完整藏文原文 · 德格版页 当前仅加载第 100 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
བྷ་ག་བཱ་ན། ཨཱརྱ་ཨ་བ་ལོ་ཀི་ཏེ་ཤྭ་ར་ཡ་སྭཱ་ཧཱ། འདི་ནི་བདག་གི་སྙིང་པོ་བཤད་པ་སྟེ། དེས་བདག་འགུགས་པར་འགྱུར་རོ། །དེའི་འོག་ཏུ་ཟླ་བ་ཡར་གྱི་ངོའི་ཚེས་བརྒྱད་ནས་བཟུང་སྟེ་ཉའི་བར་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་དུས་གསུམ་དུ་བཟླས་བརྗོད་བགྱི། དུས་གསུམ་
D904.100.0230b01.01དུ་ཁྲུས་བགྱི། དུས་གསུམ་དུ་གོས་བརྫེ་བར་བགྱིའོ། །དེ་ནས་ཚེས་{བཅྭ་,བཅོ་}ལྔ་ལ་མཆོད་པ་ཆེན་པོ་བགྱིས་ཏེ་བཟླས་བརྗོད་དཔག་ཏུ་མ་མཆིས་པར་བགྱིའོ། །འོན་ཏང་ནམ་གྱི་གུང་ཐུན་ལ་འཕགས་པ་སྤྱན་རས་གཟིགས་དབང་ཕྱུག་གསེར་གྱི་ཁ་དོག་གི་ལུས་དང་ལྡན་པ། མཚན་དང་དཔེ་བྱད་
D904.100.0230b02.01བཟང་པོས་ལེགས་པར་བརྒྱན་པ། ལུས་ལས་འོད་ཟེར་བྱེ་བ་སྟོང་འབྱིན་ཅིང་མཆི་བར་འགྱུར་རོ། །དེ་ལ་རིག་སྔགས་འཆང་གིས་སྐྲག་པར་མི་བགྱི་ཞིང་བརྟན་པར་བགྱིས་ན་མཐོང་མ་ཐག་ཏུ་ས་ཐོབ་པར་འགྱུར་རོ། །གཟུངས་དང་ཏིང་ངེ་འཛིན་ཀྱང་ཐོབ་པར་འགྱུར་རོ། །ཤར་ཕྱོགས་སུ་དེ་
D904.100.0230b03.01བཞིན་གཤེགས་པ་མི་འཁྲུགས་པ་མཐོང་བར་འགྱུར་རོ། །ལྷོ་ཕྱོགས་སུ་རིན་ཆེན་ཏོག་དང་། ནུབ་ཕྱོགས་སུ་འོད་དཔག་མེད་དང་། བྱང་ཕྱོགས་སུ་དེ་བཞིན་གཤེགས་པ་རྔ་སྒྲ་མཐོང་བར་འགྱུར་རོ། །དེ་ལ་སོགས་པ་ཕྱོགས་བཅུའི་དེ་བཞིན་གཤེགས་པ་གྲངས་མེད་དཔག་ཏུ་མེད་པ་དག་
D904.100.0230b04.01རིགས་པའི་ཚུལ་གྱིས་མཐོང་བར་འགྱུར་རོ། །འདི་ནས་ཤི་འཕོས་ནས་སངས་རྒྱས་ཀྱི་ཞིང་ཡོངས་སུ་དག་པ་རྣམས་སུ་སྐྱེ་བར་འགྱུར་ཏེ། ཐམས་ཅད་དུ་ཡང་སངས་རྒྱས་བཅོམ་ལྡན་འདས་རྣམས་མཉེས་པར་བགྱིད་པར་འགྱུར་རོ། །དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་
D904.100.0230b05.01དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་དེ་དག་དང་། གནས་གཙང་མའི་རིས་ཀྱི་ལྷའི་བུ་རྣམས་དང་། ཐམས་ཅད་དང་ལྡན་པའི་འཁོར་དེ་དང་ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་
D904.100.0230b06.01གསུངས་པ་ལ་མངོན་པར་བསྟོད་དོ། །འཕགས་པ་ཀུན་ཏུ་བཟང་པོ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།། །།
D904.100.0230b07.01