགྱུར་རོ། །དེ་ལ་མི་དང་། མི་མ་ཡིན་པ་རྣམས་ཀྱིས་མི་ཚུགས་པར་
D958.101.0055a02.01འགྱུར་རོ། །མཚོན་དང་། དུག་དང་། ནད་དང་། རིམས་ནད་དང་། རིམས་དྲག་པོ་དང་། རིག་སྔགས་དང་། རོ་ལངས་དང་། ཁྲོ་གདུག་དང་། མེ་དང་། ཆུས་འཆི་བའི་དུས་བྱེད་པར་མི་འགྱུར་རོ། །རིག་སྔགས་དང་། གསང་
D958.101.0055a03.01སྔགས་སྦྱོར་བ་རྣམས་ལེགས་པར་སྦྱོར་བ་ཐམས་ཅད་ཀྱི་མ་གྲུབ་པ་རྣམས་ཀྱང་གྲུབ་པར་བྱེད་པའོ། །གྲུབ་པ་རྣམས་ཆུད་མི་ཟ་བར་བྱེད་པའོ། །ཕ་རོལ་གྱི་སྦྱོར་བ་འཆིང་བའོ། །ཕ་རོལ་གྱིས་བཅིངས་པ་ལས་གྲོལ་བར་བྱེད་པའོ། །ནད་དང་། མྱ་ངན་
D958.101.0055a04.01དང་། བགེགས་རྣམ་པར་འཇིག་པར་བྱེད་པའོ། །འཐབ་པའི་རྙོག་པ་རབ་ཏུ་ཞི་བར་བྱེད་པའོ། །གདོན་ཐམས་ཅད་ཟློག་པར་བྱེད་པའོ། །གདོན་གང་གིས་གཏོང་བ་དེའི་མགོ་ཨ་རྫ་ཀའི་དོག་པ་བཞིན་མགོ་ཚལ་བ་བདུན་དུ་འགས་སོ། །གནོད་སྦྱིན་
D958.101.0055a05.01གྱི་སྡེ་དཔོན་ཆེན་པོ་ལག་ན་རྡོ་རྗེ་ཡང་རྡོ་རྗེ་འབར་བ། ཀུན་དུ་འབར་བ། ཀུན་དུ་རབ་ཏུ་འབར་བ། མེ་ལྕེ་གཅིག་ཏུ་གྱུར་པས། དེའི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་འགས་སོ། །རྒྱལ་པོ་ཆེན་པོ་བཞི་ཡང་ལྕགས་ཀྱི་འཁོར་ལོ་སྤུ་གྲིའི་སོ་ལྟ་
D958.101.0055a06.01བུའི་མཚོན་གྱིས་ཕུང་བར་བྱེད་དོ། །གནོད་སྦྱིན་གྱི་འཇིག་རྟེན་དེ་ནས་ཤི་འཕོས་ནས། ལྕང་ལོ་ཅན་གྱི་ཕོ་བྲང་འཁོར་དུ་གནས་པ་མི་འཐོབ་བོ། །སྒྲ་གཅན་ཟིན་རྒྱལ་པོ་དང་། མི་རྒོད་དང་། མེ་དང་། ཆུ་དང་། མཚོན་དང་། འབྲོག་དང་།
D958.101.0055a07.01