完整藏文原文 · 德格版页 当前仅加载第 100 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འཚལ་ཏེ། ཕྱག་རྒྱས་བགྱིས་ནས་རིག་སྔགས་བཟླས་བརྗོད་བགྱིས་པ་ཙམ་གྱིས་སྨོན་པ་རྣམས་མི་འགྲུབ་པ་གང་ཡང་མ་མཆིས་ལ། མྱུར་དུ་མངོན་པར་རྫོགས་པར་སངས་རྒྱས་པར་ཡང་འགྱུར་ལགས་སོ། །བུད་མེད་གང་ལ་ལ་ཞིག་བུ་བཙའ་བའི་ཚེ་སྡུག་
D897.100.0197b01.01བསྔལ་ཆེན་པོ་མྱོང་བར་གྱུར་ན། ཆབ་མར་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་འཚལ་དུ་སྩལ་ན་ངེས་པར་བདེ་བར་འགྱུར་ཞིང་། ཁྱེའུ་དང་བུ་མོ་བཙས་པ་གང་ལགས་པ་དེ་དག་ཀྱང་མཚན་དང་དཔེ་བྱད་བཟང་པོ་དང་ལྡན་པར་འགྱུར། དགེ་བ་སྣ་ཚོགས་
D897.100.0197b02.01ཀྱིས་བརྒྱན་ནས་སྔོན་བསོད་ནམས་བསགས་པའི་མཐུས་སྐྱེ་བོ་མང་པོ་ཀུན་གྱི་སྙིང་དུ་སྡུག་པར་འགྱུར། རྟག་པར་མིའི་ནང་དུ་ལོངས་སྤྱོད་ཁྱད་པར་དུ་འཕགས་པ་དག་ལ་ལོངས་སྤྱོད་པར་འགྱུར་ལགས་སོ། །སེམས་ཅན་གང་ལ་ལ་ཞིག་མིག་ནད་ཀྱིས་ཐེབས་
D897.100.0197b03.01ཏེ་སྡུག་བསྔལ་ཞིང་མི་བདེ་བར་འགྱུར་ན། སྔགས་མཁན་གྱིས་བྱང་ཆུབ་སེམས་དཔའ་མིག་སྟོང་དང་ལྡན་པའི་ཕྱག་རྒྱ་བགྱིས་ནས། སྔགས་ལན་ཉི་ཤུ་རྩ་གཅིག་བཟླས་ཏེ་མིག་ལ་ཕྱག་རྒྱས་བཏབ་པར་གྱུར་ན་མིག་ཀྱང་འཚོ་བར་འགྱུར་ལ། རྒྱུ་དང་རྐྱེན་དེས་གང་
D897.100.0197b04.01ཟག་དེ་ལྷའི་མིག་ཐོབ་པར་འགྱུར་བས་ལྷ་རྣམས་གསལ་བར་མཐོང་ཞིང་ལོངས་སྤྱོད་མཆོག་ལ་ལོངས་སྤྱོད་པར་འགྱུར་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མིག་སྟོང་ལག་སྟོང་དང་ལྡན་པའི་གཟུགས་འདྲི་བའི་ཆོ་ག་ནི་རས་དཀར་
D897.100.0197b05.01པོ་ཁྲུ་བཅུ་དྲུག་པའམ། ཁྲུ་ཉི་ཤུ་པ་ཡང་རུང་སྟེ། བྱང་ཆུབ་སེམས་དཔའ་དེའི་ལུས་ནི་འཛམ་བུའི་ཆུ་བོའི་གསེར་གྱི་ཁ་དོག་ཅན་དུ་བགྱིས་ཏེ། གདོད་ལ་མིག་གསུམ་མཆིས་པ། སུག་པ་ལག་པ་སྟོང་དང་ལྡན་ཞིང་། སུག་པ་ལག་པ་སྟོང་པོ་དེ་དག་རེ་རེའི་
D897.100.0197b06.01མཐིལ་དུའང་མིག་རེ་རེ་བྲིའོ། །སུག་པ་ལག་པ་ཆེན་པོ་ཡང་དག་པ་ཉིད་ནི་{བཅྭ་,བཅོ་}བརྒྱད་མཆིས་ཏེ། སྔར་སུག་པ་གཉིས་ཀྱིས་ནི་སྙིང་གར་ཐལ་མོ་སྦྱར་བར་བགྱིད་དོ། །སུག་པ་གཅིག་གིས་ནི་རྡོ་རྗེའི་ཐོ་བ་ཐོགས་སོ། །ཡང་གཅིག་གིས་ནི་རྩེ་གསུམ་པ་ཐོགས་སོ། །
D897.100.0197b07.01