完整藏文原文 · 德格版页 当前仅加载第 90 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་དང་། གཟི་བྱིན་འཕྲོག་པ་རྣམས་བཟློག་པར་གྱུར་ཅིག །ལྷའི་ནང་ན་ལྷའི་རྒྱལ་པོ་ནོར་ལྷའི་བུ་ཞེས་བགྱི་བ་མཆིས་ཏེ། དེ་ལ་བདག་ཕྱག་འཚལ་ལོ། །དེ་ཡང་བཅོམ་ལྡན་འདས་ཉིད་ལ་ཕྱག་འཚལ་ཏེ། རྫོགས་པའི་སངས་རྒྱས་དཔའ་བོ་སྟེ། །
D562.090.0146a01.01ཀུན་མཁྱེན་ཀུན་གཟིགས་ཁྱོད་ལ་འདུད། །ཡང་དག་དཔའ་བོ་ཁྱོད་ལ་འདུད། །ཆོས་བཞིན་མཐུན་པར་བལྟ་ཞིང་མཆིས། །དེ་ནས་རྒྱལ་པོ་ཆེན་པོ་བཞི་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་ནས། བཅོམ་ལྡན་འདས་
D562.090.0146a02.01འབའ་ཞིག་ལ་ཕྱག་འཚལ་ཞིང་གྲོས་མཐུན་པ་དང་། ཚིག་མཐུན་པ་དང་། སྐད་མཐུན་པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བསིལ་བའི་ཚལ་གྱི་མདོ་ཆེན་པོ་འདི་ནི་རྒྱལ་པོ་ཆེན་པོ་བཞིའི་བསྲུང་བ་སྟེ་འཁོར་བཞི་པོ་རྣམས་ལ་ཡོངས་
D562.090.0146a03.01སུ་ཁྱབ་པ་ལགས་སོ། །གནོད་སྦྱིན་དང་། སྲིན་པོ་ནས་གནོད་པ་བགྱིད་པའི་བར་དུ་བཟློག་པར་བགྱི་བ་དང་། འཁོར་བཞི་པོ་རྣམས་ལ་སྲུང་བ་དང་། སྐྱོབ་པ་དང་། སྦེད་པ་དང་། བདེ་ལེགས་སུ་འགྱུར་བ་དང་། བདེ་བར་གནས་པར་བགྱིད་པ་ལགས་སོ། །དེ་སྐད་ཅེས་
D562.090.0146a04.01གསོལ་པ་དང་། བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལ་འདི་སྐད་ཅེས་བཀའ་སྩལ་ཏོ། །ཀྱེ་རྒྱལ་པོ་ཆེན་པོ་དག་རིག་སྔགས་ཀྱི་རྒྱལ་པོ་ཆེན་པོ་བཟུང་ཟིན་ནོ། །བསིལ་བའི་ཚལ་གྱི་མདོ་ཆེན་པོ་ངས་ཡོངས་སུ་བཟུང་ཟིན་ནོ། །ཀྱེ་རྒྱལ་པོ་ཆེན་པོ་དག་གཞན་ཡང་ངས་བསིལ་
D562.090.0146a05.01བའི་ཚལ་གྱི་མདོ་ཆེན་པོ་ལ་རྗེས་སུ་ཡི་རང་བའི་རིག་སྔགས་ཀྱི་རྒྱལ་མོ་ཆེན་མོ་བརྗོད་ཀྱིས། དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །བཅོམ་ལྡན་འདས་དེ་ལྟར་འཚལ་ལོ། །ཞེས་རྒྱལ་པོ་ཆེན་པོ་བཞིས་བཅོམ་ལྡན་འདས་ཀྱིས་བཀའ་སྩལ་པ་ཉན་ཏོ། །
D562.090.0146a06.01དེ་ནས་བཅོམ་ལྡན་འདས་ཀྱིས་ཕྱག་རིན་པོ་ཆེ་གཡས་པས་ན་བཟའ་ཆོས་གོས་ཕྱེ་ནས་འབྱུང་པོའི་ཚོགས་དེ་དག་ལ་འདི་སྐད་ཅེས་བཀའ་སྩལ་ཏོ། །ངས་འདི་བསྟན་པར་བྱའོ། །རྒྱལ་པོ་ཆེན་པོ་རྣམ་ཐོས་ཀྱི་བུ་ལ་དབྱེ་བར་བྱའོ། །ཐམས་ཅད་ལ་གོ་བར་བྱའོ། །དེ་ནས་བཅོམ་
D562.090.0146a07.01