完整藏文原文 · 德格版页 当前仅加载第 91 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རབ་ཅན་དེ་ལ། །འཇིགས་པ་ཀུན་ཏུ་མི་འབྱུང་ངོ་། །ཆོ་ག་བཞིན་དུ་ཀློག་འཆང་ན། །གསང་བ་པོ་ཀུན་རྟག་ཏུ་བསྲུང་། །ཡོངས་སུ་སྐྱོང་བར་བྱེད་པར་འགྱུར། །རྟག་ཏུ་རྒྱལ་བར་བྱེད་པ་སྟེ། །དཔེར་ན་རིན་ཆེན་ཕྲེང་བ་ཡིས། །མགོ་བོ་
D607.091.0040b01.01བརྒྱན་ན་མཛེས་པ་ལྟར། །དེ་བཞིན་ཕུན་སུམ་ཚོགས་པས་མཛེས། །གང་ཞིག་རིག་སྔགས་འདི་འཆང་ན། །དེ་ཡིས་གདོན་རྣམས་རྣམ་པར་འཇིག །ནད་ཀྱིས་བཏབ་པར་མི་འགྱུར་རོ། །བུ་དང་ཚ་བོ་རྣམ་པར་འཕེལ། །དེ་ཡི་འཁོར་ནི་བཟང་པོར་
D607.091.0040b02.01འགྱུར། །སེམས་ཅན་ཀུན་ལ་ཕན་ཕྱིར་དང་། །བྱེ་བྲག་ཏུ་ནི་བྱས་པའི་ཕྱིར། །དེ་བཞིན་གཤེགས་པ་ཐམས་ཅད་ཀྱིས། །རིག་སྔགས་འདི་ནི་བྱིན་གྱིས་བརླབས། །ལྷ་ཡི་དབང་པོ་རྣམས་དང་ནི། །དེ་བཞིན་བྱང་ཆུབ་སེམས་དཔའ་སྲུང་། །དེ་ལ་ཕྱོགས་
D607.091.0040b03.01བཅུ་རྣམས་ཀྱི་ནི། །དེ་བཞིན་གཤེགས་པ་གཟིགས་པར་མཛད། །དགེ་བ་དང་ནི་ནོར་རྣམས་འཕེལ། །སྡིག་པ་རྣམས་ཀྱང་བྱང་བར་འགྱུར། །རྨི་ལམ་ངན་ཉེས་བྱས་པ་ཡིས། །གྲོལ་འགྱུར་འདི་ལ་ཐེ་ཚོམ་མེད། །ཏདྱ་ཐཱ། མུ་ནི་མུ་ནི། མུ་ནི་མུ་ནི་མུ་ནི་
D607.091.0040b04.01རི། མ་ཏི་མ་ཏི་མ་ཏི། །མ་ཧཱ་མ་ཏི། བདག་འཇིགས་པ་ཐམས་ཅད་ལས་སྲུངས་ཤིག །སྲུངས་ཤིག །སངས་རྒྱས་ཐམས་ཅད་ལ་ཕྱག་འཚལ་ལོ། །ཡམས་ཀྱི་ནད་དང་། གནོད་པ་ཐམས་ཅད་ལས་བདག་བདེ་ལེགས་སུ་གྱུར་ཅིག་སྭཱ་ཧཱ། འཕགས་པ་
D607.091.0040b05.01གཞན་གྱིས་མི་ཐུབ་པ་རིན་པོ་ཆེའི་ཕྲེང་བ་ཞེས་བྱ་བ་རྫོགས་སོ།། །།པཎྜི་ཏ་སུ་རེན་དྲ་བོ་དྷི་དང་། ཞུ་ཆེན་གྱི་ལོཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
D607.091.0040b06.01