完整藏文原文 · 德格版页 当前仅加载第 100 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལ་ཕྱག་འཚལ་ལོ། །ལྷ་རྣམས་ལ་ཕྱག་འཚལ་ལོ། །ཀླུ་རྣམས་ལ་ཕྱག་འཚལ་ལོ། །གནོད་སྦྱིན་རྣམས་ལ་ཕྱག་འཚལ་ལོ། །དྲི་ཟ་རྣམས་ལ་ཕྱག་འཚལ་ལོ། །ལྟོ་འཕྱེ་ཆེན་པོ་རྣམས་ལ་ཕྱག་འཚལ་ལོ། །མིའམ་ཅི་རྣམས་ལ་ཕྱག་འཚལ་ལོ། །
D929.100.0278a01.01སྲིན་པོ་རྣམས་ལ་ཕྱག་འཚལ་ལོ། །ཤ་ཟ་སྐྲ་གྱེན་དུ་བརྫེས་པ་རྣམས་ལ་ཕྱག་འཚལ་ལོ། །རིག་པའི་བདག་པོ་ཐམས་ཅད་ལ་ཕྱག་འཚལ་ལོ། །ཟླ་བ་དང་ཉི་མ་རྣམས་ལ་ཕྱག་འཚལ་ལོ། །རྒྱུ་སྐར་ཉི་ཤུ་རྩ་བརྒྱད་ལ་ཕྱག་འཚལ་ལོ། །དེ་ནས་གཞན་གྱིས་མི་ཐུབ་པའི་རིན་པོ་
D929.100.0278a02.01ཆེའི་ཕྲེང་བའི་སྙིང་པོ་ཡང་དག་པར་རྫོགས་པའི་སངས་རྒྱས་ཀྱིས་གསུངས་པ། ལྷ་དང་། ཀླུ་རྣམས་ཀྱིས་རྗེས་སུ་ཡི་རང་བ་ལས་ཐམས་ཅད་བྱེད་པ་གཙང་མ་བརྗོད་པར་བྱ་སྟེ། དག་ཅིང་དེ་བཞིན་བཀྲ་ཤིས་པ། །བསོད་ནམས་བྱེད་གཙང་དཔལ་ཡོན་ཅན། །སྲིན་པོ་འཇོམས་
D929.100.0278a03.01པའི་ལྷ་རྣམས་དང་། །སེམས་ཅན་ཀུན་གྱིས་མི་ཐུབ་པའོ། །སྡིག་པ་ཐམས་ཅད་རབ་འཇིག་པ། །དོན་ཀུན་སྒྲུབ་པ་དཔལ་ཡོན་ཅན། །གདོན་ཀུན་རྣམ་པར་འཇིག་བྱེད་པ། །རིག་སྔགས་འདི་ནི་བརྗོད་པར་བྱ། །འདི་ནི་རྟག་ཏུ་རྒྱལ་བྱེད་པ། །བརྒྱ་བྱིན་གྱིས་ཀྱང་མི་ཐུབ་འདི། །
D929.100.0278a04.01དུག་དང་གཤེད་བྱེད་འཇིག་བྱེད་པ། །མེ་དགྲ་རྒྱལ་པོའི་འཇིགས་པ་དང་། །གཤེད་བྱེད་གདོན་དང་རོ་ལངས་དང་། །རྨི་ལམ་ངན་དང་ལུས་སྲུལ་དང་། །ལྷ་དང་ལྷ་མིན་དྲི་ཟ་དང་། །གནོད་སྦྱིན་སྲིན་པོ་ཀླུ་རྣམས་ལས། །ཀུན་ནས་དཔག་ཚད་བརྒྱ་ཚུན་ཆད། །རྟག་
D929.100.0278a05.01ཏུ་བདག་ལ་བསྲུང་བར་མཛོད། །ཉིན་གཅིག་པ་ཡི་རིམས་ནད་དང་། །ཉིན་གཉིས་པ་དང་ཉིན་གསུམ་དང་། །ཉིན་བཞི་པ་ཡི་རིམས་ནད་དང་། །མི་བཟད་རིམས་ལས་འདི་སྲུང་བྱེད། །དུག་དང་དབྱིག་དུག་ཟོས་པ་ཡང་། །ཁ་ཟས་བཞིན་དུ་འཇུ་བར་
D929.100.0278a06.01འགྱུར། །གང་གི་མངལ་ན་མི་ཆགས་དང་། །གང་གི་བུ་ཕོ་འཆི་བ་ཡང་། །རིན་པོ་ཆེ་ཡི་ཕྲེང་བ་འདིས། །དེ་དག་མྱུར་དུ་འཚོ་བར་བྱེད། །ནོར་འདོད་པས་ནི་ནོར་རྣམས་འཐོབ། །དཔལ་འདོད་པ་ཡང་དཔལ་འཐོབ་འགྱུར། །འཐབ་ཅིང་འགྱེད་དང་
D929.100.0278a07.01