完整藏文原文 · 德格版页 当前仅加载第 94 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སྐྱིལ་མོ་ཀྲུང་དང་བཅས་པས་ཟླ་བ་དང་པདྨའི་སྟེང་དུ་བཞུགས་པའོ། །ཤར་དུ་ཟླ་བ་དང་པདྨའི་སྟེང་དུ་ཏྃ་ལས་བསྐྱེད་པའི་ཨུཏྤ་ལ་མཐིང་ག་ས་བོན་དང་བཅས་པ་ལས། འཇིག་རྟེན་གྱི་ཁམས་ཐམས་ཅད་དུ་ཁྱབ་སྟེ་འོད་ཁ་དོག་སྣ་ཚོགས་པས་འཇིག་རྟེན་གྱི་
D726.094.0206a01.01ཁམས་ཐམས་ཅད་སྤྲུལ་པ་ལྟ་བུ་དང་སྒྱུ་མ་དང་འཇའ་ཚོན་དང་སྨིག་རྒྱུ་དང་། ཆུ་ཟླ་དང་གཟུགས་བརྙན་ལྟ་བུར་མཐོང་ངོ་། །དེའི་ཨུཏྤ་ལ་ལས་བྱུང་བའི་སྒྲོལ་མ་མཐིང་ག་ཕྱག་གཉིས་པ་ཕྱག་གཡས་ཀྱིས་ཏྲི་ཤཱུ་ལ་འཛིན་པ། ཕྱག་གཡོན་ན་སྡོང་བུ་དང་བཅས་པའི་ཨུཏྤ་ལ་
D726.094.0206a02.01འཛིན་པ་མཛེས་པའི་སྐུ་རིན་པོ་ཆེའི་དོ་ཤལ་དང་སྙན་ཆ་དང་དཔུང་རྒྱན་དང་རྒྱན་རྣམ་པ་སྣ་ཚོགས་པས་བརྒྱན་པ། གཞོན་ནུ་ལང་ཚོ་ལ་བབ་པ་ཞལ་འཛུམ་བག་དང་བཅས་པ། མཉམ་པའི་སྐྱིལ་མོ་ཀྲུང་དང་བཅས་པས་ཟླ་བ་དང་པདྨའི་སྟེང་ན་བཞུགས་པའོ། །ལྷོ་རུ་ཟླ་བ་དང་
D726.094.0206a03.01པདྨའི་སྟེང་དུ་རེ་ལས་བསྐྱེད་པའི་ཨུཏྤ་ལ་སེར་པོ་ས་བོན་དང་བཅས་པ་ལས་འཇིག་རྟེན་གྱི་ཁམས་ཐམས་ཅད་དུ་ཁྱབ་སྟེ། འོད་ཁ་དོག་སྣ་ཚོགས་པས་འཇིག་རྟེན་ཐམས་ཅད་སྤྲུལ་པ་ལྟ་བུ་དང་སྒྱུ་མ་དང་འཇའ་ཚོན་དང་སྨིག་རྒྱུ་དང་ཆུ་ཟླ་དང་གཟུགས་བརྙན་ལྟ་བུར་མཐོང་ངོ་། །
D726.094.0206a04.01དེའི་ཨུཏྤ་ལ་ལས་བྱུང་བའི་སྒྲོལ་མ་སྐུ་མདོག་གསེར་བསྲེགས་པ་ལྟ་བུ་ཕྱག་གཉིས་པ། ཕྱག་གཡས་ན་རལ་གྲི་འཛིན་པ་གཡོན་ན་སྡོང་བུ་དང་བཅས་པའི་ཨུཏྤ་ལ་འཛིན་པ། མཛེས་པའི་སྐུ་རིན་པོ་ཆེའི་དོ་ཤལ་དང་སྙན་ཆ་དང་དཔུང་རྒྱན་དང་རྒྱན་སྣ་ཚོགས་ཀྱིས་བརྒྱན་
D726.094.0206a05.01པ། གཞོན་ནུ་ལང་ཚོ་ལ་བབ་པ་ཞལ་འཛུམ་བག་དང་བཅས་པ་མཉམ་པའི་སྐྱིལ་མོ་ཀྲུང་དང་བཅས་པས་ཟླ་བ་དང་པདྨའི་སྟེང་དུ་བཞུགས་པའོ། །ནུབ་ཏུ་ཟླ་བ་དང་པདྨའི་སྟེང་དུ་ཏུ་ལས་བྱུང་བའི་ཨུཏྤ་ལ་དམར་པོ་ས་བོན་དང་བཅས་པ་ལས། འཇིག་རྟེན་གྱི་ཁམས་ཐམས་ཅད་དུ་
D726.094.0206a06.01ཁྱབ་སྟེ། འོད་ཁ་དོག་སྣ་ཚོགས་པས་འཇིག་རྟེན་ཐམས་ཅད་སྤྲུལ་པ་ལྟ་བུ་དང་སྒྱུ་མ་དང་འཇའ་ཚོན་དང་སྨིག་རྒྱུ་དང་། ཆུ་ཟླ་དང་གཟུགས་བརྙན་ལྟ་བུར་མཐོང་ངོ་། །དེའི་ཨུཏྤལ་ལས་བྱུང་བའི་སྒྲོལ་མ་དམར་མོ་ཕྱག་གཉིས་པ་ཕྱག་གཡས་པ་ན་འཁོར་ལོ་འཛིན་པ། གཡོན་པ་ན་
D726.094.0206a07.01