完整藏文原文 · 德格版页 当前仅加载第 93 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
བཀྲ་མི་ཤིས་པ་ཐམས་ཅད་བཟློག་པར་བགྱི་བ་དང་། རྨི་ལམ་ངན་པ་ཐམས་ཅད་དགག་པ་དང་། དུས་མ་ལགས་པར་འགུམ་པ་ཐམས་ཅད་བཟློག་པ་དང་། ངན་སེམས་ཅན་རྣམས་གདུལ་ཞིང་དང་བ་ཐོབ་པར་བགྱི་བ་དང་། མྱ་ངན་གྱི་སྡུག་བསྔལ་དང་ལྡན་པ་དག་
D694.093.0140a01.01བདེ་བ་ཐོབ་པར་བགྱི་བ་དང་། འཁོན་དང་བཅས་པ་རྣམས་འདུམ་པར་བགྱི་བ་དང་། བདུད་དང་གདོན་བགེགས་རྣམས་ཞི་བར་བགྱི་བ་དང་སེམས་ཀྱི་སྨོན་པ་རྣམས་མངོན་པར་འགྲུབ་པར་བགྱི་བའི་སླད་དུ་བཤད་པར་བགྱིའོ། །བཅོམ་ལྡན་འདས་བདག་གིས་ནི་འཇིག་རྟེན་ལྷ་དང་བཅས་
D694.093.0140a02.01པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་བྲམ་ཟེར་བཅས་པ་ལ་སོགས་པ་ལ་གང་གིས་ཀྱང་རིག་སྔགས་འདིས་བསྲུང་བར་བགྱིས་པ་དང་། འདི་ལེན་པ་དང་། འཛིན་པ་དང་། ཀློག་པ་དང་། འདོན་པ་དང་། ཡི་གེར་བྲིས་ནས་སྤེལ་བར་བགྱིད་པ་དེ་དག་
D694.093.0140a03.01ལ་བགེགས་བགྱིད་པ་དང་། བདུད་ཀྱི་བར་ཆད་དང་། མཚོན་ཆ་དང་དབྱིག་པ་དང་དུག་དང་། བྱད་སྟེམས་ཐམས་ཅད་ཀྱིས་གནོད་པ་བགྱིད་པར་འགྱུར་བ་མ་ལགས་སོ། །བདག་གིས་རིག་སྔགས་འདི་གནས་པའི་ཕྱོགས་སུ་རིང་ཡང་རུང་ཉེ་ཡང་རུང་སྟེ། ཅི་ཙམ་དུ་མཚམས་བཀུམ་པ་ལས་འདས་
D694.093.0140a04.01ནས་གནོད་པ་བགྱིད་དུ་མཆི་བ་མ་མཐོང་ལགས་ཏེ། སྡིག་པའི་ལས་ངེས་པར་རྣམ་པར་སྨིན་པར་གྱུར་པ་ནི་མ་གཏོགས་ལགས་སོ། །བཅོམ་ལྡན་འདས་དེས་དངོས་པོ་འདི་ངེས་པར་དེ་ལྟ་བུ་ལགས་པར་རིག་པར་བགྱིས་ནས་མངོན་པར་ཡིད་ཆེས་པས་བླང་བར་བགྱིའོ། །རྣམ་པར་
D694.093.0140a05.01རྟོག་པ་ནི་མི་བགྱིའོ། །དེ་ལྟར་བགྱིས་ན་གདོན་བགེགས་ཐམས་ཅད་ཐག་རིང་དུ་སྤོང་བས་ཉེ་བར་མཆི་ཞིང་གླགས་རྙེད་པར་མི་འགྱུར་ལགས་སོ། །རིག་སྔགས་ཀྱི་སྙིང་པོ་འདི་ནི་སངས་རྒྱས་ཐམས་ཅད་ཀྱིས་མཚུངས་པར་བསྔགས་པ་བརྗོད་ཅིང་མཚུངས་པར་རྗེས་སུ་ཐུགས་རངས་པར་
D694.093.0140a06.01མཛད་པ་ལགས་སོ། །དེ་བཞིན་གཤེགས་པ་ཐམས་ཅད་ཀྱིས་དགོངས་ཤིང་ཡོངས་སུ་བསྲུང་བ་མཛད་པ་ལགས་སོ། །བཅོམ་ལྡན་འདས་བདག་གིས་མངོན་པར་དྲན་ལགས་ཏེ། བསྐལ་པ་གང་གཱའི་ཀླུང་གི་བྱེ་མ་སྙེད་ཀྱི་སྔོན་རོལ་ན། དེ་བཞིན་གཤེགས་པ་དགྲ་བཅོམ་
D694.093.0140a07.01