完整藏文原文 · 德格版页 当前仅加载第 100 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་སྟོང་གིས་ཞལ་སྟོན་པར་འགྱུར་རོ། །ཁྱོད་ཀྱིས་བཟླས་པས་སྡིག་པ་བཤགས་པར་འགྱུར་རོ། །ཇི་སྙེད་པོ་ཏིར་བྲི་བ་བྱས་ནས་ཁྱིམ་དུ་བཞུགས་སུ་གསོལ་བར་བྱའོ། །བཅོམ་ལྡན་འདས་མང་པོས་ཅི་བྱ་སྟེ། ཕན་ཚུན་འགྲན་པས་ཉན་པའམ་
D901.100.0219a01.01རྗེ་དཔོན་གྱིས་འཇིགས་པས་སམ། གཞན་གྱི་རྗེས་སུ་འཇུག་པས་སམ། གཞན་སྨད་པར་བྱ་བའི་ཆེད་དུ་ཉན་པ་ནི་འཕགས་པ་སྤྱན་རས་གཟིགས་དབང་ཕྱུག་གི་བྱིན་གྱིས་བརླབས་སུ་མཁས་པས་ཤེས་པར་བྱའོ། །དེ་དག་གི་རྣ་བུག་ཏུ་དེའི་སྒྲ་གྲག་པར་འགྱུར་རོ། །
D901.100.0219a02.01བཅོམ་ལྡན་འདས་འདི་ལྟ་སྟེ། གང་ལ་ལའི་སྐྱེས་བུས་ཙནྡན་ནམ། ག་པུར་རམ། གུར་གུམ་མམ། གླ་རྩི་གནུར་ཞིང་བརྒྱད་ཅིང་རྡོ་བའམ་ས་ལ་གཞིབས་ནས་བདག་ཉིད་ལ་བྱུགས་ན་དེ་ལ་ཙནྡན་ནམ། ག་པུར་རམ། གུར་གུམ་མམ། གླ་རྩི་གནུར་བའམ་
D901.100.0219a03.01བརྒྱད་པས་དེ་ལྟར་དྲི་འཕོ་བར་མི་འགྱུར་རོ། །ཡང་དྲི་ཞིམ་པོའང་དེ་ཉིད་དོ། །བཅོམ་ལྡན་འདས་དེ་ལྟར་ཁོ་ནར་བདག་གི་དོན་ཡོད་ཞགས་པའི་སྙིང་པོ་འདི་ལ་ཡང་གང་ལ་ལ་ཞིག་གིས་འཕྱ་ཞིང་སྨོད་པ་དང་། སྔ་མ་ལྟར་ཇི་སྙེད་བདག་ལ་སྒྱུ་དང་གཡོས་མཆོད་པ་བྱེད་
D901.100.0219a04.01པ་དེ་དག་ནི་བཅོམ་ལྡན་འདས་དམུ་རྒོད་ཀྱི་སེམས་ཅན་དེ་དག་གི་དགེ་བའི་རྩ་བ་བསྐྱེད་པར་འགྱུར་རོ། །འདོད་པས་དཀའ་བར་འཛིན་པར་བརྗོད་དེ་ཕྱི་མ་ལའང་ངོ་། །གང་དང་གང་དུ་སྐྱེས་པ་དེ་དང་དེ་རུ་ཚུལ་ཁྲིམས་དང་ཏིང་ངེ་འཛིན་དང་ཤེས་རབ་དང་། བསོད་
D901.100.0219a05.01ནམས་ཀྱི་ཚོགས་ཀྱི་དྲི་དང་མི་འབྲལ་བར་འགྱུར་རོ། །ཚུལ་ཁྲིམས་ཀྱི་དྲི་ཞིམ་པོ་ཉིད་དུ་བྱེད་དོ། །གང་ཡང་བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་
D901.100.0219a06.01མའམ། དེ་ལས་གཞན་པ་ཁ་ཅིག་དོན་ཡོད་ཞགས་པའི་སྙིང་པོ་ཆེད་དུ་བྱས་ནས་དཀར་པོའི་ཕྱོགས་ཀྱི་ཚེས་བརྒྱད་ལ་སྨྱུང་བར་གནས་པར་བྱས་ཏེ། ལན་བདུན་དུ་དོན་ཡོད་ཞགས་པའི་སྙིང་པོ་ཚིག་ཏུ་མི་བརྗོད་པར་ཡོངས་སུ་བཟླས་ན། དེ་ལ་བཅོམ་
D901.100.0219a07.01