完整藏文原文 · 德格版页 当前仅加载第 96 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིད་པ་ལ་རྗེས་སུ་ཡི་རང་བ་དང་། དེ་བཞིན་དུ་འཕགས་པ་རང་རྒྱལ་བ་རྣམས་དང་། དེའི་ལམ་ལ་རབ་ཏུ་གནས་པ་རྣམས་དང་། འཕགས་པ་རྒྱུན་དུ་ཞུགས་པ་རྣམས་དང་། ལན་ཅིག་ཕྱིར་འོང་བ་རྣམས་དང་། ཕྱིར་མི་འོང་བ་རྣམས་དང་། དགྲ་བཅོམ་པ་
D810.096.0235a01.01རྣམས་དང་། ཕྱི་རོལ་གྱི་མངོན་པར་ཤེས་པ་ལྔ་ཐོབ་པ་རྣམས་དང་། དེ་ལས་གཞན་པ་འདོད་ཆགས་དང་བྲལ་བ་རྣམས་དང་། དྲང་སྲོང་རྣམས་དང་། དེ་ལས་གཞན་པ་ལམ་ཡང་དག་པའམ། ལམ་ལོག་པ་ལ་ཞུགས་པ་ནས་དེ་བཞིན་གཤེགས་པའི་སྙིང་པོ་དང་ལྡན་པའི་བར་
D810.096.0235a02.01རྣམས་དང་། ཆོས་ཀྱི་དབྱིངས་ཀྱི་ཁོངས་སུ་གཏོགས་པ་དེ་རྣམས་ལ་ལུས་དང་། ངག་དང་། ཡིད་རྣམ་པ་བཅུས་ཉེས་པར་སྤྱད་པ་བགྱིས་པ་དང་། བགྱིད་དུ་སྩལ་བ་དང་། བགྱིད་པ་ལ་རྗེས་སུ་ཡི་རང་བར་གྱུར་པ་དེ་དག་ཕྱོགས་བཅུའི་འཇིག་རྟེན་གྱི་ཁམས་སུ་འདུས་པས་ཆེན་པོར་
D810.096.0235a03.01ཆུད་པ། ཡེ་ཤེས་ཆེན་པོ་བརྙེས་པ། འདས་པ་དང་། མ་འོངས་པ་དང་། ད་ལྟར་བྱུང་བའི་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། ཡང་དག་པར་རྫོགས་པའི་སངས་རྒྱས་དང་བཅས་པ་དེ་རྣམས་ཀྱི་སྤྱན་སྔར་ནོངས་པ་ནོངས་པར་མཐོལ་ལོ། །
D810.096.0235a04.01བཤགས་སོ། །རྣམ་པར་གཞིག་གོ། །རབ་ཏུ་གཞོམ་མོ། །སྨད་དོ། །བྱིས་པ་བླུན་པོ་ལྟ་བ་ལོག་པར་ཞུགས་པ། འཁོར་བར་བྱིང་བའི་ནོངས་པ་ནོངས་པར་གཟུང་དུ་གསོལ། ཟླ་འོད་གཞོན་ནུར་གྱུར་པ་ལ་ཕྱག་འཚལ་ལོ། །ཏདྱ་ཐཱ། པྲ་བྷེ་པྲ་བྷ་ཨཱ་ཀ་རེ། པྲ་བྷ་བ་ཏི། དྷརྨཱ་
D810.096.0235a05.01བི་ཤུདྡྷེ། ཀརྨྨ་བི་ཤུདྡྷིརྦྷ་བ་ཏུ་མེ་སྭཱ་ཧཱ། སངས་རྒྱས་དང་བྱང་ཆུབ་སེམས་དཔའ་དེ་དག་བདག་ལ་དགོངས་སུ་གསོལ། གང་བདག་གིས་ཚེ་འདིའམ། སྐྱེ་བ་གཞན་དུ་སྐྱེ་བ་བརྒྱའམ། སྐྱེ་བ་སྟོང་ངམ། སྐྱེ་བ་ཁྲིའམ། སྐྱེ་བ་ཐོག་མ་དང་ཐ་མ་མ་མཆིས་པའི་འཁོར་བ་ན་འཁོར་
D810.096.0235a06.01བའི་ཚེ་སངས་རྒྱས་འབྱུང་བ་མ་རུང་བར་བགྱིས་པའམ། དམ་པའི་ཆོས་སྤངས་པའམ། མཚམས་མ་མཆིས་པ་ལྔ་བགྱིས་པ་དང་། བགྱིད་དུ་སྩལ་བ་དང་། བགྱིད་པ་ལ་རྗེས་སུ་ཡི་རང་བར་གྱུར་པ་དང་། ཆོས་ཆོས་མ་ལགས་པར་བསྟན་པ་དང་། ཆོས་མ་ལགས་པ་ཆོས་
D810.096.0235a07.01