'phags pa sgo mtha' yas pas bsgrub pa zhes bya ba'i gzungs/
当前为德格木刻版 64a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 64a
- 可引用原文
- 7 行
- 全文规模
- 全经 122 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 88 函 · 德格 64a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文དེ་མཐོང་ནས། སྐད་ཅིག་དེ་ཉིད་ལ་འདི་སྙམ་དུ་སེམས་ཏེ། ཞུས་པ་ལུང་བསྟན་པ་ཇི་ལྟ་བུས་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་གིས་སོམ་ཉི་ཐམས་ཅད་སྤོང་བར་འགྱུར་བ་དང་། སྒྲིབ་པ་མེད་པའི་ཡེ་ཤེས་དང་སྤོབས་པ་མྱུར་དུ་ཐོབ་པར་འགྱུར་བ་དང་།སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་ཀྱི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ལས་ཆོས་བསྟན་པ་ཐོས་པར་འགྱུར་བ་དང་། ཐོས་ནས་ཀྱང་འཛིན་པར་འགྱུར་ཞིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་
རྫོགས་པར་སངས་རྒྱས་ཀྱི་བར་དུ་བརྗེད་པར་མི་འགྱུར་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྤྱོད་པ་ཡོངས་སུ་དག་པ་གང་ཡིན་པ་བཞི་པོ་དེ་དག་རྗེས་སུ་འཐོབ་པར་འགྱུར་བ་སྟེ། བཞི་གང་ཞེ་ན། འདི་ལྟ་སྟེ། སེམས་ཅན་ཡོངས་སུ་དག་པ་དང་། ཆོས་ཡོངས་སུ་དག་པ་དང་། སྨོན་ལམ་ཡོངས་སུ་དག་པ་དང་། སངས་རྒྱས་ཀྱི་ཞིང་ཡོངས་སུ་དག་པ་སྟེ། དེ་དག་རྗེས་སུ་འཐོབ་པར་འགྱུར་བ་དང་། གྱ་ནོམ་པ་ཡིད་དུ་འོང་བར་བྱེད་པའི་ཆོས་བཞི་རྗེས་སུ་འཐོབ་པར་འགྱུར་བ་སྟེ། བཞི་གང་ཞེ་ན། འདི་ལྟ་སྟེ། ལུས་ཡིད་དུ་འོང་བ་དང་། ངག་ཡིད་
དུ་འོང་བ་དང་། སེམས་ཡིད་དུ་འོང་བ་དང་། སྐྱེ་བ་ཡིད་དུ་འོང་བ་རྗེས་སུ་འཐོབ་པར་འགྱུར་བ་དང་། གཟུངས་ཀྱི་སྒོར་འཇུག་པ་བཞི་རྗེས་སུ་འཐོབ་པར་འགྱུར་ཏེ། བཞི་གང་ཞེ་ན། འདི་ལྟ་སྟེ། སྒོ་མི་ཟད་པས་བསྒྲུབ་པའི་གཟུངས་ཀྱི་སྒོར་འཇུག་པ་དང་། སེམས་ཅན་རྣམས་ཀྱི་དབང་པོ་ལ་མཁས་པའི་གཟུངས་ཀྱི་སྒོར་འཇུག་པ་དང་། ལས་དང་རྣམ་པར་སྨིན་པ་ལ་མཁས་པ་འདུས་མ་བྱས་ཀྱི་གཟུངས་ཀྱི་སྒོར་འཇུག་པ་དང་། ཆོས་ཟབ་མོ་ལ་བཟོད་པའི་གཟུངས་ཀྱི་སྒོར་འཇུག་པ་རྗེས་སུ་ཐོབ་པར་འགྱུར་བ། དེ་ལྟ་བུའི་ཞུ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་ལ་བདག་གིས་ཞུ་གོར་མ་ཆག་སྙམ་མོ། །དེ་ནས་ཚེ་དང་ལྡན་པ་ཤཱ་རིའི་བུས་ཞུ་བ་ཇི་སྐད་སྨོས་པ་ཇི་ལྟར་ཡིད་ལ་བཟུང་བ། ཇི་ལྟར་ཡིད་ལ་བྱས་པ། ཇི་ལྟར་ཀུན་ཆུབ་པར་བྱས་པ་དེ་དག་བཅོམ་ལྡན་འདས་ལ་རྒྱ་ཆེར་གསོལ་ཏོ། །འདི་སྐད་ཅེས་ཀྱང་གསོལ་ཏེ།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D525
- 德格版页
- 64a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0140 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。