完整藏文原文 · 德格版页 当前仅加载第 93 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
སོང་དུ་སྐྱེ་བར་མི་འགྱུར་ཏེ་དེ་ནི་གནས་མེད་དོ། །སེམས་ཅན་དེ་དག་ཐམས་ཅད་དགེ་བའི་རྩ་བ་ཆེན་པོ་དང་ཡང་ལྡན་པར་འགྱུར་རོ། །ལན་གཉིས་བརྗོད་ན་ནད་ཐམས་ཅད་རབ་ཏུ་ཞི་བར་འགྱུར་རོ། །ལན་གསུམ་བརྗོད་ན་རིམས་དང་། འབྲུམ་བུ་དང་། འབྲས་དང་། ལྷོག་པ་དང་།
D689.093.0063b01.01མེ་དབལ་དང་། གཡན་པ་དང་། རྐང་ཤུ་དང་། མཛེ་ནད་ཐམས་ཅད་རབ་ཏུ་ཞི་བར་འགྱུར་རོ། །ལན་བཞི་བརྗོད་ན། དུག་དང་། དབྱིག་དུག་དང་། བྱད་དང་། གཤེད་བྱེད། ཐམས་ཅད་རབ་ཏུ་ཞི་བར་འགྱུར་རོ། །ལན་ལྔ་བརྗོད་ན་འཐབ་པ་དང་། རྩོད་པ་དང་། འགྱེད་པ་
D689.093.0063b02.01དང་། ཤགས་སུ་གྱུར་པ་ཐམས་ཅད་རབ་ཏུ་ཞི་བར་འགྱུར་རོ། །ལན་དྲུག་བརྗོད་ན་འཇིགས་པ་ཐམས་ཅད་དང་། གདོན་ཐམས་ཅད་དང་། རིམས་ཐམས་ཅད་དང་། ཕ་རོལ་གྱི་གནོད་པ་ཐམས་ཅད་རབ་ཏུ་ཞི་བར་འགྱུར་རོ། །ལན་བདུན་བརྗོད་ན་དུས་མ་ཡིན་པར་འཆི་བ་ཐམས་ཅད་
D689.093.0063b03.01དང་། སེམས་ཅན་ཐམས་ཅད་ཀྱི་འཚེ་བ་དང་། ཡམས་ཐམས་ཅད་རབ་ཏུ་ཞི་བར་འགྱུར་རོ། །ལག་ན་རྡོ་རྗེ་དེ་ལྟ་བས་ན་སེམས་ཅན་ཐམས་ཅད་ཀྱི་དོན་དུ་ཉིན་རེ་བཞིན་དུ་ཚིག་གཞན་མི་སྨྲ་བར་སྙིང་པོ་འདི་ལན་བདུན་བདུན་བཟླས་པར་བྱའོ། །ལག་ན་རྡོ་རྗེ་གང་ལ་ལ་དག་འདི་
D689.093.0063b04.01ལྟར་སྡིག་པ་མི་དགེ་བ་བཅུ་རབ་ཏུ་སྤྱོད་པ། མཚམས་མེད་པ་བྱེད་པ། དམ་པའི་ཆོས་ལ་སྐུར་པ་འདེབས་པ། འཕགས་པའི་གང་ཟག་ལ་རབ་ཏུ་བརྙས་པས་དེ་དག་སེམས་ཅན་དམྱལ་བར་གཞོལ་བའི་ཚེའི་དུས་བྱས་པར་གྱུར་པ་དང་། དགེ་སློང་གང་ལ་ལ་དག་རང་གི་བསླབ་པའི་
D689.093.0063b05.01སྡོམ་པ་དྲལ་བ། ཚུལ་ཁྲིམས་ཀྱི་སྡོམ་པ་རལ་ཅིང་ཞིགས་པ་དང་། མཁན་པོ་དང་། སློབ་དཔོན་ལ་མ་གུས་ཤིང་འཁུ་བ་དང་། དམ་པའི་ཆོས་ལ་རྨ་འབྱིན་པས་ཚེའི་དུས་བྱས་པར་གྱུར་ནས་སེམས་ཅན་དམྱལ་བར་གཞོལ་བར་གྱུར་པ་དེ་དག་གི་དོན་དུ་བྱེ་མ་གཙང་མ་ལ་ལན་གྲངས་བདུན་
D689.093.0063b06.01བདུན་བཟླས་ནས། དུར་ཁྲོད་དུ་བོར་བའི་རོ་དང་། རོ་བསྲེགས་པའི་རུས་པའམ། དུར་མཆད་དུ་བཅུག་པའི་རོའམ། རུས་པ་ལ་བྱེ་མ་དེས་གཏོར་བར་བྱའོ། །གང་དང་གང་ན་སེམས་ཅན་རྣམས་ཀྱི་རུས་པ་གང་དག་ཡོད་པ་དེ་དང་དེ་དག་ཏུ་བྱེ་མ་དེས་གཏོར་མ་ཐག་ཏུ། དེ་དང་དེར་བྱེ་མས་ཕོག་
D689.093.0063b07.01