完整藏文原文 · 德格版页 当前仅加载第 95 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་འདི་བཟླས་པར་བྱ་སྟེ། ཨོྃ་ཧ་ན་ཧ་ན་བཛྲ་མཱ་ར་ཡ་ཆེ་གེ་མོ་ཧཱུྃ་ཕཊ། ཁྲོ་བོ་འདི་དང་བཅས་པས་མནན་ཏེ། སྟོང་ཕྲག་བརྒྱད་བཟླས་ན་བཟླས་པ་ཙམ་གྱིས་སྤྱི་བོ་འགས་པའམ་བསྐམས་ནས་འཆིའོ། །དེ་བཞིན་དུ་ཁྲོ་བོའི་སྔགས་ཀྱིས་གསད་པ་ཐམས་ཅད་ལ་
D747.095.0250a01.01སྦྱར་བར་བྱའོ། །དེ་ནས་དཔལ་ལྷ་མོ་སྒྲུབ་པར་འདོད་ན། དཔལ་ལྷ་མོ་རྐང་པ་གཡོན་པས་མནན་ཏེ་ཁྲི་བཟླས་ན་དཔལ་ལྷ་མོ་འོང་སྟེ་མེ་ཏོག་གི་སྟན་བྱིན་ཞིང་ལེགས་པར་འོངས་སོ་ཞེས་བརྗོད་ལ་ཆུང་མ་གྱིས་ཤིག་ཅེས་བསྒོ་ནས་ཇི་ལྟར་འདོད་པ་ལྟར་སྤྱད་ན་རྒྱལ་སྲིད་སྟེར་བར་བྱེད་དོ། །དེ་
D747.095.0250a02.01ནས་འཇིགས་བྱེད་མ་རྐང་པ་གཡོན་པས་མནན་ཏེ་ཁྲི་བཟླས་ན། འཇིགས་བྱེད་མ་རང་གི་གཟུགས་ཀྱིས་འོང་སྟེ། བྲན་མོའི་ལས་རྣམས་བྱེད་དོ། །ཙ་མུཎྜི་རྐང་པ་གཡོན་པས་མནན་ཏེ། ཁྲི་བཟླས་ན་ཙ་མུཎྜི་རང་གི་གཟུགས་ཀྱིས་འོང་སྟེ། ཙ་མུཎྜི་བྲན་མོར་འགྱུར་རོ། །དེ་བཞིན་
D747.095.0250a03.01དུ་མ་མོའི་སྒྲུབ་པ་ཐམས་ཅད་ལ་མནན་ཏེ་བསྒྲུབས་ན་མྱུར་དུ་འགྲུབ་པར་འགྱུར་རོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། སྒྲུབ་པའི་ཐབས་ཀྱི་ཆོ་ག་རྒྱས་པའི་རིམ་པར་ཕྱེ་བ་དང་པོ་རྫོགས་སོ།། །།ཕྱག་ན་རྡོ་རྗེ་གཏུམ་པོ་ལ་ཕྱག་འཚལ་ལོ། །དེ་ནས་
D747.095.0250a04.01འདིར་ནི་ཤིན་ཏུ་འདའ་བར་དཀའ་བ་མཆོག་ཏུ་དྲག་པོ་ཆེན་པོའི་སྒྲུབ་པའི་ཐབས་ཤིན་ཏུ་དྲག་པོ་ལས་ཐམས་ཅད་སྒྲུབ་པར་བྱེད་པ་གསུངས་པ་ལིང་ཀ་གཅིག་པ་རྐང་པ་གཡོན་པས་མནན་ཏེ་སྟོང་ཕྲག་བརྒྱད་བཟླས་ན་ཉི་མ་བདུན་ན་ལྷ་ཆེན་པོ་དེ་མྱུར་དུ་འོང་ངོ་། །གལ་ཏེ་མ་འོངས་ན་དེའི་
D747.095.0250a05.01མོད་ལ་འཆིའོ། །སྲེད་མེད་ཀྱི་བུ་མནན་ཏེ་ཉི་མ་བདུན་སྟོང་ཕྲག་བདུན་བཟླས་ན་ཉི་མ་བདུན་པ་ལ་ངེས་པར་འོང་ངོ་། །གལ་ཏེ་མ་འོངས་ན་སྤྱི་བོ་འགས་པའམ་བསྐམས་པར་འགྱུར་རོ། །ངེས་པར་སྲེད་མེད་ཀྱི་བུ་འཁོར་དང་བཅས་པ་མངག་གཞུག་པར་འགྱུར་རོ། །ཚངས་པ་མནན་
D747.095.0250a06.01ཏེ་སྟོང་ཕྲག་བརྒྱད་བཟླས་ན་ཉི་མ་བདུན་ན་མྱུར་བར་འོང་སྟེ་གལ་ཏེ་མ་འོངས་ན་བསྐམས་ཏེ་འཆིའོ། །མངག་གཞུག་པར་འགྱུར་རོ། །བརྒྱ་བྱིན་རྐང་པ་གཡོན་པས་མནན་ཏེ། ཉི་མ་བདུན་དུ་སྟོང་ཕྲག་བརྒྱད་བཟླས་ན་ཉི་མ་བདུན་ན་ངེས་པར་འོང་སྟེ། གལ་ཏེ་མ་འོངས་ན་
D747.095.0250a07.01