完整藏文原文 · 德格版页 当前仅加载第 93 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་བ་རབ་བརྩོན་བྱམས་ལས་བྱུང་། །མཐའ་ཡས་སེམས་ཅན་སྒྲོལ་ལ་མཁས། །བདེ་བར་གཤེགས་པ་ཉིད་ལས་སྐྱེས། །བདེ་བར་གཤེགས་པ་ཉིད་ཀྱི་བཀའ། །ཁམས་གསུམ་གྱི་ནི་གཉེན་གཅིག་པོ། །འདོད་ཆགས་ཞེ་སྡང་གཏི་མུག་མེད། །དྲི་མ་གསུམ་ནི་རབ་ཏུ་
D705.093.0172a01.01སྤངས། །རིག་པ་གསུམ་གྱི་ཕ་རོལ་ཕྱིན། །མངོན་པར་ཤེས་པ་དྲུག་ཀྱང་བརྙེས། །ནྱ་གྲོ་དྷ་ནི་ལྟ་བུར་ཟླུམ། །སྐྱེས་བུ་ཆེན་པོའི་མཚན་རྣམས་ནི། །སུམ་ཅུ་རྩ་གཉིས་དག་དང་ལྡན། །དཔེ་བྱད་བཟང་པོ་བརྒྱད་ཅུས་ཀྱང་། །སྐུ་ནི་རྣམ་པ་ཀུན་ཏུ་བརྒྱན། །སྐུ་མདོག་གསེར་གྱི་ཁ་
D705.093.0172a02.01དོག་འདྲ། །སྐུ་ཚད་ཆེ་ཞིང་དཀར་ཤམ་པོ། །ནཱ་ག་གེ་སར་གཞོན་ནུ་ལྟར། །ཅུང་ཟད་དམར་བ་འདྲ་བའི་མདོག །དབུ་ཡི་ཐོར་ཚུགས་དག་དང་ལྡན། །ཐོར་ཚུགས་མང་པོས་ཉེ་བར་གཡོགས། །དབུ་ལ་འོད་དཔག་མེད་པ་བཞུགས། །འོད་ཟེར་དག་ནི་རྣམ་པར་འཕྲོ། །འདོམ་གང་
D705.093.0172a03.01འོད་ནི་རབ་ཏུ་འབར། །གསེར་གྱི་རི་འདྲ་གྲགས་པས་ཁྱབ། །གཟི་བརྗིད་དག་ཀྱང་རབ་ཏུ་ཆེ། །ཤར་གྱི་རི་ལ་འཆར་བ་ཡི། །ཉི་མའི་གཙུག་ཏོར་དག་དང་ལྡན། །ནོར་བུ་རིན་ཆེན་འབར་བ་ཡི། །སེར་ལ་ཁས་ནི་སྐུ་ཕྱེད་བརྒྱན། །ས་དག་ལ་ནི་རབ་ཏུ་མཁས། །ཕ་རོལ་ཕྱིན་པ་
D705.093.0172a04.01བཅུ་རྣམས་སྤྱོད། །ཚུལ་ཁྲིམས་མ་ཉམས་རལ་བ་མེད། །ཐོང་ཀ་སེང་གེ་འཕྱོང་བ་འདྲ། །སྐུ་ནི་འཇམ་ཞིང་ལྡེམ་བག་ཅན། །གཟིགས་ཤིང་གཤེགས་པས་ཁྱུ་མཆོག་འདྲ། །གཡས་སུ་འཁྱིལ་བའི་དུང་ཡང་འདྲ། །དཔྲལ་བ་ཟླ་བ་ཁམ་པ་འདྲ། །དཔྲལ་བའི་དབྱིབས་
D705.093.0172a05.01ཀྱི་རྒྱ་ཡང་ཆེ། །སྨིན་མཚམས་བར་ཡང་ཡོང་མ་ཆད། །སྤྱན་ནི་ནོར་བུ་རིན་ཆེན་འབར། །ཤངས་ཀྱི་དབྱིབས་ནི་ཅུང་ཟད་མཐོ། །ཚེམས་ཀྱི་སྒྲོས་ཀྱིས་རྣམ་པར་གནོན། །ལྗགས་ཀྱིས་སྟོང་གསུམ་ཁེབས་མཛད་ཅིང་། །སྙན་གྱི་ཁུང་ཡང་རབ་ཏུ་ཟབ། །མགུར་ཡང་བུམ་པའི་
D705.093.0172a06.01མགྲིན་པ་འདྲ། །དཔུང་བ་དག་ཀྱང་རབ་ཏུ་ཟླུམ། །ཕྱག་སོར་རྣམས་ཀྱི་ཚིགས་ཀྱང་རིང་། །སེན་མོ་འཇམ་ཞིང་ཅུང་ཟད་དམར། །ཕྱག་སོར་རྣམས་ཀྱི་བར་ཡང་འབྲེལ། །ཕྱག་དང་ཞབས་ཀྱི་མཐིལ་རྣམས་ལ། །འཁོར་ལོ་དག་གིས་རབ་ཏུ་བརྒྱན། །སྟོན་ཀའི་པདྨ་འདྲ་
D705.093.0172a07.01