完整藏文原文 · 德格版页 当前仅加载第 98 函德格 304a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །ཟིན་པའི་སེམས་ཅན་གང་ཡང་རུང་། །དེ་དག་སྐུད་པ་ནག་པོས་བཅིང་། །དེ་ཡང་དུམ་བུར་བཅད་པར་བྱའོ། །དེ་ནས་མི་དེ་སྔ་མ་བཞིན། །ཚེ་གནས་བྱ་ཕྱིར་འབྲུ་ལྔ་ཡིས། །གནས་ལྔ་དག་ཏུ་རྣམ་བཀོད་དོ། །བྲིད་
D835.098.0304a01.01པའི་སེམས་ཅན་བསྲུང་བར་བྱ། །ཚ་ཞིང་རྩུབ་པའི་ཤིང་དང་ནི། །ཤ་དང་ཆང་དང་ཡོ་བྱད་རྣམས། །གནག་ཅིང་ཚ་བར་རྣམ་སྦྱར་ཏེ། །ལྷ་ཆེན་རྣམས་ལ་མཆོད་པར་བྱ། །དེ་ནས་ལས་རྣམས་གྲུབ་པ་དང་། །ཧ་ཧ་ལ་སོགས་གད་མོ་
D835.098.0304a02.01དང་། །གླུ་དང་རྡོ་རྗེ་དབྱུག་པ་ཡིས། །ལྷ་རྣམས་བདག་ལ་ཐིམ་པར་བྱ། །འདི་ནི་བདག་ཉིད་བསྲུང་བ་དང་། །ལས་རྣམས་ཐམས་ཅད་གྲུབ་པར་བྱེད། །ཤར་ཕྱོགས་ན་ཕྲ་མེན་མ་ཀཽ་རི་ཁ་དོག་སྔོན་མོ་ཕྱག་གཉིས་པ་སྟེ། །གཡོན་བྷན་དྷ་
D835.098.0304a03.01ཙནྡན་དམར་གྱིས་བཀང་བ་ཐོགས་པ། །གཡས་ན་ཞིང་ཆུང་ངུའི་དབྱུག་པ་ཐོགས་པ། ཨོྃ་བཛྲ་གཽ་རཱི་ཛཿཛཿཧཱུྃ་ཞེས་སྟོང་རྩ་བརྒྱད་བཟླས་ཏེ་བཅོལ་ན་སངས་རྒྱས་ཀྱང་དགུག་ནུས་ན་གཞན་ལྟ་ཅི་སྨོས། ཆེ་གེ་མོ་ཞིག་ཁུག་ཅིག་ཅེས་བཅོལ་
D835.098.0304a04.01ནས་གཏོར་མ་དང་ཙནྡན་དམར་ཆེན་ཨརྒྷ་ལ་ཨོྃ་རུ་ལུ་རུ་ལུ་ཧཱུྃ་བྷྱོ་ཞེས་བརྗོད་ཅིང་ཨརྒྷ་ལན་གསུམ་དུ་བསྒྲེང་ངོ་། །ལྷོ་ཕྱོགས་ན་ཙཽ་རི་ཁ་དོག་སེར་མོ་ཕྱག་ན་མདའ་གཞུ་འགེངས་པ། ཨོྃ་བཛྲ་ཙཽ་རཱི་ཧཱུྃ་ཛཿཞེས་སྟོང་རྩ་བརྒྱད་བཅོལ་ན་ཕྱག་ན་རྡོ་
D835.098.0304a05.01རྗེའི་མཐུ་ཡང་རྡུལ་ཙམ་ཡང་མེད་པར་རྐུ་ནུས་ན་གཞན་ལྟ་ཅི་སྨོས། ནུབ་ཕྱོགས་ན་པྲ་མོ་ཧ་དམར་མོ་ཕྱག་ན་ཆུ་སྲིན་གྱི་རྒྱལ་མཚན་ཐོགས་པ། །ཨོྃ་བཛྲ་པྲ་མོ་ཧ་ཧཱུྃ་ཛཿཞེས་སྟོང་རྩ་བརྒྱད་བཟླས་ཏེ་བཅོལ་ན་ཕྱག་ན་རྡོ་རྗེ་ཡང་རང་གི་མཐུ་བཞག་ནས་དབང་དུ་
D835.098.0304a06.01འོང་ན་གཞན་ལྟ་ཅི་སྨོས། །བྱང་ཕྱོགས་ན་བཻ་ཏྟ་ལི་ཁ་དོག་ནག་མོ་ཕྱག་གཡོན་ཞིང་ཆུང་ངུ་འཛིན་ཅིང་ཟབ། གཡས་ན་རྡོ་རྗེ་འཕྱར་བ། ཨོྃ་བཛྲ་བཻ་ཏྟ་ལི་ཧཱུྃ་ཛཿཞེས་སྟོང་རྩ་བརྒྱད་བཟླས་ཏེ་བཅོལ་ན་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐམས་ཅད་
D835.098.0304a07.01