bsdus pa'i rgyud kyi rgyal po dus kyi 'khor lo'i 'grel bshad / rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba/
当前为德格木刻版 455a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 455a
- 可引用原文
- 7 行
- 全文规模
- 全经 6555 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 102 函 · 德格 455a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文མ་ཡིན་པའི་དབང་གིས་མི་མཐོང་སྟེ་གང་ཞིག་ཕལ་པའི་རྩྭ་དང་ཤིང་དང་ཆུ་དང་རྔུལ་དང་རྡོ་བ་དང་ནི་ལྕགས་རྣམས་མཐོང་བར་འགྱུར་རོ། །{ཡི་དགས་,ཡི་དྭགས་}རྣམས་ཀྱིས་ཆུ་བོ་ལ་སོགས་པ་རྣམས་སུ་ཆུ་ནི་མེ་འབར་བའི་རང་བཞིན་དུ་མཐོང་ངོ་། །དམྱལ་བར་སོང་བའི་མི་རྣམས་ཀྱི་སྡིག་པའི་དབང་གིས་གཅོད་པ་དང་འབིགས་པའི་མདུང་ལ་སོགས་པར་མཐོང་ངོ་། །ད་ནི་སངས་རྒྱས་ཀྱི་སྤྲུལ་པ་གསུངས་པ་འདི་རྣམས་ཞེས་པ་ལ་སོགས་པ་སྟེ་སེམས་ཅན་འདི་རྣམས་དགྲོལ་བའི་སླད་དུ་བསོད་ནམས་འབྱུང་བའི་དུས་སུ་སྲས་དང་བཅས་པ་རྒྱལ་བའི་བདག་པོ་ཞེས་པ་བྱང་ཆུབ་སེམས་དཔའ་རྣམས་དང་
བཅས་པའི་སངས་རྒྱས་བཅོམ་ལྡན་འདས་ལས་ཀྱི་སར་ནི་རབ་ཞུགས་ཏེ། སེམས་ཅན་གདུལ་བའི་སླད་དུ་མངལ་ནི་རབ་ཏུ་གཟུང་བ་མཛད་ཅིང་མཆོག་གི་ཐུགས་རྗེ་དག་གིས་བྱང་ཆུབ་བསྐྱེད་པ་མཛད་ནས་ནི། །ཉོན་མོངས་དང་ནི་བདུད་རྣམས་བཅོམ་ནས་ས་ཡི་སྟེང་གི་གནས་སུ་ཆོས་ཀྱི་འཁོར་ལོ་རབ་བསྐོར་ཏེ། །སྤྲུལ་པ་སྒྱུ་མ་མཛད་ནས་སླར་ཡང་བཅོམ་ལྡན་འདས་ནི་དག་པའི་སྐུ་ཅན་དེ་ཉིད་ཁོ་ན་ཇི་ལྟར་བྱོན་པ་དེ་བཞིན་གཤེགས་པ་སྟེ། དེ་ལྟར་སངས་རྒྱས་ཀྱི་སྤྲུལ་པ་སྒྱུ་མ་དང་མྱ་ངན་ལས་འདས་པའི་རང་བཞིན་ནི་སེམས་ཅན་རྣམས་ཀྱི་བསོད་ནམས་ཀྱི་དབང་དང་བསོད་ནམས་མ་ཡིན་པའི་དབང་
གིས་རབ་ཏུ་སྣང་བར་འགྱུར་རོ་ཞེས་པ་ངེས་པའོ། །ཚིགས་སུ་བཅད་པ་འདི་ནས་གཞན་ཚིགས་སུ་བཅད་པ་བདུན་ནི་གོ་སླའོ། །ད་ནི་རོ་ཆེན་པོ་ལ་སོགས་པའི་མཚན་ཉིད་གསུངས་པ་བསྲེག་བྱ་ཞེས་པ་ལ་སོགས་པའོ། །འདིར་མཱ་ཀྵི་ཀ་ནི་རོ་ཆེན་པོ་དང་སའི་རང་བཞིན་ཏེ། དང་ཡིག་གིས་རོ་ཆེན་པོའོ། །དྲི་མ་མེད་པ་ནི་ཆུའི་རང་བཞིན་དང་ཏུད་ཐ་ཀ་ནི་མེའི་རང་བཞིན་དང་གཡོ་བ་ནི་རླུང་གི་རང་བཞིན་དང་རས་ཀ་ནི་སྟོང་པའི་རང་བཞིན་དང་རི་བོང་ཅན་དང་མཚལ་ནི་ཡེ་ཤེས་ཀྱི་ཁམས་ཀྱི་རང་བཞིན་ཏེ་རོ་ཆེན་པོ་བདུན་ནོ། །དེ་ནས་ཉེ་བའི་རོ་རྣམས་ཏེ་ཀཱ་ཀྵི་ནི་མཉམ་པ་ཞེས་པ་ཡེ་
ཤེས་ཀྱི་ཁམས་ཀྱི་རང་བཞིན་དང་ཀཱ་ཤི་ས་ནི་ནམ་མཁའི་ཁམས་ཀྱི་རང་བཞིན་དང་མུ་ཟི་ནི་རླུང་གི་ཁམས་ཀྱི་རང་བཞིན་དང་ལྡོང་རོས་ནི་མེའི་རང་བཞིན་དང་བ་བླ་ནི་ཆུའི་རང་བཞིན་དང་བཙག་ནི་སའི་རང་བཞིན་ཏེ་ཉེ་བའི་རོ་དྲུག་གོ། །དེ་ནས་ལན་ཚྭ་ལྔ་སྟེ་ཟེ་ཚྭ་དང་རྒྱ་མཚོ་ལས་བྱུང་བ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D845
- 德格版页
- 455a
- 显示
- 忠实保留藏文原典·未添加机器译文
研究边界
书目关系边界：BDRC WA0RT0064 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。