完整藏文原文 · 德格版页 当前仅加载第 100 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་བདེན་པ་ལས་འདའ་བར་མི་བྱ་བ་དང་། དགེ་འདུན་གྱི་བདེན་པ་ལས་འདའ་བར་མི་བྱ་བ་དང་། བདེན་པར་སྨྲ་བ་རྣམས་ཀྱི་བདེན་པ་ལས་འདའ་བར་མི་བྱ་བ་དང་། དྲང་སྲོང་གི་བདེན་པ་ལས་འདའ་བར་མི་བྱ་བ་སྟེ། འབྱུང་
D907.100.0238a01.01པོ་ཐམས་ཅད་དང་། ནད་ཐམས་ཅད་དང་། མི་ཐམས་ཅད་དང་། མི་མ་ཡིན་པ་ཐམས་ཅད་ཀྱིས་འདའ་བར་བྱ་བ་མ་ཡིན་ནོ། །ནད་ཐམས་ཅད་དང་། འབྱུང་པོ་ཐམས་ཅད་དང་། སྡང་བ་ཐམས་ཅད་དང་། མི་མཛའ་བ་ཐམས་ཅད་ལས་བདེ་ལེགས་སུ་གྱུར་ཅིག །གང་ཡང་རྣམ་
D907.100.0238a02.01པར་ཐོ་འཚམ་པར་མ་བྱེད་ཅིག །འཚེ་བར་མ་བྱེད་ཅིག །གང་ཡང་རྡེག་པར་མ་བྱེད་ཅིག་སྭཱ་ཧཱ། མེ་ཁ་ལའི་རིག་སྔགས་ཀྱི་ཆོ་ག་བཤད་པར་བྱའོ། །སངས་རྒྱས་ལ་མེ་ཏོག་གི་མཆོད་པ་དང་། བདུག་པ་དང་། སྤོས་དང་། ལྷ་བཤོས་དག་ཕུལ་ནས་ཕྱིས་
D907.100.0238a03.01བསྲུང་བར་བྱའོ། །གཙང་མས་གོས་གཙང་མ་བགོས་ཏེ། བ་ལང་གི་ལྕི་བས་དཀྱིལ་འཁོར་བྱུགས་ནས་མེ་ཏོག་དག་བཀྲམ་སྟེ། ཅི་འབྱོར་པའི་གཏོར་མའམ། ཕྱེའམ། པདྨ་དང་། བཟའ་བ་དང་། བཏུང་བ་དང་། མེ་ཏོག་བསྲེས་པས་
D907.100.0238a04.01བུམ་པ་བཀང་བའམ། སྣོད་བཀང་པའི་དབུས་སུ་འདུག་ནས་སྤོས་ཀྱིས་རྒྱུན་མི་འཆད་པར་འདུག་པར་བྱའོ། །རྩྭ་ཀུ་ཤས་ཐམས་ཅད་ལ་བྱབ་པར་བྱའོ། །བདག་བསྲུང་བ་དང་། གཞན་བསྲུང་བར་བྱ་བ་ནི་སྐུད་པས་སོ། །སྤྲིན་བཅིང་བ་ནི་མེ་ཏོག་
D907.100.0238a05.01སྣ་མའི་ཤིང་དང་། སྣ་མའི་མར་གྱིས་སྦྱིན་སྲེག་བྱའོ། །རླུང་དང་། ཆར་བཟློག་པ་ནི་རྩྭ་མུཉྫའི་ལྷས་མ་ལ་ལན་གསུམ་བཟླས་བརྗོད་བྱས་ཏེ། རྩ་བའི་རིག་སྔགས་ཀྱིས་ལན་བདུན་བཏབ་ནས་མདུད་པ་བདུན་བོར་བར་བྱའོ། །ལམ་གྲུབ་པ་དང་།
D907.100.0238a06.01བདེ་བར་བྱ་ན་ཆོས་གོས་ཀྱི་གྲྭར་ལན་གསུམ་བཟླས་བརྗོད་བྱས་ཏེ་མདུད་པ་གསུམ་བོར་བར་བྱའོ། །ཟས་དཀར་གསུམ་ཟོས་ལ་ཉིན་ཞག་གསུམ་སྨྱུང་བ་བྱས་ནས་པདྨ་དང་། ཡུངས་ཀར་དཀར་པོ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། གྲོང་དང་།
D907.100.0238a07.01