完整藏文原文 · 德格版页 当前仅加载第 96 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
ཨ་ཏི་མུག་ཏ་ཀ་སྨྱུགས་པའི་ཡམ་སྲེག་ཤིང་ལ་འགྲོ་ལྡིང་བའི་རིག་སྔགས་ཀྱིས་བཏབ་སྟེ་ལན་བཅུ་བཞིར་སྦྱིན་སྲེག་བྱའོ། །འབྱུང་པོ་དབང་དུ་བྱ་བར་འདོད་པས་རའི་འོ་མ་དང་། རའི་མར་དང་། ཤིང་ཨ་པ་མརྒའི་ཡམ་སྲེག་ཤིང་དག་ལ་འགྲོ་ལྡིང་བའི་རིག་སྔགས་
D772.096.0111b01.01ཀྱིས་བཏབ་སྟེ་ལན་ལྔར་སྦྱིན་སྲེག་བྱའོ། །འགྲོ་བ་ཐམས་ཅད་ཀྱི་ཆེད་དུ་སྦྱིན་སྲེག་བྱ་བར་འདོད་བས་འབྲས་ཐུག་པོ་ཆེ་དང་བའི་འོ་མ་དང་། རུ་རྟ་དང་། རྒྱམ་ཚ་དང་། ཤིང་ཀ་ར་བཱིར་གི་ར་དཀར་པོའི་ཡམ་སྲེག་ཤིང་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ་སྦྱིན་སྲེག་
D772.096.0111b02.01བྱས་ན་སེམས་ཅན་ཐམས་ཅད་ཀྱི་ཆེད་དུ་སྦྱིན་སྲེག་བྱས་པར་འགྱུར་རོ། །རྙེད་པར་བྱ་བའི་དོན་དུ་རུ་རྟ་དང་འབྲུ་མར་ལས་འགྲོ་ལྡིང་བའི་རིག་སྔགས་ཀྱིས་ལན་བདུན་བཟླས་བརྗོད་བྱས་ཏེ་གདོང་བཀྲུས་ནས་སྨྲས་ན་གང་བསླངས་པ་དེ་ཐོབ་པར་འགྱུར་རོ། །ཐམས་ཅད་དུ་
D772.096.0111b03.01ཡང་དེ་བཞིན་གཤེགས་པའམ་དེ་བཞིན་གཤེགས་པའི་མཆོད་རྟེན་ལ་སྤོས་དང་། ཕྲེང་བ་དང་། བྱུག་པ་དང་། མེ་ཏོག་དང་། བདུག་པ་དང་། ཕྱེ་མ་དང་། བྱུག་པ་རྣམས་ཀྱིས་མཆོད་ཅིང་ཅི་ནུས་ཀྱིས་ལྷ་བཤོས་དག་ཀྱང་དབུལ་བར་བྱ་སྟེ། བསྲུང་བ་དང་
D772.096.0111b04.01བཅས་ཆོ་ག་དང་བཅས་པས་མི་མཇེད་ཀྱི་སེམས་ཅན་ཐམས་ཅད་བསྲུངས་པར་གྱུར་ཅིག་སྭཱ་ཧཱ། འདི་ནི་དངོས་གྲུབ་བོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། གཞོན་ནུ་སྒྲ་གཅན་ཟིན་དང་། ཐམས་ཅད་དང་ལྡན་
D772.096.0111b05.01པའི་འཁོར་དེ་དང་ལྷ་དང་མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་མེ་ཁ་ལ་ཞེས་བྱ་བའི་གཟུངས་རྫོགས་{སྷོ,སོ}།། །།
D772.096.0111b06.01རྒྱ་གར་གྱི་མཁན་པོ་པྲཛྙཱ་ཝར་མ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།།
D772.096.0111b07.01