完整藏文原文 · 德格版页 当前仅加载第 93 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ་ཙམ་གྱི་མོད་ལ་ཚུལ་ཁྲིམས་ཡོངས་སུ་དག་པར་འགྱུར་ཞིང་། ཚུལ་ཁྲིམས་མང་པོ་དང་ལྡན་པར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་
D687.093.0058b01.01དབང་ཕྱུག་ལ་ཕྱག་འཚལ་ལོ། །ཨོྃ་ཨ་མོ་གྷ་ཀྵཱན་ཏི་སརྦྦ་བོ་དྷི་སཏྭ་ཀྵ་མི་ཎི། ཀྵ་ཎ་ཀྵ་ཎ་མ་ཧཱ་མཻ་ཏྲི་ཀཱ་རུ་ཎ་སརྦྦ་སཏྭ་བཏ་ས་ལ། མ་ཧཱ་ཀཱ་རུ་ཎི་ཀ །སརྦྦ་སཏྭ་ཀྵ་མི་ཎི་ཧཱུྃ་ཕཊ་སྭཱ་ཧཱ། གཟུངས་འདི་དྲན་པས་སེམས་ཅན་དུ་གྱུར་པ་ཐམས་ཅད་ལ་བཟོད་པ་དང་། བཟོད་པ་ཆེན་པོ་དང་། སྙིང་བརྩེ་བ་དང་། སྙིང་
D687.093.0058b02.01རྗེ་ཆེན་པོ་དང་ལྡན་པའི་སེམས་ཀྱིས་མཉམ་པར་གནས་པ་དང་། བྱོལ་སོང་གི་སྐྱེ་གནས་སུ་གཏོགས་པའི་{རི་དགས་,རི་དྭགས་}དང་། བྱ་དང་། ལྟོས་འགྲོ་ལ་སོགས་པ་གང་དག་འདས་པ་གང་ཡིན་པ་དང་། གནས་པ་གང་ཡིན་པ་དང་། སྐྱེ་བར་འགྱུར་བ་གང་ཡིན་པ་དེ་དག་རྣམས་ལ་སྙིང་བརྩེ་བའི་ཕྱིར་གང་ལ་ལ་ཞིག་གཟུངས་
D687.093.0058b03.01འདི་དྲན་པས་བཟོད་པའི་མཆོག་སྒོམ་པར་བྱེད་ན་དེ་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོ་ཐམས་ཅད་ལས་ཡོངས་སུ་ཐར་བར་འགྱུར་ཞིང་། སྐྱེ་བོའི་ཚོགས་མང་པོ་སྡུག་བསྔལ་ལ་གནས་པ་རྣམས་ལས་རྣམ་པར་གྲོལ་བར་འགྱུར་རོ། །ནམ་སངས་རྒྱས་ཀྱི་ཞིང་ཡོངས་སུ་དག་པ་ལ་གནས་
D687.093.0058b04.01པར་གྱུར་གྱི་བར་དུ་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོྃ་མ་ཧཱ་བཱིརྱ་
D687.093.0058b05.01ཨ་མོ་གྷ་བི་ལོ་ཀི་ཏེ། བ་ར་བ་ར། དྲྀ་ཌྷ་བཱིརྱ་མ་ཧཱ་བ་ལ། བ་ལ་བ་ལ། མ་ཧཱ་བོ་དྷྱཾ་བ། །བ་ལ་བོ་དྷ་ནི་ཧཱུྃ་ཕཊ་སྭཱ་ཧཱ། གཟུངས་འདི་དུས་རྟག་ཏུ་དྲན་པའམ། ཡོངས་སུ་དག་ཅིང་སྤྲོ་བའི་ཡིད་ཀྱིས་དྲན་པ་ཙམ་གྱི་མོད་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པར་འགྱུར་རོ། །གང་འདི་ཡིད་ལ་བྱེད་
D687.093.0058b06.01པ་དང་ལྡན་པས་དགེ་བ་སྣ་འགའ་ཙམ་བྱས་པ་ཡང་དཔག་ཏུ་མེད་པ་བྱས་པར་འགྱུར། སྟོབས་དང་ལྡན་པར་འགྱུར། མྱུར་བར་འགྱུར་རོ། །བྱང་ཆུབ་ཀྱི་སྙིང་པོ་ལ་འདུག་གི་བར་དུ་བརྩོན་འགྲུས་ཉམས་པར་མི་འགྱུར། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ནམ་ཡང་མི་འབྲལ་བར་འགྱུར། བརྩོན་
D687.093.0058b07.01