完整藏文原文 · 德格版页 当前仅加载第 91 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་སོང་། ཆོས་ལ་སྐྱབས་སུ་སོང་། དགེ་འདུན་ལ་སྐྱབས་སུ་སོང་། སངས་རྒྱས་ལ་གཅིག་ཏུ་ཕྱོགས། ཆོས་ལ་གཅིག་ཏུ་ཕྱོགས། དགེ་འདུན་ལ་གཅིག་ཏུ་ཕྱོགས། སངས་རྒྱས་ལ་ནེམ་ནུར་མེད་ཅིང་ཐེ་ཚོམ་མེད། ཆོས་དང་། དགེ་འདུན་དང་། སྡུག་བསྔལ་བ་དང་། ཀུན་འབྱུང་བ་དང་།
D619.091.0059b01.01འགོག་པ་དང་། ལམ་ལ་ནེམ་ནུར་མེད་ཅིང་ཐེ་ཚོམ་མེད་ལ་བདེན་པ་མཐོང་བ། འབྲས་བུ་ཐོབ་པ། མངོན་པར་རྟོགས་པར་གྱུར་པ། མཚོན་ཆ་དང་། དབྱིག་པ་བོར་བ་ཞིག་གནས་པ་དེའི་མིག་ལ་སྣང་བ་དང་། མི་སྣང་བའི་གཟུགས་རྣམས་སྣང་བར་མ་གྱུར་ནས། དེ་སངས་རྒྱས་བཅོམ་
D619.091.0059b02.01ལྡན་འདས་ལ་དད་པ་སྐྱེས་ཏེ་ཡིད་ལ་བྱེད་ཅིང་། སངས་རྒྱས་བཅོམ་ལྡན་འདས་ལ་ཕྱག་འཚལ་ལོ། །སངས་རྒྱས་བཅོམ་ལྡན་འདས་སྣང་བ་མཛད་པ། སྒྲོན་མ་འཛིན་པ། གསལ་བ་འཛིན་པ་ལ་ཕྱག་འཚལ་ལོ། །བདེ་བར་གཤེགས་པ་ཐུགས་རྗེ་ཆེན་པོ་དང་ལྡན་པ་གསལ་བར་མཛད་
D619.091.0059b03.01དུ་གསོལ། བཅོམ་ལྡན་འདས་བདག་གི་མིག་རྣམ་པར་སྦྱོང་དུ་གསོལ་ཞེས་བྱས་པ་དང་། བཅོམ་ལྡན་འདས་ལྷའི་གནས་པ་ལ་བཞུགས་པ། ལྷའི་སྙན་རྣམ་པར་དག་པ་མི་ལས་འདས་པས་ཤཱཀྱ་བདེ་བས་ཚིག་དེ་སྐད་བརྗོད་པ་གསན་ཏོ། །གསན་ནས་ཀྱང་ཏིང་ངེ་འཛིན་དེ་ལས་
D619.091.0059b04.01བཞེངས་ཏེ། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་སོང་ལ་མིག་རྣམ་པར་སྦྱོང་བའི་རིག་སྔགས་འདིས་ཤཱཀྱ་བདེ་བ་ལ་བསྲུང་བ་གྱིས་ཤིག །ཡོངས་སུ་བཟུང་བ་དང་། ཡོངས་སུ་བསྐྱབ་པ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་
D619.091.0059b05.01སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་བསད་པ་དང་། མཚམས་བཅད་པ་དང་། ས་བཅིང་བ་གྱིས་ཤིག །དེ་དང་དེ་བཞིན་དུ་འཁོར་བཞི་པོ་དགེ་སློང་རྣམས་དང་། དགེ་སློང་མ་རྣམས་དང་། དགེ་བསྙེན་རྣམས་དང་།
D619.091.0059b06.01དགེ་བསྙེན་མ་རྣམས་དང་། སེམས་ཅན་གཞན་གྱི་མིག་ཀྱང་རྣམ་པར་སྦྱོངས་ཤིག །མིག་གི་སྦུབས་རྣམ་པར་སྦྱོངས་ཤིག །མིག་གི་སྐྱོན་མེད་པར་གྱིས་ཤིག །ཏདྱ་ཐཱ། ཧི་ལི་མི་ལི། ཀི་ལི་མི་ལི། ཧི་ལི་ཏེ་མི་ལི། ཧུ་ཡཱ་ཧུ་ཡཱ་ཧུ་ཡཱ་མ་ནི། ཧུ་ལུ་ཧུ་ལུ་ཧུ་ལུ།
D619.091.0059b07.01