完整藏文原文 · 德格版页 当前仅加载第 91 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
བརྙེས་སྙིང་རྗེ་ཆེན་པོ་ལགས། །རྡོ་རྗེ་ཆེན་པོ་རྩེད་མོ་ཅན། །སྤྱན་བཟང་རྣམ་པར་གཟིགས་པ་པོ། །རྡོ་རྗེ་དྲིལ་བུ་རྣམ་དག་སྤྱན། །མཛའ་བོ་སྡུག་པ་དམ་ཚིག་མཁྱེན། །རྡོ་རྗེ་ཆེན་པོ་མགོན་པོ་པ། །རྡོ་རྗེ་ས་འོག་འཇིགས་པར་མཛད། །
D638.091.0118a01.01རྡོ་རྗེ་ཆེན་པོ་གད་རྒྱངས་སྒྲོགས། །མེ་ཏོག་ཆུན་པོ་འོད་གསལ་བ། །དག་པ་ཟས་གཙང་སྲས་ཀྱི་སྲས། །དེས་པ་སྐལ་བཟང་གཙང་བ་ལགས། །སྣ་ཚོགས་ཅན་ཏེ་ལྷ་ཀུན་མཆོག །རྡོ་རྗེའི་དཔུང་གི་དཀྱིལ་འཁོར་ལྡན། །རྡོ་རྗེ་གཙུག་སྡུག་ཤེས་རབ་ཅན། །རྡོ་རྗེའི་
D638.091.0118a02.01བཀོད་པ་རབ་ཏུ་མཛེས། །མཛེས་པ་ཤིན་ཏུ་རྣམ་པར་དག །བསྐལ་པའི་རླུང་ཆེན་ལྟ་བུ་ལགས། །དཔའ་བོ་གསང་བ་ཆེན་པོ་འཆང་། །རིག་སྔགས་འཆང་གི་མཆོག་གིས་རྗེད། །གསང་བ་པོ་སྟེ་གསང་བ་གསུང་། །སྐྱེས་པ་བུད་མེད་ཚོགས་དགའ་བ། །རྡོ་རྗེ་
D638.091.0118a03.01ཐོག་ཐོག་སྒྲ་ཆེན་སྒྲོགས། །རྡོ་རྗེའི་སྒྲ་སྟེ་རྣམ་པར་འཇོམས། །རྡོ་རྗེའི་ལྕགས་ཀྱུ་དགྱེས་པ་ཆེ། །རྡོ་རྗེ་འབར་བ་ཆེར་འབར་བ། །ནོར་བུས་སྤྲས་པའི་ན་བཟའ་གསོལ། །སྤོས་དང་མེ་ཏོག་ཕྲེང་གིས་བརྒྱན། །དབུ་ཡི་སྙན་ཆ་གདུབ་ཀོར་བཏགས། །སངས་རྒྱས་
D638.091.0118a04.01བསྟན་པ་སྟོན་པ་པོ། །རྒྱལ་པོ་སངས་རྒྱས་ཀུན་དང་མཉམ། །དབང་ཕྱུག་ཆེན་པོ་གྲགས་པ་ཆེ། །དཀྱིལ་འཁོར་སློབ་དཔོན་དཀྱིལ་འཁོར་ཅན། །སངས་རྒྱས་དཀྱིལ་འཁོར་སྟོན་པ་པོ། །དབུ་རྒྱན་ཅོད་པན་ཀུན་ནས་བཅིངས། །སྣ་ཚོགས་རྒྱན་གྱིས་བརྒྱན་པ་ལགས། །
D638.091.0118a05.01དེ་ལྟར་རྡོ་རྗེ་དབང་ཕྱུག་མགོན། །མཚན་བརྒྱ་རྩ་བརྒྱད་དག་གིས་བསྟོད། །དེ་ནས་རྡོ་རྗེ་དོན་ཡོད་པས་གསུངས་པ། །རྡོ་རྗེ་གསང་བས་བརྒྱན་པ་ཡི། །རྡོ་རྗེ་མཚན་རྩ་བརྒྱད་པ་འདི། །མིང་ནི་རྡོ་རྗེ་དོན་ཡོད་འབྱུང་། །སྡང་བ་ཐམས་ཅད་ཟློག་བྱེད་པ། །མིང་ནི་བརྒྱ་རྩ་བརྒྱད་
D638.091.0118a06.01པ་འདི། །དད་པ་གང་ཞིག་འཆང་བྱེད་པ། །གྲུབ་པ་ཐམས་ཅད་ཐོབ་འགྱུར་ཞིང་། །ཉེས་པ་ཀུན་ལས་རྣམ་པར་འགྲོལ། །ལག་ན་རྡོ་རྗེ་སྟོབས་པོ་ཆེ། །རྟག་ཏུ་ཕྱི་བཞིན་འབྲང་བར་འགྱུར། །ལག་ན་རྡོ་རྗེའི་ཡོན་ཏན་ཆེ། །གང་ཞིག་ནང་པར་ལངས་ནས་བརྗོད། །དེ་ནི་སྡིག་པ་
D638.091.0118a07.01