完整藏文原文 · 德格版页 当前仅加载第 90 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་ཡིད་ཀྱིས་ཀྱང་དམིགས་སོ། །དེ་ནས་འབི་འབི་བྱེད་པའི་ཚེ་རིག་པ་ཆེན་མོ་འདི་བརྗོད་པར་བྱ་སྟེ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཞེས་ལན་བདུན་བཟླས་ཏེ་བྱིན་གྱིས་བརླབས་ན། འབི་འབི་ཉིད་ལས་ཡེ་ཤེས་ཀྱི་འོད་ཟེར་གྱི་སྤྲིན་གྱིས་ཕྱོགས་བཅུའི་འཇིག་རྟེན་གྱི་ཁམས་
D601.090.0263b01.01མཐའ་ཡས་པར་འཕྲོས་ཤིང་ཁྱབ་སྟེ། འགྲོ་བ་མང་པོའི་དོན་བྱེད་པར་འགྱུར་རོ། །འོད་ཟེར་གྱི་སྤྲིན་ཕུང་དེ་དག་སླར་འབི་འབིའི་ནང་དུ་འདུས་པས་ཀྱང་དེ་ཉིད་ཡེ་ཤེས་རིན་པོ་ཆེའི་རང་བཞིན་ཤེལ་སྒོང་ལྟར་ཡོངས་སུ་དག་པར་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་
D601.090.0263b02.01སོ། །དེ་ནས་འབི་འབིའི་ནང་དུ་བི་མ་ལ་ཨུཥྞཱི་ཥའི་སྙིང་པོ་མུ་དྲའི་ཕྱག་རྒྱར་བྱས་པའམ། གྲོ་གའམ། རས་སམ། ཤོག་ཤོག་གམ། ཤིང་ཤུན་ལ་སྔགས་བྲིས་པ་དང་། དེའི་ནང་དུ་རིགས་ལྔ་སོ་སོའི་སྙིང་པོ། ཨོཾ་ཧཱུྃ་ཏྲཱྃ་ཧྲཱིཿཨཱཿ། དེ་རྣམས་ཕྲུགས་སུ་སྦྱར་ཏེ། མུ་
D601.090.0263b03.01དྲའི་ཕྱག་རྒྱར་བྱས་པའམ། ཡི་གེར་བྲིས་པའམ་གང་ཡང་རུང་སྟེ་ནང་དུ་སྩལ་ན། དེ་བཞིན་གཤེགས་པའི་ཐུགས་ཡེ་ཤེས་དང་ལྡན་པར་འགྱུར་རོ། །ནང་དུ་སྩོལ་བའི་ཚེ་རིག་པའི་སྔགས་འདི་བརྗོད་པར་བྱའོ། །ཨོཾ་བཛྲ་གརྦྷེ་སྭཱ་ཧཱ། ཞེས་བྱ་བ་བཟླས་ན་དེ་བཞིན་
D601.090.0263b04.01གཤེགས་པ་ཐམས་ཅད་ཀྱི་ཐུགས་ཡེ་ཤེས་དེའི་ནང་དུ་འདུས་ཤིང་ཞུགས་པར་འགྱུར་རོ། །ཡིད་ཀྱིས་ཀྱང་དམིགས་སོ། །དེ་ནས་ཙཻ་ཏྱའི་ཕོར་བུའི་ནང་དུ་ཡུངས་ཀར་རམ། ཏིལ་མར་གྱིས་བསྐུ་བའི་སྔགས་རིག་པ་ཆེན་མོ་འདི་བརྗོད་པར་བྱའོ། ཨོཾ་ཨ་ར་ཛེ་བི་ར་ཛེ་
D601.090.0263b05.01སྭཱ་ཧཱ། ཞེས་ལན་གསུམ་བཟླས་ཤིང་བྱིན་གྱིས་བརླབས་ན་དེ་ཉིད་ཐབས་དང་ཤེས་རབ་འབྲེལ་པ་ལས་ཆོས་ཀྱི་དབྱིངས་ཉིད་ཀྱི་མཆོད་རྟེན་དུ་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་མཆོད་རྟེན་འདེབས་པའི་ཚེ་རིག་པ་ཆེན་མོ་འདི་བརྗོད་པར་བྱའོ། །
D601.090.0263b06.01ཨོཾ་བཛྭ་མུངྒར་ཨཱ་ཀོ་ཊ་ཡ་ཨཱ་ཀོ་ཊ་ཡ་ཧཱུྃ་ཕཊ། ཅེས་བཟླས་ཤིང་མཆོད་རྟེན་བཏབ་ན་དབྱིངས་དང་ཡེ་ཤེས་གཉིས་སུ་མེད་པར་འབྲེལ་པ་ལས་ཆོས་ཀྱི་སྐུའི་མཆོད་རྟེན་དུ་འགྱུར་རོ། །དེ་ནས་བི་མ་ལ་ཨུཥྞཱི་ཥའི་སྙིང་པོ་གང་ནས་བྱུང་བས་ཀྱང་མཆོད་རྟེན་བཏབ་ན་དབྱིངས་
D601.090.0263b07.01