完整藏文原文 · 德格版页 当前仅加载第 91 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
བླ་རྡོ་དམ་རྫས་རྣམས། །སྤོས་ཆུས་བཀྲུ་ཞིང་སྔགས་འདི་བཟླས། །ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱན་བི་ནཱ་ཡ་ཀ་ཧཱུྃ་ཧཱུྃ་ཕཊ་སོས་སོས་སྭཱ་ཧཱ། དེ་སྐད་བྱས་ལ་གནས་སུ་ནི། །མགོན་པོའི་གཟུགས་ཀྱང་སྤོས་ཆུས་བཀྲུ། །གྲུ་གསུམ་དབུས་སུ་བླངས་
D667.091.0201a01.01བྱས་ལ། །དགྲ་བོའི་མིང་རུས་སྙིང་གར་གཞུག །ཞག་བདུན་བསྒྲུབས་ལ་དགྲ་ལ་བསྐྱལ། །ཨ་མུ་ཀ་ནི་མྱུར་དུ་བརླག །དཔལ་མགོན་པོ་ནག་པོའི་རྒྱུད་ལས་མ་གྲུབ་ན་སྤོགས་པའི་ཆོ་ག་དང་གསོ་བའི་ལེའུ་སྟེ་ལྔ་པའོ།། །།དེ་ནས་ཡང་དག་བཤད་བྱ་བ། །
D667.091.0201a02.01བྱ་ནག་འཕུར་ཞིང་ལྡིང་བ་དང་། །མོན་པ་ཨ་ཙ་ར་དང་ནི། །དགེ་བཤེས་བནྡེ་སློབ་དཔོན་དང་། །འོད་དང་སྒྲ་དང་ཁང་པ་འཚེག །མགོན་པོའི་སྐུ་དག་དངོས་སུ་མཐོང་། །དགྲ་ལ་དམག་དྲངས་སེམས་ཅན་བསད། །མི་ནག་བདག་ལ་སྙིང་སྟོབས་དང་། །
D667.091.0201a03.01མཛེ་པོ་དང་ནི་སྤྲང་པོ་དང་། །བྱ་ནག་ཐང་ལ་ལྷུང་བ་འབྱུང་། །དཔལ་མགོན་པོ་ནག་པོ་ནག་པོའི་རྒྱུད་ལས་རྟགས་ཀྱི་རིམ་པའི་ལེའུ་སྟེ་དྲུག་པའོ།། །།དེ་ནས་ཡང་དག་བཤད་བྱ་བ། །སེར་བ་དབབ་པའི་ལས་བྱ་ན། །མོན་ནམ་མཛེ་ཅན་ཐོད་པ་རུ། །
D667.091.0201a04.01འཁོར་ལོ་རྩིབས་བཞི་བྲིས་ནས་ཀྱང་། །རིགས་ལྔ་ཀླུ་ཡི་ས་བོན་དགོད། །རྩིབས་ཆེན་སེར་སྲུང་མིང་རུས་དང་། །ཡུལ་དུ་ཕོབ་ཅིས་བྱ་བ་བྲིས། །དེ་མཐར་འཁོར་ལོ་རྩིབས་དགུ་ལ། །དྲེགས་པའི་སྔགས་དག་བྲི་བར་བྱ། །རྒྱབ་ཏུ་གང་ཡིན་ཡུལ་མིང་དང་། །རླུང་
D667.091.0201a05.01གི་སྙིང་པོ་བྲི་བར་བྱ། །བདག་ཉིད་པདྨ་ཁྲོས་པར་བསྒོམ། །གསང་སྔགས་འདི་ཡིས་གནད་ལ་བོར། །ཨོཾ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱྃ་བི་ནཱ་ཡ་ཀ་ཧཱུྃ་ཧཱུྃ་ཕཊ། ནཱ་ག་སྙིང་གཟིར། ཕུ་ཧུར་ཐུམ་ཛ་ཁྲོ་ཤར་ཧྲིལ་བྷྱོ། །དེ་སྐད་ཅེས་ནི་རབ་བརྗོད་ལ། །ཡུངས་ཀར་
D667.091.0201a06.01ཡུངས་ནག་སྐེ་ཚེ་དང་། །ཁྲག་དང་དུག་གིས་ཐོད་པར་བྲབ། །ལོ་འབྲས་རླུང་ཁྱེར་རྟགས་བྱུང་ན། །དགྲ་ཡི་ཡུལ་དུ་དབབ་པར་བྱ། །གལ་ཏེ་འཇིག་རྟེན་ཕུང་བའོ། །དཔལ་མགོན་པོ་ནག་པོའི་རྒྱུད་ལས་སེར་བ་དབབ་པའི་ལེའུ་སྟེ་བདུན་པའོ།། །།
D667.091.0201a07.01