完整藏文原文 · 德格版页 当前仅加载第 90 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་གཅོད་མི་བགྱིད། །ལྕགས་སྡོང་ཤལ་མ་རི་ཡང་ཆག །ལྕགས་ཟངས་ཐམས་ཅད་རབ་ཏུ་ཞི། །རལ་གྲི་ལོ་མ་ཅན་ནགས་ན། །ལས་སྐྱེས་ལོ་མ་གནོད་མི་འགྱུར། །ཆོས་ཀྱི་རྒྱལ་པོ་གཤིན་རྗེ་ཁྱོད། །མི་རྣམས་ལ་ནི་ཆོས་ཀྱི་སྟོན། །རྒྱུ་འདི་མི་ཆུང་
D561.090.0126a01.01བདག་ཅག་ལ། །ཁྱོད་ཀྱིས་བརྗོད་པར་མཛད་པའི་རིགས། །དེ་ནས་ཆོས་ཀྱི་བདག་ཉིད་ཅན། །ཆོས་ངེས་ཆོས་ཀྱི་རྒྱལ་པོ་དེས། །སྙིང་རྗེའི་བསམ་པ་ཉམས་རྣམས་ཀྱི། །འདི་འདྲའི་ཚིག་དེ་ཐོས་གྱུར་ནས། །མྱུར་དུ་འདི་ནི་ཅི་ཡིན་སྨྲོས། །འདི་ནི་ཅི་འདྲ་ཡང་སྨྲོས་ཤིག །
D561.090.0126a02.01དེ་ནས་མི་བཟད་གཤིན་རྗེའི་མི། །གནོད་པའི་རྒྱུན་ཅན་དེ་དག་གིས། །ཆོས་ཀྱི་རྒྱལ་པོ་གཤིན་རྗེ་ལ། །འདི་སྐད་ཀྱི་ནི་ཚིག་སྨྲས་སོ། །མནར་མེད་རབ་ཏུ་ཉམ་ང་བར། །སེམས་ཅན་ཆེན་པོ་འདི་སྐྱེས་ལྷ། །གང་གི་མིང་ནི་མནར་མེད་པ། །དེས་ན་དེ་ནི་ཉམ་ངར་བརྗོད། །
D561.090.0126a03.01གང་གིས་སེམས་ཅན་བདེ་བགྱིས་པ། །རྣམ་པ་སྣ་ཚོགས་ལས་ལ་གཟིགས། །འདི་ནི་ཀུན་ཏུ་བདེ་གྱུར་ནས། །སླར་ཡང་ལྷ་ཡི་གནས་སུ་མཆིས། །ཆོས་ཀྱི་རྒྱལ་པོ་གཤིན་རྗེས་ཀྱང་། །མཐོང་ནས་ངོ་མཚར་སྨྲས་པ་ནི། །འདི་ནི་རྫུ་འཕྲུལ་ཆེ་བ་སྟེ། །འདི་ནི་ཚེ་རབས་
D561.090.0126a04.01སྔ་ལུས་ཚེ། །ཅི་ལྟར་སྐུ་གདུང་བརྒྱ་མང་པོས། །སྟོན་པའི་མཆོད་རྟེན་མཛེས་པ་ལྟར། །སོ་སོར་འབྲང་བ་མགུལ་བཏགས་པས། །དེ་ཡི་ལུས་ནི་དེ་བཞིན་མཛེས། །དེ་ནས་སེམས་ཅན་དམྱལ་བའི་སྲུང་མ་གནོད་སྦྱིན་དེ་དག་གིས་ཆོས་ཀྱི་རྒྱལ་པོ་གཤིན་རྗེ་ལ་འདི་སྐད་ཅེས་
D561.090.0126a05.01སྨྲས་སོ། །ལྷ་ཅི་ལྟར་ན་འདི་སོ་སོར་འབྲང་བ་ཞེས་བགྱི། ཆོས་ཀྱི་རྒྱལ་པོས་སྨྲས་པ། གང་གི་ཚིག་རྣམས་སོ་སོར་དྲན། །དེ་ནི་ངན་འགྲོར་འགྲོ་མི་འགྱུར། །སོ་སོར་འབྲང་བ་བསྒོམས་པ་ཡི། །ཤེས་རབ་ཅན་དེ་བདེ་འགྲོར་འགྲོ། །སེམས་ཅན་དམྱལ་བའི་སྲུང་མ་ཁྱེད། །
D561.090.0126a06.01རབ་ཏུ་རྒྱས་དང་ལྡན་པར་དོང་། །དེར་ནི་སྒང་བུ་མཐོན་པོ་ལ། །ལྷ་རྣམས་ཀྱིས་ནི་བསྐོར་བ་ལྟོས། །དེ་མཐོང་སེམས་ཅན་ཐམས་ཅད་ལ། །བྱམས་པའི་སེམས་སུ་འགྱུར་བར་གྱིས། །དེ་ནས་གཤིན་རྗེའི་མི་དེ་དག་དེ་ཉིད་ཀྱི་ནུབ་མོ་རྒྱས་པ་དང་ལྡན་པར་དོང་ངོ་། །དེ་ཚེ་དེར་ནི་དེ་དག་གིས། །
D561.090.0126a07.01