完整藏文原文 · 德格版页 当前仅加载第 99 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
ཚར་གཅད་ཕྱིར། །ཆོས་ཉིད་སྒྱུ་མ་ལྟ་བུ་སྤྲུལ་ནས་ཕྲིན་ལས་མཛད། །ཅེས་གསུངས་པས། འཁོར་རྣམས་ངོ་མཚར་དུ་གྱུར་ཏེ། འདི་སྐད་དུ། ཨེ་མའོ་ཆེ་བའི་ཡོན་ཏན་ཀུན་ལ་ཁྱབ་པ་ལ། །ངང་གིས་ཁྲོ་བོར་བསྟན་པ་འདི་ལྟ་བུ། །ངོ་མཚར་རྨད་བྱུང་སྤྲུལ་པ་འདི་ལྟ་
D838.099.0061b01.01བུ། །རབ་ཏུ་མི་སྲུན་འདུལ་བ་ངོ་མཚར་ཆེ། །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་མ་བསྐུལ་བར་འདི་སྐད་ཅེས་གསུངས་སོ། །ཁྱད་པར་རིམ་པར་བསྟན་པའི་ཁྲོ་གཉེར་ནི། །ཡེ་ཤེས་དབྱིངས་ཀྱིས་ཀུན་ལ་ཁྱབ་པར་སྟོན། །ཁྲོ་བོ་བཞི་དང་བརྒྱད་དང་བཅུ་
D838.099.0061b02.01ལ་སོགས། །སྟོན་པ་མཆོད་ཕྱིར་ཁྲོ་བོ་མང་པོ་བསྟན། །ངང་ཁྲོ་ཀུན་ཁྱབ་ཤུགས་ཁྲོ་རང་རང་འདུལ་བ་ཡི། །བྱེ་བྲག་སོ་སོར་རབ་ཏུ་ཤེས་བྱ་ལ། །མཚན་མ་དྲག་པོ་ཞི་བ་དབང་དང་རྒྱས། །{གོ་རིམས་,གོ་རིམ་}བཟློག་སྟེ་རབ་ཏུ་བཤད་པར་བྱ། །ལྟེ་བར་བཅས་པའི་རྩིབས་ཅན་ལ། །འཁོར་
D838.099.0061b03.01བ་གཅོད་བྱེད་རྩེ་མོ་ཅན། །གྲུ་གསུམ་ཨེ་ཡི་ཕོ་བྲང་ཨ། །ཟླ་གམ་རྣམ་གསུམ་དབང་གི་ཚུལ། །མུ་ཁྱུད་དད་ཅན་རྒྱས་པ་ཕྱི། །རྣམ་བཞིར་ལྡན་པའི་འཁོར་ལོ་ལ། །རབ་ཏུ་མཛེས་པའི་ཐིག་གདབ་བོ། །དབུས་སུ་མ་ཧེའི་ཞིང་གདན་ལ། །རྩེ་དབུས་ཞིང་རྐྱང་རེ་རེའོ། །
D838.099.0061b04.01རུས་པ་ཚོགས་ཀྱི་དབའ་རླབས་བྲག་ཏུ་སྤུངས། །རཀྟ་ཁྲག་གི་དཔའ་ཀློང་མཚོ་ལྟ་བུ། །གནམ་ལྕགས་ངུར་མོ་རབ་ཏུ་ཏ་ལ་ལ། །དུར་ཁྲོད་རབ་ཏུ་བརྒྱན་པ་དེ་བཤམ་མོ། །དབུས་སུ་ཁྲོ་རྒྱལ་གཤིན་རྗེ་གཤེད། །སྐུ་ནི་ནག་པོ་དུག་འདྲ་ལ། །དབུ་གསུམ་དཀར་དམར་མཐིང་
D838.099.0061b05.01བ་སྟེ། །རལ་པ་ཁམ་ནག་སྲིད་རྩེར་འབར། །རྩེ་ལ་མེ་འབར་རྐེད་ནས་ཞག་ཀྱང་འཛག །རྩ་བ་ཆུ་སྟེ་སྡང་མིག་རབ་ཏུ་བགྲད། །ཕྱག་དྲུག་ཕྱག་མཚན་བསྣམས་པའི་ཐོར་ཚུགས་ནི། །སྡིགས་མཛུབ་རྒྱུ་ཞགས་ལྕགས་ཀྱུ་གཡས། །དུང་ཆེན་མདུང་ཐུང་གསལ་ཤིང་
D838.099.0061b06.01གཡོན། །ཞབས་བཞི་ཐུར་དུ་བསྟན་པ་ནི། །བརྐྱང་བསྐུམ་ཚུལ་གྱིས་འགྲོ་བ་དབང་དུ་སྡུད། །སྐུ་སྟོད་གླང་ཆེན་ཀོ་བ་ཞིང་ཕྲག་ལ། །སྐུ་སྨད་སྟག་སྟེ་ཤམ་ཐབས་ཚམ་ངམ་ཅན། །ཨེ་ཡི་ཕོ་བྲང་དབུས་སུའོ། །ཡུམ་ཡང་ཡབ་དང་སྐུ་མཐུན་ཏེ། །ཕོ་བྲང་དབུས་སུ་
D838.099.0061b07.01