完整藏文原文 · 德格版页 当前仅加载第 88 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་པ་ལ། །མཚན་བརྒྱ་རྩ་བརྒྱད་ཀྱིས་བསྟོད་ནས། །དེ་ལ་ལྷ་སོགས་ཚོགས་རྣམས་ཀྱིས། །ཕྱག་བྱས་མགོ་སྨད་ཕྱོགས་གཅིག་འཁོད། །དེ་ནས་དཀྱིལ་འཁོར་ཆེན་པོ་ན། །གནས་པ་མ་ལུས་ཆེམ་མེར་འཁོད། །ཐོད་དུ་རྡོ་རྗེའི་ཐོད་འཆིང་བ། །ལངས་ནས་ཅོད་པན་རབ་ཏུ་གཡོས། །
D532.088.0099a01.01དཀྱིལ་འཁོར་མཐོན་པོ་ཐམས་ཅད་དུ། །སྐད་བེར་ཆེན་པོས་ཡོངས་བཀང་ནས། །ནོར་བུའི་རྒྱན་ནི་རྣམ་གཡོ་ཞིང་། །ཧ་ཧ་གྲགས་པའི་སྒྲ་སྒྲོགས་ཏེ། །ཀྱེ་མ་སངས་རྒྱས་ཡོན་ཏན་ཆེ། །བསྐལ་པ་གྲངས་མེད་གསུམ་བསགས་པ། །བྱང་ཆུབ་སེམས་སོགས་མཆོག་རྣམས་ཀྱིས། །མཚན་བརྒྱ་རྩ་བརྒྱད་
D532.088.0099a02.01ལེགས་པར་བརྗོད། །ཀྱེ་མ་རྙེད་དང་བདེ་འབྱུང་བ། །མཚན་བརྒྱ་རྩ་བརྒྱད་ཐོས་ནས་ཀྱང་། །གང་ཞིག་ཀློག་ཅིང་རྒྱལ་ལ་བསྟོད། །འབྲས་བུ་ཆེན་པོ་འགྲུབ་པར་འགྱུར། །མཚན་བརྒྱ་རྩ་བརྒྱད་སྔགས་བཅས་པ། །བཅོམ་ལྡན་འདས་དྲུང་བརྗོད་ན་ནི། །སྒྲིབ་དང་ཀུན་ནས་ཉོན་མོངས་དང་། །སྡིག་པ་ཐམས་
D532.088.0099a03.01ཅད་དག་པ་འཐོབ། །མཚན་བརྒྱ་རྩ་བརྒྱད་མཆོག་བཏོན་ན། །སྒྲིབ་པ་ཀུན་ལས་ངེས་གྲོལ་ཞིང་། །ཉོན་མོངས་མཐའ་དག་རྣམ་པར་སྤོང་། །ཤེས་རབ་ཆེན་པོ་ཉིད་དུ་འགྱུར། །དེ་ནི་ལོངས་སྤྱོད་ཆེན་པོ་དང་། །བདེ་བ་ལས་ཀྱང་ཉམས་མི་འགྱུར། །དེ་ནི་ཚེ་རབས་ཐམས་ཅད་དུ། །བློ་ལྡན་ཚེ་རབས་དྲན་
D532.088.0099a04.01པར་འགྱུར། །དེ་ནས་རྡོ་རྗེའི་ཐོད་འཆིང་བ། །ཡོན་ཏན་མཐའ་ཡས་སྲས་དེ་ལ། །བཅོམ་ལྡན་བདུད་ལས་རྒྱལ་བ་ཡིས། །མངོན་སུམ་གཟིགས་ནས་བཀའ་སྩལ་པ། །རྒྱལ་བའི་ས་འདི་ཞི་བ་སྟེ། །ང་རྒྱལ་ལ་སོགས་ཉོན་མོངས་འཇོམས། །འཇིག་རྟེན་བདེ་བ་ཀུན་ལས་འདས། །དེ་བཞིན་གཤེགས་བདེ་
D532.088.0099a05.01མངོན་དུ་ཕྱོགས། །གཞན་གྱིས་མི་ཚུགས་གཟུངས་དང་ནི། །མཚན་བརྒྱ་རྩ་བརྒྱད་ཉན་བྱེད་པ། །དེ་དག་རྣམ་དག་བདག་ཉིད་དེ། །སེམས་ཅན་ཀུན་ལ་བདེ་འདོད་པ། །ལན་ཅིག་ཐོས་པ་ཙམ་གྱིས་ཀྱང་། །དེ་དག་ས་ཆེན་འབྲས་བུར་གནས། །རིང་པོར་མི་ཐོགས་དགའ་འགྱུར་ན། །འཆང་སོགས་ལྟ་ལ་
D532.088.0099a06.01ཅི་ཞིག་སྨོས། །དེ་ཕྱིར་རྟག་ཏུ་རབ་བསྒྲིམས་ལ། །གཏན་དུ་བདེ་བ་འདོད་པ་ཡིས། །ཡོན་ཏན་རྒྱ་མཚོ་ལྡན་པའི་གཟུངས། །མཉན་པར་བྱ་ཞིང་བཅང་བར་བྱ། །གང་ཞིག་ནང་པར་ལངས་ནས་བརྗོད། །བདག་ཉིད་ཀྱིས་ཀྱང་བཏོན་ན་ནི། །དེ་ཡི་དོན་ཀུན་འགྲུབ་འགྱུར་ལ། །གནོད་པ་དང་ཡང་ཕྲད་མི་འགྱུར། །
D532.088.0099a07.01