snying rje'i mchog ces bya ba'i gzungs/
当前为德格木刻版 243b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 243b
- 可引用原文
- 7 行
- 全文规模
- 全经 31 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 100 函 · 德格 243b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文བ་དང་། སྤོབས་པ་དང་། ནད་མེད་པར་བྱེད་པའོ། །འབྱུང་པོ་དང་། བརྗེད་བྱེད་དང་། གནོད་སྦྱིན་དང་། སྲིན་པོ་དང་། ནམ་མཁའ་ལྡིང་དང་། ལྷ་མ་ཡིན་དང་། མིའམ་ཅིའི་གདོན་ཐམས་ཅད་ངེས་པར་འཇོམས་པའོ། །གཟུངས་འདིའི་མིང་གཟུང་བ་དང་། ཐོས་པ་དང་། བརྗོད་པ་ཙམ་གྱིས་ཀྱང་ཚེ་རབས་བྱེ་བ་ཕྲག་འབུམ་གྱི་བར་དུ་བསགས་པའི་ལས་ཀྱི་སྒྲིབ་པ་ཡང་འབྱང་བར་འགྱུར་རོ། །ཉོན་མོངས་པ་ཐམས་ཅད་བསྲབས་པར་འགྱུར་རོ། །དེའི་ངན་སོང་གི་འགྲོ་བ་ཐམས་ཅད་ཀྱང་རྒྱུན་ཆད་
པར་འགྱུར་རོ། །སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱིས་ཀྱང་ཡོངས་སུ་གཟུང་བར་འགྱུར་རོ། །བྱང་ཆུབ་སེམས་དཔའི་དགེ་བ་དང་ཡང་ལྡན་པར་འགྱུར་རོ། །ཡོངས་སུ་མི་ཉམས་པའི་ཆོས་ཅན་དུ་ཡང་འགྱུར་རོ། །སྙིང་རྗེ་ལས་ཀྱང་ཉམས་པར་མི་འགྱུར་རོ། །སེམས་ཅན་ཐམས་ཅད་ཀྱིས་ཀྱང་མངོན་པར་དགའ་བར་བྱ་བར་འགྱུར་རོ། །ཉིན་དུས་གསུམ། མཚན་དུས་གསུམ་དུ་ལན་བདུན་བདུན་བརྗོད་ན་སྡིག་པ་ཐམས་ཅད་ལས་རྣམ་པར་ཐར་པར་འགྱུར་ལ། བྱང་ཆུབ་སེམས་
དཔའི་ཡོན་ཏན་སྟོང་ཕྲག་དཔག་ཏུ་མེད། གྲངས་མེད་པ་དག་ཀྱང་ཐོབ་པར་འགྱུར་རོ། །ནམ་ནངས་པའི་དུས་སུ་སྐྱིལ་མོ་ཀྲུང་བཅས་ཏེ་བདེ་བར་འདུག་ལ། ལག་པ་གྲུ་གསུམ་གྱི་ཕྱག་རྒྱ་བྱས་ནས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་དམིགས་ཏེ། དེ་བཞིན་གཤེགས་པ་ཡོན་ཏན་བདག་ཉིད་ཆེན་པོ་མངོན་དུ་བསམས་ནས། དེ་བཞིན་གཤེགས་པ་ལ་ཕྱག་འཚལ་ལོ་ཞེས་སྨྲས་ཏེ། ཡིད་ཀྱིས་ཕྱག་འཚལ་ནས་ལན་ཉི་ཤུ་རྩ་གཅིག་བརྗོད་ན། དེ་ལ་ཡིད་ལ་ཇི་ལྟར་འདོད་པའི་བསམ་པ་
ཐམས་ཅད་ཡོངས་སུ་རྫོགས་པར་འགྱུར་ཏེ། དོན་ཇི་ལྟ་བ་བཞིན་དུ་འགྲུབ་པ་ཐོབ་པར་འགྱུར་རོ། །ཚེས་བརྒྱད་དང་། བཅུ་བཞི་དང་། བཅོ་ལྔ་ལ་བཅོམ་ལྡན་འདས་ལ་མཆོད་པ་བྱས་ལ། བསྙེན་གནས་བླངས་ནས་གོས་དཀར་པོ་བགོས་ཏེ། སྦྱིན་པ་བྱས་ལ་བྱང་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D913
- 德格版页
- 243b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0597 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。