完整藏文原文 · 德格版页 当前仅加载第 100 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གང་ཡིན་པ་དང་། སྐྱེ་བར་འགྱུར་བ་གང་ཡིན་པ་དེ་དག་རྣམས་ལ་སྙིང་བརྩེ་བའི་ཕྱིར་གང་ལ་ལ་ཞིག་གཟུངས་འདི་དྲན་པས་བཟོད་པའི་མཆོག་སྒོམ་པར་བྱེད་ན་དེ་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོ་ཐམས་ཅད་ལས་ཡོངས་སུ་ཐར་བར་འགྱུར་
D903.100.0227b01.01ཞིང་། སྐྱེ་བོའི་ཚོགས་མང་པོ་སྡུག་བསྔལ་ལ་གནས་པ་རྣམས་ལས་རྣམ་པར་གྲོལ་བར་འགྱུར་རོ། །ནམ་སངས་རྒྱས་ཀྱི་ཞིང་ཡོངས་སུ་དག་པ་ལ་གནས་པར་གྱུར་གྱི་བར་དུ་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །དུས་གསུམ་གྱི་དེ་བཞིན་
D903.100.0227b02.01གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོྃ་མ་ཧཱ་བཱིརྱ་ཨ་མོ་གྷ་བི་ལོ་ཀི་ཏེ། བ་ར་བ་ར། དྲྀ་དྷ་བཱིརྱ་མ་ཧཱ་བ་ལ།
D903.100.0227b03.01བ་ལ་བ་ལ། མ་ཧཱ་བོ་དྷྱྃ་ག །བ་ལ། བོ་དྷ་ནི་ཧཱུྃ་ཕཊ་སྭཱ་ཧཱ། གཟུངས་འདི་དུས་རྟག་ཏུ་དྲན་པའམ། ཡོངས་སུ་དག་ཅིང་སྤྲོ་བའི་ཡིད་ཀྱིས་དྲན་པ་ཙམ་གྱི་མོད་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པར་འགྱུར་རོ། །གང་འདི་ཡིད་ལ་བྱེད་པ་དང་ལྡན་
D903.100.0227b04.01པས་དགེ་བ་སྣ་འགའ་ཙམ་བྱས་པ་ཡང་དཔག་ཏུ་མེད་པ་བྱས་པར་འགྱུར། སྟོབས་དང་ལྡན་པར་འགྱུར། མྱུར་བར་འགྱུར་རོ། །བྱང་ཆུབ་ཀྱི་སྙིང་པོ་ལ་འདུག་གི་བར་དུ་བརྩོན་འགྲུས་ཉམས་པར་མི་འགྱུར། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ནམ་ཡང་མི་
D903.100.0227b05.01འབྲལ་བར་འགྱུར། བརྩོན་པ་ཆེན་པོར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །
D903.100.0227b06.01ཨོྃ་སརྦ་ཏ་ཐཱ་ག་ཏ་མ་ཧཱ་ཨ་མོ་གྷ་ཀཱ་རུ་ཎ། དྷྱཱ་ན། ས་མཱ་དྷི། སརྦ་བི་མོཀྵ། ཨ་པྲ་ཀ་མྦྱ་ཀ །ཙུ་རུ་ཙུ་རུ་ཧཱུྃ་ཕཊ་སྭཱ་ཧཱ། གཟུངས་འདི་འཕགས་པ་སྤྱན་རས་གཟིགས་དབང་ཕྱུག་གི་དྲུང་དུ་ཡིད་ལ་བྱེད་པས་རྩེ་གཅིག་ཏུ་དྲན་པར་བྱས་ན་དྲན་པ་ཙམ་
D903.100.0227b07.01