完整藏文原文 · 德格版页 当前仅加载第 100 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིན་ནོ། །དེ་ནས་བྲམ་ཟེ་ཆེན་པོ་དྲི་མེད་ལེགས་སྣང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལན་བདུན་བསྐོར་བ་བྱས་ནས། བཅོམ་ལྡན་འདས་ལ་མེ་ཏོག་དང་། བདུག་པས་མངོན་པར་མཆོད་དོ། །ན་བཟའ་རིན་འབུམ་རི་
D883.100.0123b01.01བ་ཡང་གསོལ། བཅོམ་ལྡན་འདས་ལ་མུ་ཏིག་གི་དོ་ཤལ་འབུམ་རི་བ་ཡང་གསོལ་ནས། ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔར་འདུག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D883.100.0123b02.01སྲས་ཚོགས་ཀྱི་འཁོར་དང་བཅས་པ་བདག་གི་སྡུམ་པར་གདུགས་ཚོད་ལ་སྤྱན་འདྲེན་ན། དེའི་སླད་དུ་བཅོམ་ལྡན་འདས་ཀྱིས་གནང་བར་མཛད་པར་ཅི་གནང་། དེ་ནས་བཅོམ་ལྡན་འདས་ཀྱིས་བྲམ་ཟེ་ཆེན་པོ་དྲི་མེད་ལེགས་སྣང་གིས་སྤྱན་དྲངས་པར་ཐུགས་སུ་ཆུད་ནས་
D883.100.0123b03.01ཅང་མི་གསུང་བར་གྱུར་པས་གནང་ངོ་། །དེ་ནས་བྲམ་ཟེ་ཆེན་པོ་དྲི་མེད་ལེགས་སྣང་བཅོམ་ལྡན་འདས་ཀྱི་སྤྱན་སྔ་ནས་ཅང་མི་གསུང་བས་གནང་བར་རིག་ནས། དེ་རིངས་པ་རིངས་པར་རང་གི་ཁྱིམ་དུ་སོང་སྟེ། དེ་ཉིད་ཀྱི་མཚན་མོ་འདས་པ་དང་། ཞལ་ཟས་དང་། ཡོ་བྱད་
D883.100.0123b04.01དང་། ཞལ་ཟས་རོ་བརྒྱ་པ་མང་པོ་བཤམས་ནས་བཀོད་པ་ཆེན་པོས་བཀྲ་ཤིས་ཀྱི་གཞལ་མེད་ཁང་དང་། གཞལ་མེད་ཁང་ཆེན་པོ་སྣ་ཚོགས་དང་། མེ་ཏོག་དང་། བདུག་པ་ཁྱེར་ཏེ་འཁོར་མང་པོ་དང་། སིལ་སྙན་དང་། ཕེག་རྡོབ་པས་བཅོམ་ལྡན་འདས་
D883.100.0123b05.01ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་དུས་ལ་བབ་པར་གསོལ་ཏོ། །དེ་ནས་བཅོམ་ལྡན་འདས་ལ་བྲམ་ཟེ་ཆེན་པོ་དྲི་མེད་ལེགས་སྣང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ནི་གཤེགས་པའི་དུས་ལགས་ཏེ། བཅོམ་ལྡན་འདས་
D883.100.0123b06.01གཤེགས་པའི་དུས་ཀྱི་ཚོད་ལ་བབ་ན་བདག་ལ་གནང་བར་མཛད་པར་ཅི་གནང་། དེ་ནས་བཅོམ་ལྡན་འདས་ཀྱིས་བྲམ་ཟེ་ཆེན་པོ་དྲི་མེད་ལེགས་སྣང་དབུགས་ཕྱུང་ནས་ཉིད་ཀྱི་འཁོར་ལ་གཟིགས་ཏེ་བཀའ་སྩལ་པ། འཁོར་ཇི་ལྟར་ལྷགས་པ་ཐམས་ཅད་དེང་དོན་ཆེན་པོ་
D883.100.0123b07.01